చిన్న చిన్న క్యారెక్టర్లతో మొదలుపెట్టి.. ఇప్పుడు సౌత్ ఇండియాలోనే అత్యంత డిమాండ్ ఉన్న నటుల్లో ఒకడిగా ఎదిగాడు విజయ్ సేతుపతి. ఓవైపు హీరోగా నటిస్తూనే.. ఇంకోవైపు క్యారెక్టర్, విలన్ రోల్స్తో అతను అదరగొడుతున్నాడు. సినిమాలకు సంబంధించి తన అభిప్రాయాలకు ఎంతో విలువ ఉంటుంది కూడా. అలాంటి మేటి నటుడు ఓ చిన్న తెలుగు సినిమాను ఓ ఇంటర్వ్యూలో తెగ మెచ్చేసుకున్నాడు. ఆ చిత్రమే.. కోర్ట్. నాని నిర్మాణంలో రామ్ జగదీష్ అనే కొత్త దర్శకుడు రూపొందించిన ఈ చిత్రం మార్చిలో విడుదలై ఘనవిజయం సాధించింది.
ఓ టీనేజ్ అబ్బాయి, అమ్మాయి మధ్య సాగే ప్రేమకథ.. తదనంతర పరిణామాలతో సాగే ఈ కథను చాలా గ్రిప్పింగ్గా నడిపించి మెప్పించాడు రామ్ జగదీష్. పెట్టుబడి మీద రెండు మూడు రెట్ల లాభాలను అందించిన ఈ సినిమాను ఓ తమిళ ఛానెల్ ఇంటర్వ్యూలో సేతుపతి కొనియాడడం విశేషం. ప్రముఖ సినిమా విశ్లేషకుడు భరద్వాజ్ రంగన్ చేసిన తమిళ ఇంటర్వ్యూలో సేతుపతి ‘కోర్ట్’ ప్రస్తావన తెచ్చాడు. ఈ మధ్య మీరు చూసిన సినిమాలు, వాటిలో నచ్చినవి ఏంటి అని భరద్వాజ్ రంగన్ అడగ్గా.. విడాముయర్చితో పాటు కోర్ట్ మూవీని ఓటీటీలో చూసినట్లు సేతుపతి తెలిపాడు.
ఇందులో ‘కోర్ట్’ తనకు చాలా నచ్చిందని సేతుపతి చెప్పాడు. దర్శకుడు ఈ సినిమాను చాలా బాగా తీశాడన్నాడు. ఇటు సేతుపతి, అటు భరద్వాజ్ ఈ సినిమా క్లైమాక్స్ గురించి ప్రత్యేకంగా మాట్లాడారు. కళ్యాణమండపంలోని గదిలో ఏం జరిగిందో అమ్మాయి, అబ్బాయి వేర్వేరుగా చెప్పే సన్నివేశం ఈ సినిమాకు చాలా బలమని ఇద్దరూ అన్నారు. కొందరు తెలుగు ప్రేక్షకులు సోషల్ మీడియాలో ఈ సీన్ క్రింజ్ అని అన్నారని.. కానీ ఈ సినిమాకు ఆ సన్నివేశమే ఆయువుపట్టు అని భరద్వాజ్ వ్యాఖ్యానించగా.. సేతుపతి కూడా ఆ అభిప్రాయంతో అంగీకరించాడు. ప్రేక్షకులు ఊహించినదానికి భిన్నంగా దర్శకుడు ఈ సన్నివేశం రాసి, తీశాడని.. ఇలాంటి సీన్ రాయడం అంత తేలిక కాదని.. చాలా కన్విన్సింగ్గా, గ్రిప్పింగ్గా క్లైమాక్స్ తీశారని సేతుపతి అభిప్రాయపడ్డాడు. ఓ చిన్న తెలుగు సినిమా గురించి సేతుపతి లాంటి నటుడు ఇలా ఓ తమిళ ఇంటర్వ్యూలో కొనియాడడం విశేషమే.
ఏపీ అధికార పార్టీ జనసేన అధినేత, ఉప ముఖ్యమంత్రి పవన్ కల్యాణ్.. సంచలన ప్రకటన చేశారు. పార్టీలో యువతరాన్ని ఆకర్షించేందుకు..…
పాలన విషయంలో మంత్రి లోకేష్ పక్కా ప్లానింగ్తో వ్యవహరిస్తున్నారా? అంటే.. ఔననే సమాధానమే వినిపిస్తోంది. రాజకీయాలను విధానపరమైన అంశాలను కలగాపులగం…
పద్దెనిమిదేళ్ల అవమానాలు, ఎగతాళి మాటలకు బెంగళూరు జట్టు శాశ్వతంగా ముగింపు పలికింది. ఐపీఎల్ చరిత్రలో ట్రోల్స్ కు కేరాఫ్ అడ్రస్…
గ్రేటర్ హైదరాబాద్ మునిసిపల్ కార్పొరేషన్ ఎన్నికలు త్వరలోనే జరగనున్నాయి. ఇప్పటికే పాలక మండలి కూడా రద్దయింది. ప్రత్యేక అధికారి పాలనలోకి…
ఈ మధ్య కనిపించడం కాస్త తగ్గించినా హీరోయిన్ అనుపమ పరమేశ్వరన్ ను మన ప్రేక్షకులు అంత సులభంగా మర్చిపోరు. మొన్న…
ఇటీవల సోషల్ మీడియాలో కాక్రోచ్ జనతా పార్టీ సృష్టించిన ప్రభంజనం అందరికీ తెలిసిందే. బొద్దింకల పార్టీగా ప్రారంభమై.. ఒక వైపు…