సౌత్ ఇండియాలో సెన్సేషన్ క్రియేట్ చేసిన చిత్రాల్లో ‘బిచ్చగాడు’ ఒకటి. ఈ సినిమా రిలీజవుతున్నపుడు పెద్దగా అంచనాలే లేవు. తమిళంలో అయినా పర్వాలేదు కానీ.. తెలుగు వాళ్లయితే రిలీజ్ రోజు ఈ చిత్రాన్ని అస్సలు పట్టించుకోలేదు. అసలు ‘బిచ్చగాడు’ అనే టైటిల్తో సినిమా ఏంటి అనుకున్నారు. కానీ రిలీజైన కొన్ని రోజులకు ఈ సినిమాకు అనూహ్యంగా స్పందన పెరిగిపోయింది. రివ్యూలు, మౌత్ పబ్లిసిటీ తోడై సినిమా ఊహించని స్థాయికి వెళ్లిపోయింది. మహేష్ బాబు సినిమా ‘బ్రహ్మోత్సవం’ మీద ఈ చిత్రం పైచేయి సాధించడం విశేషం. కొన్ని వారాల పాటు రన్ అయిన ఈ చిత్రం.. ఓటీటీలో కూడా అద్భుతమైన స్పందన తెచ్చుకుంది.
ఈ మూవీతోనే సంగీత దర్శకుడు విజయ్ ఆంటోనీ హీరోగా స్టార్ ఇమేజ్ సంపాదించాడు. కానీ ఆ తర్వాత విజయ్ నుంచి చాలా సినిమాలు వచ్చాయి కానీ.. అవేవీ ఆశించిన ఫలితాన్ని అందుకోలేదు. చాలా ఏళ్ల తర్వాత అతడికి మళ్లీ సక్సెస్ అందింది ‘బిచ్చగాడు-2’తోనే. ఆ సినిమాకు మిక్స్డ్ రివ్యూలే వచ్చినప్పటికీ ‘బిచ్చగాడు’ సీక్వెల్ కావడం వల్ల వసూళ్లు బాగానే వచ్చాయి. ‘బిచ్చగాడు-2’ తర్వాత విజయ్ ఆంటోనీ కెరీర్ మళ్లీ తిరోగమనంలోనే పయనిస్తోంది.
ఇప్పుడు ‘మార్గన్’ అనే చిత్రంతో ప్రేక్షకుల ముందుకు రాబోతున్న విజయ్ ఆంటోనీ.. ‘బిచ్చగాడు-3’ గురించి అనౌన్స్మెంట్ ఇచ్చాడు. త్వరలోనే చిత్రీకరణ మొదలుపెడతామని.. వచ్చే ఏడాది ఈ సినిమా రిలీజవుతుందని ప్రకటించాడు. ‘బిచ్చగాడు’ను డైరెక్ట్ చేసింది ‘శీను’ ఫేమ్ శశి కాాగా.. సీక్వెల్కు ఆయన పని చేయలేదు. విజయ్ ఆంటోనీనే దర్శకత్వ బాధ్యతలు చేపట్టాడు. ఇప్పుడు ‘బిచ్చగాడు-3’ని కూడా విజయే డైరెక్ట్ చేయబోతున్నాడట. తన సొంత నిర్మాణ సంస్థ ‘విజయ్ ఆంటోనీ ఫిలిమ్స్’ బేనర్లోనే ఈ సినిమాను కూడా అతను ప్రొడ్యూస్ చేయబోతున్నాడు.
This post was last modified on June 26, 2025 3:23 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…