Movie News

వివాదాల ‘బ్యాడ్ గర్ల్’ వచ్చేస్తోంది

అదేంటి సిద్ధూ జొన్నలగడ్డ బ్యాడ్ యాస్ గురించి ఇవాళ విన్నాం కానీ ఈ బ్యాడ్ గర్ల్ ఎవరనుకుంటున్నారా. ఇది వేరే మ్యాటర్ లెండి. కోలీవుడ్ – బాలీవుడ్ కల్ట్ దర్శకులుగా పేరున్న వెట్రిమారన్, అనురాగ్ కశ్యప్ నిర్మాతలుగా మారి తీసిన ఈ సినిమా టీజర్ వచ్చి ఏడాది దాటేసింది. అయితే కంటెంట్ వివాదాస్పదంగా ఉండటంతో సోషల్ మీడియా వేదికగా తీవ్ర విమర్శలు వచ్చాయి. వర్షా భరత్ అనే మహిళా దర్శకురాలిని ఈ సినిమా ద్వారా పరిచయం చేస్తున్నారు. టైటిల్ రోల్ అంజలి శివరామన్ పోషించగా ఒకప్పటి హీరోయిన్ భానుప్రియ చెల్లెలు శాంతిప్రియ ఈ చిత్రంతో రీ ఎంట్రీ ఇస్తున్నారు. దీని వెనుక ఇంత కథ ఉంది.

అప్పటి నుంచే ఈ బ్యాడ్ గర్ల్ సెన్సార్ చిక్కులో పడింది. ఒక కులాన్ని కించపరిచే విధంగా ఇందులో సన్నివేశాలు ఉన్నాయంటూ పలువురు అభ్యంతరాలు వ్యక్తం చేయడంతో పాటు అధికారులకు సైతం అదే అనిపించడంతో రిలీజ్ ఆగిపోయింది. ఎట్టకేలకు వాళ్ళు చెప్పిన కట్స్, మార్పులకు ప్రొడ్యూసర్లు ఒప్పుకోవడంతో రూట్ క్లియర్ అయ్యింది. సెప్టెంబర్ 5 బ్యాడ్ గర్ల్ తమిళంతో పాటు తెలుగు, హిందీ, మలయాళంలో రిలీజ్ చేసేందుకు రంగం సిద్ధమవుతోంది. విపరీతమైన కట్టుబాట్లు ఉండే కుటుంబంలో పుట్టి పెరిగిన ఒక అమ్మాయి ప్రేమ, వైవాహిక జీవితంలో జరిగిన ఘటనల ఆధారంగా దీన్ని తెరకెక్కించారు.

చెన్నై టాక్ ప్రకారం ఎన్ని కత్తిరింపులు చేసినా బ్యాడ్ గర్ల్ విడుదల తర్వాత కాంట్రావర్సిలు తలెత్తుతాయట. మొన్న ఫిబ్రవరి నెలలో రోస్టర్ డామ్ ఫిలిం ఫెస్టివల్ లో ఈ సినిమాను ప్రదర్శిస్తే అక్కడ ప్రశంసలు అందుకుంది. అయితే సంప్రదాయాల్లో తప్పులను ఎత్తి చూపించే ఇలాంటి కంటెంట్ ని మన ప్రేక్షకులు ఎలా రిసీవ్ చేసుకుంటారో చూడాలి. వాయిదా పడినప్పటి నుంచి పలు సందర్భాల్లో వెట్రిమారన్, అనురాగ్ కశ్యప్ ఇద్దరూ సెన్సార్ పోకడల మీద అసహనం వ్యక్తం చేస్తూ వచ్చారు. ఏదైతేనేం పరిష్కారం దొరికింది. ముందు ఆగస్ట్ రిలీజ్ అనుకున్నారు కానీ కూలి, వార్ 2 దెబ్బకు ఇంకో నెల ఆలస్యంగా వస్తున్నారు.

This post was last modified on July 9, 2025 5:20 pm

Share
Show comments
Published by
Kumar
Tags: Bad Girl

Recent Posts

పర్ఫెక్షన్లో రాక్షసుడు జక్కన్న

బయట తన హీరోలతోనే కాక తన టీంలో అందరితో చాలా సరదాగా ఉంటూ.. క్లోజ్ రిలేషన్‌షిప్ మెయింటైన్ చేస్తుంటాడు రాజమౌళి.…

33 minutes ago

కర్ణాటకలో తెలుగు కనపడకూడదా?

కన్నడ కి అతి దగ్గర గా ఉండే లిపి తెలుగే. బళ్లారి ఆంధ్ర సరిహద్దు పట్టణం తెలుగు కూడా మాట్లాడుతారు.…

3 hours ago

రష్యా అధ్యక్షుడికి గోంగూర, ఆవకాయ తినిపించిన మోదీ

వెల్లులి బెట్టి పొగిచిన పుల్లని గోంగూర రుచిని బొగడగ వశమా? అంటూ గోంగూర రుచిని పొగిడారో తెలుగు కవి. గోంగూరకు…

4 hours ago

చిరుకి మమ్ముట్టితో పోలిక ముమ్మాటికీ రాంగే

ఏడు పదుల వయసులో రకరకాల పాత్రలు చేస్తూ తనకు తాను ఛాలెంజ్ విసురుకుంటున్న మలయాళం స్టార్ మమ్ముట్టి కొత్త సినిమా…

5 hours ago

మూడున్నర గంటల దురంధర్ మెప్పించాడా

ఒకరికి శాపం మరొకరికి వరం అయ్యిందన్న తరహాలో అఖండ 2 వాయిదా బాలీవుడ్ మూవీ దురంధర్ కు భలే కలిసి…

6 hours ago

అఖండ 2 నెక్స్ట్ ఏం చేయబోతున్నారు

బాలయ్య కెరీర్ లోనే మొదటిసారి ఇలాంటి పరిస్థితి చూస్తున్నామా అన్నట్టుగా అఖండ 2 తాలూకు పరిణామాలు ఫ్యాన్స్ ని బాగా…

7 hours ago