Movie News

TRP ట్విస్ట్ : షాక్ ఇచ్చిన పుష్ప 2 రేటింగ్స్

ఇండియన్ బిగ్గెస్ట్ బ్లాక్ బస్టర్ గా పద్దెనిమిది వందల కోట్ల వసూళ్లతో ఆల్ టైం రికార్డులు సృష్టించిన పుష్ప 2 ది రూల్ మొదటిసారి శాటిలైట్ ఛానల్ లో ప్రీమియర్ అవుతున్నప్పుడు భారీ రేటింగ్స్ వస్తాయని ఆశించడం సహజం. దానికి తగ్గట్టే స్టార్ మా టీమ్ విస్తృతంగా ప్రమోషన్లు చేసింది. సుకుమార్, దేవిశ్రీప్రసాద్ తదితరుల ప్రత్యేక ఇంటర్వ్యూ ఫుటేజ్ తీసుకుని ప్రసారం మధ్యలో ఎక్స్ క్లూజివ్ కంటెంట్ గా వదిలింది. ఇన్ని చేసినా పుష్ప 2 టిఆర్పి రేటింగ్స్ లో మహాద్భుతం చేయలేకపోయింది. అనుకున్న దానికన్నా కొంచెం ఆటుఇటు సగమే రీచ్ అయ్యి అభిమానులకు, టీవీ వర్గాలకు ఊహించని షాక్ ఇచ్చింది.  

రిపోర్ట్స్ ప్రకారం పుష్ప 2 ది రూల్ కు వచ్చిన టిఆర్పి 12.61 మాత్రమే. ఇది మంచి నెంబరే కానీ సినిమా బాక్సాఫీస్ దగ్గర అందుకున్న ఫలితంతో చూస్తే చాలా తక్కువ. గతంలో అల వైకుంఠపురములో (29.4), పుష్ప ది రైజ్ (22.5), డీజే దువ్వాడ జగన్నాథం (21.7) బన్నీ చిత్రాల్లో అగ్ర స్థానంలో ఉండగా సూపర్ ఫ్లాప్ గా నిలిచిన నా పేరు సూర్య నా ఇల్లు ఇండియా (12.5) కి దగ్గరగా పుష్ప 2 నెంబర్ నమోదు కావడం ఆశ్చర్యం కలిగించే విషయం. ఈ ప్రీమియర్ జరుగుతున్న టైంలోనే సంక్రాంతికి వస్తున్నాం రెండోసారి జీ ఛానల్ లో రావడం కొంత ప్రభావం చూపించి ఉంటుంది కానీ అది కూడా 6 లోపే నమోదు చేసుకుంది.

ఇక్కడ కొన్ని విషయాలు అర్థం చేసుకోవాలి. ఓటిటిలు వచ్చాక మునుపటిలా కొత్త సినిమాలు టీవీలో అదే పనిగా చూసేందుకు ప్రేక్షకులు ఇష్టపడటం లేదు. అందులోనూ పైరసీ అందుబాటు, థియేటర్ రన్ కాగానే లోకల్ ఛానల్స్ లో వాటిని త్వరగా ప్రసారం చేయడం లాంటి కారణాలు టిఆర్పికి అడ్డుపడుతున్న మాట వాస్తవం. గంటల తరబడి యాడ్స్ భరిస్తూ ఇబ్బంది పడటం కన్నా కోరుకున్న టైంలో సౌకర్యవంతంగా రివైండ్, ఫార్వార్డ్ చేసుకుంటూ వచ్చే సౌలభ్యాన్ని ఆడియన్స్ ఎక్కువ ఇష్టపడుతున్నారు. ఇలా అయితే భవిష్యత్తులో శాటిలైట్ హక్కుల డిమాండ్ మరింత కిందకు పడిపోతుంది. ఇది నిర్మాతలకు ఆందోళన కలిగించేదే. 

This post was last modified on April 24, 2025 3:06 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago