పెద్దాయన క్షమాపణ…ఇక వదిలేయొచ్చు

ఇటీవలే జరిగిన రాబిన్ హుడ్ ప్రీ రిలీజ్ ఈవెంట్ లో నటకిరీటి రాజేంద్ర ప్రసాద్ ఈ సినిమాలో చిన్న పాత్ర చేసిన క్రికెటర్ డేవిడ్ వార్నర్ ని ఉద్దేశించి అన్న మాటల మీద నెగటివ్ కామెంట్స్ గట్టిగానే వినిపించాయి. ఆయనేదో చనువుగా అన్నా అది కోట్లాది మంది వీడియోల్లో చూసే పబ్లిక్ స్టేజి కావడంతో రీచ్ ఎక్కడికో వెళ్ళిపోయింది. అందులోనూ రాజేంద్రుడు ఏనాడూ అలా నోరుజారిన సందర్భాలు లేవు. ఎంతసేపు నటన గురించి, చిత్రాల్లో తన పాత్రల గురించి చెప్పుకుంటారు తప్పించి వ్యంగ్యంగా అయినా సరే ఇబ్బంది పడే కామెడీ చేయడం అరుదు. అనుకోకుండా అది రాబిన్ హుడ్ వేడుకలో జరిగిపోయింది.

వచ్చిన స్పందన గమనించిన రాజేంద్రుడు తన తప్పు తెలుసుకుని క్షమాపణ చెబుతూ ఒక వీడియో రిలీజ్ చేశారు. నితిన్ లాగే డేవిడ్ వార్నర్ కూడా తన బిడ్డ లాంటి వాడని, ఈవెంట్ కు ముందు బోలెడు అల్లరి చేసుకున్నామని, పరస్పరం సినిమాల్లో క్రికెట్ లో రా చూసుకుందాం అంటూ సవాళ్లు విసురుకున్నామని, ఆ చనువుతోనే అలా అన్నాను తప్పించి వేరే దురుద్దేశం లేదని క్లారిటీ ఇచ్చారు. అంతే కాదు ఇకపై ఇలాంటివి రిపీట్ కాకుండా చూసుకుంటానని హామీ ఇచ్చారు. ఇక్కడితో ఈ వివాదానికి ఫుల్ స్టాప్ పడిందని చెప్పొచ్చు. హర్ట్ అయిన డేవిడ్ వార్నర్ అభిమానులు శాంతించవచ్చు.

వచ్చిన స్పందన గమనించిన రాజేంద్రుడు తన తప్పు తెలుసుకుని క్షమాపణ చెబుతూ ఒక వీడియో రిలీజ్ చేశారు. నితిన్ లాగే డేవిడ్ వార్నర్ కూడా తన బిడ్డ లాంటి వాడని, ఈవెంట్ కు ముందు బోలెడు అల్లరి చేసుకున్నామని, పరస్పరం సినిమాల్లో క్రికెట్ లో రా చూసుకుందాం అంటూ సవాళ్లు విసురుకున్నామని, ఆ చనువుతోనే అలా అన్నాను తప్పించి వేరే దురుద్దేశం లేదని క్లారిటీ ఇచ్చారు. అంతే కాదు ఇకపై ఇలాంటివి రిపీట్ కాకుండా చూసుకుంటానని హామీ ఇచ్చారు. ఇక్కడితో ఈ వివాదానికి ఫుల్ స్టాప్ పడిందని చెప్పొచ్చు. హర్ట్ అయిన డేవిడ్ వార్నర్ అభిమానులు శాంతించవచ్చు.

ఒకప్పుడంటే ఏమో కానీ ఇప్పుడు ఈవెంట్లో ఎదైనా మాట్లాడితే లైవ్, ఆ తర్వాత ఫుటేజ్ రూపంలో శాశ్వతత్వం సంపాదించుకుంటోంది. అందుకే ఏదైనా అనే ముందు ఒకటికి రెండుసార్లు ఆలోచించాలి. కొన్నేళ్ల క్రితం ఒక సీనియర్ క్యారెక్టర్ ఆర్టిస్టు యాంకర్ ని ఉద్దేశించి అన్న మాట ఏకంగా మహిళా సంఘాలు కోర్టు కేసు పెట్టే దాకా వెళ్ళింది. తర్వాత ఆయన సారీ చెప్పడం, సద్దుమణగడం జరిగాయి. ఎక్కడిదాకో ఎందుకు ఆ మధ్య తండేల్ ఈవెంట్ లో అల్లు అరవింద్ తన మేనల్లుడు సినిమా గేమ్ ఛేంజర్ గురించి వేసిన జోక్ పెద్ద రచ్చ చేసి ఆయనతోనూ క్షమాపణ చెప్పించింది. అందుకే పెద్దలు జాగ్రత్తగా ఉండాలనేది.