కొన్నిసార్లు బాక్సాఫీస్ ఫలితాలు అనూహ్యంగా ఉంటాయి. టాక్ తేడాగా వచ్చినా, జనానికి పూర్తిగా నచ్చకపోయినా కలెక్షన్లు మాత్రం భీభత్సంగా వచ్చేస్తాయి. ఇటీవలి కాలంలో రెండు ఉదాహరణలు ప్రముఖంగా చెప్పుకోవచ్చు. వాటిలో మొదటిది ఎల్2 ఎంపురాన్. ఫస్ట్ పార్ట్ లూసిఫర్ కి కనీసం దరిదాపుల్లో లేకపోయినా మోహన్ లాల్ ఇమేజ్, ఈ ఫ్రాంచైజ్ కున్న బ్రాండ్ వేల్యూ వల్ల వందలాది కోట్లు వచ్చి పడ్డాయి. ఇప్పుడు కేరళ నెంబర్ వన్ సింహాసనం దక్కించుకుంది. వివాదాలు, విమర్శలు ఎన్ని వచ్చినా తట్టుకుని నిలబడింది. విచిత్రం ఏంటంటే తెలుగుతో సహా ఇతర భాషల్లో ఎల్2 ఎంపురాన్ కి తిరస్కారం ఎదురయ్యింది.
రెండోది గుడ్ బ్యాడ్ అగ్లీ. వింటేజ్ అవతారంలో అజిత్ విశ్వరూపం చూసి ఫ్యాన్స్ వెర్రెత్తిపోతున్నారు. లాజిక్ లేని కథా కథనాలు, విచిత్రమైన క్యారెక్టరైజేషన్లు, మోతాదుకి మించి పాత సినిమాల రెఫరెన్సులు, హోరెత్తే బీజీఎమ్ ఇవన్నీ తలా మేజిక్ ముందు చిన్నబోతున్నాయి. తమిళనాడులో ఈ ఏడాది టాప్ గ్రాసర్ గా నిలిచేందుకు పరుగులు పెడుతోంది. ఓపెనింగ్స్ పరంగా బీస్ట్, లియో, జైలర్ లాంటి వాటిని దాటడం కష్టంగా ఉన్నా యునానిమస్ టాక్ లేని గుడ్ బ్యాడ్ అగ్లీకి జనం బ్రహ్మరథం పట్టడాన్ని ఎలా అర్థం చేసుకోవాలి. ఇది కూడా అచ్చం ఎల్2 లాగే ఒరిజినల్ వెర్షన్ తప్ప ఇతర భాషల్లో సోసోగానే నెట్టుకొస్తోంది.
స్టార్ పవర్ తాలూకు ఇంపాక్ట్ ఈ స్థాయిలో ఉంటుంది. మన దగ్గర కూడా గతంలో ఇలాంటి ఉదాహరణలు బోలెడున్నాయి. అజ్ఞాతవాసి, సర్దార్ గబ్బర్ సింగ్ లు ఎంత డిజాస్టర్ అయినా మొదటి రోజు రికార్డులు గురించి ఫ్యాన్స్ ఇప్పటికీ మాట్లాడుకుంటారు. గుంటూరు కారం డివైడ్ టాక్ తట్టుకుని కొన్ని ఏరియాల్లో బయ్యర్లకు లాభాలిచ్చింది. ఫస్ట్ డే వచ్చిన మిశ్రమ స్పందన తట్టుకుని దేవర అయిదు వందల కోట్లను దాటడం వెనుక కారణం జూనియర్ ఎన్టీఆర్ మాస్ పవరే. సరైన కంటెంట్ పడాలే కానీ ఆకాశమే హద్దుగా మన స్టార్లు చెలరేగిపోతారని చెప్పడానికి గత డిసెంబర్లో వచ్చిన పుష్ప 2 కన్నా వేరే ఎగ్జాంపుల్ అక్కర్లేదుగా.
This post was last modified on April 12, 2025 1:17 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…