కరోనాను జనాలు మరీ సీరియస్గా తీసుకునే రోజులు పోయాయి. ఇప్పటికీ దాని ప్రభావం కొనసాగుతున్నా.. వైరస్ ధాటికి ప్రాణాలు పోతున్నా జనాల్లో భయం మాత్రం తగ్గిపోయింది. అందరూ అన్ని చోట్లా స్వేచ్ఛగా తిరిగేస్తున్నారు. శానిటైజర్ల వాడకం తగ్గింది. మాస్కుల సంగతి కూడా అంతగా పట్టించుకోవట్లేదు. ఐతే ఈ నిర్లక్ష్యం ప్రమాదమనే వైద్య నిపుణులు అంటున్నారు. అందరికీ వ్యాక్సిన్ అందుబాటులోకి వచ్చే వరకు ఎంతమాత్రం అలక్ష్యం ప్రదర్శించడానికి వీల్లేదని హెచ్చరిస్తూనే ఉన్నారు. అయినా సరే.. జనాల్లో భయం కనిపించడం లేదు.
మెగాస్టార్ చిరంజీవి సైతం ఈ విషయంలో నిర్లక్ష్యం ప్రదర్శించారు. రఘు కుంచె కూతురి పెళ్లిలో, సీఎం కేసీఆర్ను కలిసినపుడు చిరు మాస్కు లేకుండా కనిపించారు. ఆయన దగ్గర మాస్కు ఉన్నప్పటికీ ఫొటోలకు పోజులివ్వడం కోసమో ఏమో తీసి పక్కన పెట్టేశారు. ఇదే ఇప్పుడు ముఖ్యమంత్రి కేసీఆర్ను భయపెట్టేస్తున్నట్లు సమాచారం.
కరోనా పెద్ద వయస్కుల మీద తీవ్ర ప్రభావమే చూపుతోంది. కోట్లు ఖర్చు చేసినా, అత్యుత్తమ వైద్య చికిత్స అందినా సరే చాలామంది ప్రముఖుల ప్రాణాలు నిలవని నేపథ్యంలో.. చిరుకు కరోనా అని తెలియగానే కేసీఆర్ షేక్ అయినట్లు తెలుస్తోంది. ఆయన వెంటనే తన ఫామ్ హౌస్కు వెళ్లిపోయి క్వారంటైన్ అయ్యారు. ఆయన దగ్గరే ఒక వైద్యుడిని కూడా ఉంచుకున్నట్లు తెలుస్తోంది. కేసీఆర్కు 66 ఏళ్లు. కొన్ని ఆరోగ్య సమస్యలు కూడా ఉన్నాయి. ఈ నేపథ్యంలో ఎంతమాత్రం నిర్లక్ష్యం వహించడానికి వీల్లేదు.
కరోనా విషయంలో జనాల్ని జాగృత పరుస్తూ వస్తున్న సీఎం.. తాను మాత్రం మాస్కుతో కనిపించిన సందర్భాలు అరుదు. మీడియాలో కనిపించే ఫొటోల్లో కేసీఆర్ చాలా వరకు మాస్కు లేకుండానే కనిపిస్తున్నారు. ఐతే ఇప్పటిదాకా కేసీఆర్ చుట్టూ ఉన్న వాళ్లు, కలిసిన వాళ్లలో ఎవరూ కరోనా బారిన పడ్డట్లు పెద్దగా వార్తలు రాలేదు. ఆయన కూడా తనను కలిసే వారితో దూరంగానే ఉంటూ వచ్చారు.
కానీ చిరు ఆయనతో సన్నిహితంగానే మెలిగారు. చాలా సమీపంలోకి వచ్చి వరద సాయం చెక్కును అందజేశారు. దీంతో కేసీఆర్ భయపడుతున్నట్లు తెలిసింది. కేసీఆర్తో పాటు చిరును కలిసిన సంతోష్లకు కరోనా పరీక్ష చేయిస్తే ప్రస్తుతానికి నెగెటివ్యే వచ్చింది. ఐతే ఇద్దరూ క్వారంటైన్ అయ్యారు. కొన్ని రోజుల తర్వాత మళ్లీ పరీక్షలు చేయించుకోనున్నారు.
చిరుతో కలిసి నాగ్ కూడా కేసీఆర్ను కలిసిన నేపథ్యంలో ఆయన కూడా అప్రమత్తమైనట్లు తెలుస్తోంది. ఆయన హోస్ట్ చేస్తున్న ‘బిగ్ బాస్’ టీం కూడా జాగ్రత్త పడాల్సిందే. చిరును చరణ్ కూడా కలిసి ఉంటాడు కాబట్టి అతను నటిస్తున్న ‘ఆర్ఆర్ఆర్’ టీంపైనా ప్రభావం ఉండకపోదు. మొత్తానికి చిరు ఒక్కడికి కరోనా అనగానే అటు రాజకీయ, ఇటు సినీ వర్గాల్లో కలకలమే రేగింది.
ఏపీ అధికార పార్టీ జనసేన అధినేత, ఉప ముఖ్యమంత్రి పవన్ కల్యాణ్.. సంచలన ప్రకటన చేశారు. పార్టీలో యువతరాన్ని ఆకర్షించేందుకు..…
పాలన విషయంలో మంత్రి లోకేష్ పక్కా ప్లానింగ్తో వ్యవహరిస్తున్నారా? అంటే.. ఔననే సమాధానమే వినిపిస్తోంది. రాజకీయాలను విధానపరమైన అంశాలను కలగాపులగం…
పద్దెనిమిదేళ్ల అవమానాలు, ఎగతాళి మాటలకు బెంగళూరు జట్టు శాశ్వతంగా ముగింపు పలికింది. ఐపీఎల్ చరిత్రలో ట్రోల్స్ కు కేరాఫ్ అడ్రస్…
గ్రేటర్ హైదరాబాద్ మునిసిపల్ కార్పొరేషన్ ఎన్నికలు త్వరలోనే జరగనున్నాయి. ఇప్పటికే పాలక మండలి కూడా రద్దయింది. ప్రత్యేక అధికారి పాలనలోకి…
ఈ మధ్య కనిపించడం కాస్త తగ్గించినా హీరోయిన్ అనుపమ పరమేశ్వరన్ ను మన ప్రేక్షకులు అంత సులభంగా మర్చిపోరు. మొన్న…
ఇటీవల సోషల్ మీడియాలో కాక్రోచ్ జనతా పార్టీ సృష్టించిన ప్రభంజనం అందరికీ తెలిసిందే. బొద్దింకల పార్టీగా ప్రారంభమై.. ఒక వైపు…