ఎన్టీఆర్-త్రివిక్రమ్ శ్రీనివాస్ కలిసి చేసిన తొలి సినిమా ‘అరవింద సమేత వీర రాఘవ’ పెద్ద హిట్టయిన సంగతి తెలిసిందే. త్రివిక్రమ్ అజ్ఞాతవాసి లాంటి డిజాస్టర్ ఇచ్చాక తారక్ అతడితో కలిసి సినిమా చేశాడు. అంత కమిట్మెంట్ చూపించిన తారక్కు త్రివిక్రమ్ ఈసారి హ్యాండివ్వబోతున్నట్లుగా ఈ మధ్య రూమర్లు హల్చల్ చేస్తున్న సంగతి తెలిసిందే.
‘ఆర్ఆర్ఆర్’ తర్వాత తారక్ త్రివిక్రమ్ దర్శకత్వంలో నటించడానికి అంగీకరించడం.. నందమూరి కళ్యాణ్ రామ్తో కలిసి హారిక హాసిని సంస్థ ఈ సినిమాను నిర్మించేందుకు ఒప్పందం కుదరడం.. ఇంతకుముందే అనౌన్స్మెంట్ కూడా ఇవ్వడం తెలిసిందే. కానీ ఈ మధ్య త్రివిక్రమ్ ఆలోచనలు మారిపోయాయని.. ఎన్టీఆర్ అనుకున్న సమయానికి అందుబాటులోకి వచ్చేలా లేకపోవడంతో వేరే కమిట్మెంట్లు ఇచ్చేశాడని.. తారక్తో ఆయన సినిమా ఉండకపోవచ్చని ప్రచారం జరిగింది.
ఏవేవో సినిమాలు అనౌన్స్ చేస్తూ, అప్డేట్లు ఇస్తూ వచ్చిన హారిక హాసిని సంస్థ.. ఎన్టీఆర్ 30 గురించి మాత్రం ఏమీ స్పందించకపోవడంతో అభిమానుల్లో సందేహాలు కలిగాయి. ఐతే ఆ సందేహాలన్నీ పటాపంచలు చేస్తూ ఈ రోజు ఆ సినిమా ఉంటుందనే సంకేతాలు ఇచ్చింది నిర్మాణ సంస్థ. శనివారం త్రివిక్రమ్ పుట్టిన రోజు. ఈ సందర్భంగా ఎన్టీఆర్ 30 సినిమా బృందం తరఫున ఆయనకు శుభాకాంక్షలు తెలిపారు. పోస్టర్ మీద ఎన్టీఆర్ 30 అని హ్యాష్ ట్యాగ్ వేశారు.
అలాగే నిర్మాతలుగా రాధాకృష్ణతో పాటు కళ్యాణ్ రామ్ పేరు కూడా వేశారు. కాబట్టి అనుకున్న కాంబినేషన్లో, ఆర్ఆర్ఆర్ తర్వాత ఎన్టీఆర్ చేయబోయే ప్రాజెక్టు ఇదే అని స్పష్టం అయిపోయింది. దీంతో ఎన్టీఆర్ అభిమానులు ఈ సినిమా మీద పెట్టుకున్న సందేహాలన్నింటినీ పక్కన పెట్టేశారు. బహుశా వచ్చే ఏడాది ద్వితీయార్ధంలో ఈ సినిమా పట్టాలెక్కే అవకాశముంది.
This post was last modified on November 7, 2020 6:49 pm
తాజాగా ఏపీలో కూటమిగా ఎన్నికలకు వెళ్తున్న టీడీపీ-బీజేపీ-జనసేన పార్టీలు మేనిఫెస్టో విడుదల చేశాయి. మొత్తంగా ఆది నుంచి చంద్రబాబు చెబుతున్న…
ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి ఇటీవలే వైసీపీ ఎన్నికల మేనిఫెస్టోను ప్రకటించారు. పాత పథకాలకే కొన్ని మెరుగులు దిద్దడం…
దర్శకుడు శంకర్ రెండో సినిమాగా ప్రేమికుడు మీద మూవీ లవర్స్ కు ప్రత్యేకమైన అభిమానం ఉంది. కొరియోగ్రాఫర్ గా ఉన్న…
యువత, సోలో, శ్రీరస్తు శుభమస్తు, గీత గోవిందం చిత్రాలతో ఒకప్పుడు టాలీవుడ్ ప్రామిసింగ్ యంగ్ డైరెక్టర్లలో ఒకడిగా కనిపించాడు పరశురామ్.…
ఆంధ్రప్రదేశ్లో జగన్ సర్కారు అధికారంలోకి వచ్చాక అతి పెద్ద వైఫల్యాల్లో ఒకటిగా మారిన అంశం నిరుద్యోగం. ఏటా జనవరి 1న…
లోకనాయకుడు కమల్ హాసన్ ‘విక్రమ్’ మూవీతో గ్రాండ్ రీఎంట్రీ ఇచ్చారు. ఇక దీని కంటే ముందు మొదలై మధ్యలో ఆగి..…