Movie News

సూర్య అంత కఠిన నిర్ణయం ఎందుకు తీసుకున్నాడంటే..

కరోనా కాలంలో దక్షిణాదిన చాలా సినిమాలు థియేట్రికల్ రిలీజ్ స్కిప్ చేసి ఓటీటీల్లో విడుదలయ్యాయి. కానీ వాటిలో చాలా వరకు చిన్న సినిమాలే. ఈ మధ్య వి, నిశ్శబ్దం లాంటి కొంచెం పెద్ద స్థాయి సినిమాలు రిలీజయ్యాయి కానీ.. వాటిని మినహాయిస్తే అన్ని చిన్న రేంజివే. ఐతే ఇప్పుడు సూర్య లాంటి సూపర్ స్టార్ నటించిన ‘ఆకాశం నీ హద్దురా’ అమేజాన్ ప్రైమ్ ద్వారా విడుదలైంది. ఈ సినిమా ఇలా రిలీజ్ కాబోతున్నట్లు కొన్ని నెలల కిందట ప్రకటన వచ్చినపుడు అందరూ ఆశ్చర్యపోయారు.

సూర్య లాంటి పెద్ద హీరో ఇంకొంత కాలం సినిమాను హోల్డ్ చేసి థియేటర్లలో రిలీజ్ చేసుకోలేడా అన్న ప్రశ్నలు తలెత్తాయి. ఈ విషయమై తమిళనాడు ఎగ్జిబిటర్లు సూర్య మీద ఆగ్రహాన్ని కూడా ప్రదర్శించారు. అయినా సరే.. సూర్య తగ్గలేదు. తన భార్య జ్యోతిక నటించిన ‘పొన్ మగళ్ వందాల్’ రిలీజపుడే ‘ఆకాశం నీ హద్దురా’ డిజిటల్ రిలీజ్ గురించి సంకేతాలిచ్చిన సూర్య.. తర్వాత అన్నంత పనీ చేశాడు.

ఐతే ఇదేమీ తాను ఇష్టపూర్వకంగా తీసుకున్న నిర్ణయం కాదని సూర్య తాజాగా వెల్లడించాడు. థియేటర్ల పున:ప్రారంభం కోసం ఎదురు చూడలేని విపత్కర పరిస్థితి తనకు తలెత్తినట్లు అతను తెలిపాడు. తన నిర్మాణంలో ఏడు సినిమాలు సెట్స్ మీద ఉన్న సమయంలో కరోనా వచ్చిందని.. దీంతో ఈ చిత్రాల్లో భాగమైన వ్యక్తలకు చెందిన వందల కుటుంబాల పరిస్థితి ప్రశ్నార్థకం అయిందని అతను చెప్పాడు. ఒక దశలో తన దగ్గర నిధులు నిండుకుని వాళ్లకు జీతాలివ్వలేని పరిస్థితి తలెత్తిందని.. ఆ పరిస్థితుల్లో ‘ఆకాశం నీ హద్దురా’ సినిమాను అమేజాన్ వాళ్లకు అమ్మేయడం ద్వారా పెద్ద మొత్తంలో డబ్బులు రావడంతో ఈ కుటుంబాలను ఆదుకోగలిగానని చెప్పాడు.

తన చిత్రాన్ని థియేటర్ల కోసమే సిద్ధం చేశామని, కానీ అనివార్య పరిస్థితుల్లో ఇలా రిలీజ్ చేయాల్సి వచ్చిందని, ఐతే ఈ మార్గంలో మరింత మందికి రీచ్ అవుతున్నందుకు సంతోషమే అని తెలిపాడు. సుధ కొంగర దర్శకత్వంలో రూపొందిన ‘ఆకాశం నీ హద్దురా’ రెండు రోజుల కింటే ప్రైమ్‌లో విడుదలై మంచి స్పందన రాబట్టుకుంటోంది.

This post was last modified on November 13, 2020 1:05 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

9 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

23 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

42 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

58 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago