తెలుగులో హోల్ సమ్ ఫ్యామిలీ ఎంటర్టైనర్ అనగానే గుర్తుకొచ్చే సినిమా ‘బొమ్మరిల్లు’. చిన్నా పెద్దా అని తేడా లేకుండా అన్ని వయసుల వాళ్లనూ ఉర్రూతలూగించిన సినిమా అది. సిద్దార్థ్, జెనీలియా జంటగా దిల్ రాజు నిర్మాణంలో కొత్త దర్శకుడు భాస్కర్ రూపొందించిన ఆ చిత్రం 2006లో విడుదలై సంచలన విజయం సాధించింది. స్టార్ హీరో సినిమా కాదు కాబట్టి వంద రోజుల సెంటర్లు, కలెక్షన్ల లెక్కల గొప్పలు లేవు కానీ.. అప్పట్లో ఈ సినిమా మామూలుగా ఆడలేదు. విషయం, ఆదరణ.. ఈ రెండు కోణాల్లో ఎలా చూసినా టాలీవుడ్ అత్యుత్తమ చిత్రాల్లో ‘బొమ్మరిల్లు’ ఒకటి.
ఈ చిత్రం పలు భాషల్లో రీమేక్ అయింది. తమిళంలో జయం రవి ప్రధాన పాత్రలో ఈ సినిమా తెరకెక్కి అక్కడా విజయం సాధించింది. జెనీలియా అందులో హీరోయిన్. అలాగే హిందీలో సైతం బాలీవుడ్ అగ్ర నిర్మాత బోనీ కపూర్ హిందీ రీమేక్ హక్కులు తీసుకున్నారు. ‘ఇట్స్ మై లైఫ్’ పేరుతో రీమేక్ చేశారు.
స్టార్ డైరెక్టర్ అనీస్ బజ్మి దర్శకత్వంలో తెరకెక్కిన ఈ చిత్రంలో హర్మేన్ బవేజా సిద్దార్థ్ పాత్రను భర్తీ చేస్తే.. ఒరిజినల్లో తాను చేసిన పాత్రనే హిందీలో జెనీలియా పోషించింది. ప్రకాష్ రాజ్ చేసిన తండ్రి పాత్రలో నానా పటేకర్ నటించారు. ఐతే క్రేజీ కాంబినేషన్లో, మంచి అంచనాల మధ్య మొదలై పూర్తయిన ఈ సినిమా అనివార్య కారణాల వల్ల విడుదలకు నోచుకోలేకపోయింది. కొంత కాలానికి అందరూ ఆ సినిమా గురించి మరిచిపోయారు.
నిర్మాత బోనీనే ఆ సినిమాను పట్టించుకోలేదు. ఐతే ఇప్పుడు ఆ చిత్ర హీరో హీరోయిన్లు అసలు లైమ్ లైట్లో లేని సమయంలో ‘ఇట్స్ మై లైఫ్’ విడుదలకు సిద్ధమవుతండటం విశేషం. ప్రస్తుతం ఓటీటీల హవా నడుస్తుండటంతో కొన్ని పాత చిత్రాలను కూడా వీటిలో రిలీజ్ చేస్తున్న సంగతి తెలిసిందే. ఇదే తరహాలో ‘ఇట్స్ మై లైఫ్’ను జీ5న ఈ నెల 29న స్ట్రీమ్ చేయబోతున్నట్లు ప్రకటించారు. మరి ఇంత పాత సినిమాను ఇప్పుడు జనాలు ఏమేర ఆదరిస్తారో చూడాలి.
This post was last modified on November 6, 2020 3:18 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…