టాలీవుడ్లో ఎంతోమంది హీరోలకు ఘనవిజయాలు అందించారు అగ్ర నిర్మాత దిల్ రాజు. ఇమేజ్ లేని హీరోలను స్టార్లను చేసిన.. స్టార్లను సూపర్ స్టార్లను చేసిన ఘనత ఆయన సొంతం. అలాంటి ఆయన తన కుటుంబానికి చెందిన ఆశిష్ను హీరోగా నిలబెట్టలేకపోతున్నారు. తన సోదరుడు శిరీష్ తనయుడైన ఆశిష్ను హీరోగా పెట్టి రెండు చిత్రాలు (రౌడీ బాయ్స్, లవ్ మి) నిర్మించిన రాజుకు విజయం దక్కలేదు. ఆశిష్ కొత్త ప్రాజెక్టులపై ప్రస్తుతం సరైన సమాచారం లేదు. అతను హీరోగా రెండేళ్ల ముందే ‘సెల్ఫిష్’ అనే సినిమా మొదలైంది కానీ.. అది ఎంతకీ పూర్తి కాలేదు. రిలీజ్కూ నోచుకోలేదు. మరోవైపు ఆశిష్ హీరోగా ‘ఆర్య-3’ చేస్తారనే ప్రచారం ఇటీవల నడిచింది. ఇంకోవైపు ‘దేత్తడి’ అంటూ మరో సినిమా తెరపైకి వచ్చింది. ఈ ప్రాజెక్టుల గురించి దిల్ రాజు ఒక ఇంటర్వ్యూలో క్లారిటీ ఇచ్చాడు.
‘సెల్ఫిష్’ సినిమాను ప్రస్తుతానికి హోల్డ్లో పెట్టినట్లు దిల్ రాజు స్పష్టం చేశారు. అది సుకుమార్, తాను కలిసి ఒక ఐడియా నచ్చి మొదలుపెట్టిన సినిమా అని రాజు చెప్పారు. సుకుమార్ శిష్యుడి దర్శకత్వంలో సినిమా మొదలైందని.. 50 శాతం చిత్రీకరణ కూడా పూర్తి చేశామని రాజు తెలిపారు. కానీ సగం సినిమా అయ్యాక చూసుకుంటే ఔట్ పుట్ సరిగా లేదని.. దీంతో దాన్ని హోల్డ్లో పెట్టామని రాజు వెల్లడించారు. అన్నీ సరి చూసుకుని 100 పర్సంట్ సంతృప్తికరంగా అనిపిస్తేనే ఈ సినిమాను ముందుకు తీసుకెళ్లాలని అనుకున్నామని.. ప్రస్తుతానికి అది హోల్డ్లోనే ఉందని ఆయన చెప్పారు. ‘రౌడీ బాయ్స్’కు కరోనా వల్ల కొంత ఇబ్బంది తలెత్తిందని.. రిలీజ్ టైమింగ్ సరిగా కుదరలేదని రాజు చెప్పారు. ‘లవ్ మి’ ఆశిష్కు డిఫరెంట్గా ఉంటుందని ట్రై చేశామని.. కానీ అది పూర్తిగా మిస్ ఫైర్ అయిందని రాజు తెలిపారు.
ఇక ‘ఆర్య-3’ గురించి మాట్లాడుతూ.. తాను, సుకుమార్ కలిసి ఒక ఐడియా విషయంలో ఎగ్జైట్ అయి ఈ టైటిల్ రిజిస్టర్ చేయించామని.. ఐతే పూర్తి కథేమీ రెడీ కాలేదని రాజు తెలిపారు. ‘ఆర్య’కు సుకుమార్ పని చేసినట్లే పిచ్చెక్కినట్లు పని చేసే దర్శకుడి కోసం చూస్తున్నామని.. స్క్రిప్టు ఎలాంటి షేప్ తీసుకుంటుందన్న దాన్ని బట్టి దాన్ని అల్లు అర్జున్తో చేయాలా.. ఆశిష్తో చేయాలా.. మరొకరిని ఎంచుకోవాలా అన్నది నిర్ణయిస్తామని రాజు పేర్కొన్నారు. ప్రస్తుతానికి ఆశిష్ హీరోగా ‘దేత్తడి’తో పాటు మరో కథ కూడా ఓకే అయిందని.. ప్రస్తుతం వీటి స్క్రిప్టు, ప్రి ప్రొడక్షన్ పనులు జరుగుతున్నాయని.. ‘దేత్తడి’ తమ బేనర్లోనే చేస్తామని.. ఇంకోటి బయటి బేనర్లో ఉంటుందని రాజు వెల్లడించారు.
This post was last modified on June 25, 2025 11:51 am
ఒక తెలుగు సినిమా పాతిక రోజులకు పైగా స్ట్రాంగ్ రన్ చూసి ఎంత కాలమయ్యిందంటే వెంటనే సమాధానం చెప్పడం కష్టం.…
సెలబ్రిటీల జీవితం పైకి ఎంత ఆకర్షణగా కనిపిస్తుందో లోపల అంత ఘర్షణ ఉంటుంది. ముఖ్యంగా హీరోయిన్ల విషయంలో ఇది ఎక్కువగా…
బీజేపీతో ప్రతిపక్ష బీఆర్ఎస్ లోపాయికారీగా పొత్తు పెట్టుకుందని అధికార కాంగ్రెస్ పార్టీ తరచుగా ప్రచారం చేస్తున్న విషయం తెలిసిందే. ముఖ్యమంత్రి…
నేచురల్ స్టార్ నాని తన కెరీర్లోనే అతి పెద్ద పరీక్షకు సిద్ధమవుతున్నాడు. వచ్చే గురువారం తన కొత్త చిత్రం ‘ది…
థియేటర్లకు వచ్చే జనం తగ్గిపోతున్నారు అని.. సింగిల్ స్క్రీన్లు మూతపడిపోతున్నాయని తీవ్ర ఆందోళన వ్యక్తమవుతున్న దశలో గత మూడు నెలలుగా…
వచ్చే సంక్రాంతికి విశ్వంభర రిలీజవుతుందని, కాకా వేసవికి వెళ్లిపోవచ్చనే ప్రచారం గత వారం రోజులుగా చాలా బలంగా తిరుగుతోంది. తుది…