ఇండియన్ ఫిలిం హిస్టరీలోనే బిగ్గెస్ట్ బ్లాక్ బస్టర్లలో హిందీ ‘గజిని’ ఒకటి. హాలీవుడ్ మూవీ ‘మొమెంటో’ స్ఫూర్తితో తమిళంలో సూర్య హీరోగా మురుగదాస్ ఈ పేరుతో రూపొందించిన చిత్రం తమిళంలోనే కాక తెలుగులోనూ బ్లాక్ బస్టర్ అయింది. ఆ తర్వాత దీన్ని అదే పేరుతో ఆమిర్ హీరోగా హిందీలో రీమేక్ చేశాడు మురుగదాస్. 2008లోనే ఈ చిత్రం రూ.200 కోట్ల వసూళ్లు రాబట్టి పాత ఇండియన్ బాక్సాఫీస్ రికార్డులన్నింటినీ బద్దలు కొట్టేసింది. ఈ సినిమాకు సీక్వెల్ చేయాలని మురుగదాస్ ఎప్పట్నుంచో అనుకుంటున్నాడు కానీ కుదరడం లేదు. ఐతే ఇప్పుడు ఈ దిశగా ప్రయత్నాలు చేస్తున్నట్లు స్వయంగా ఆయనే చెప్పాడు.
గత కొన్నేళ్లలో వరసగా డిజాస్టర్లు ఇచ్చిన మురుగ.. హిందీ మూవీ ‘సికందర్’తో కమ్ బ్యాక్ ఇవ్వాలని చూస్తున్నాడు.సల్మాన్ ఖాన్ హీరోగా రూపొందిన ‘సికందర్’ రంజాన్ కానుకగా ఈ నెల చివర్లో విడుదల కానుంది. ఈ సినిమా పని మొదలవడానికి ముందే ముంబయిలో ఆమిర్ ఖాన్ను కలిసినట్లు మురుగదాస్ వెల్లడించాడు. అప్పుడు గజిని-2 గురించి, వేరే కథల మీద తమ మధ్య చర్చలు జరిగాయన్నాడు.
ఐతే తర్వాత తాను ‘సికందర్’, ఆమిర్ ‘సితారే జమీన్ పర్’ చిత్రాలతో బిజీ అయ్యామని.. ఈ ప్రాజెక్టులు పూర్తయ్యాక ఇద్దరం మళ్లీ కూర్చుంటామని.. గజిని-2 ఐడియాలపై డిస్కస్ చేస్తామని ఓ ఇంటర్వ్యూలో మురుగదాస్ వెల్లడించాడు. ఐతే గజిని-2 కార్యరూపం దాల్చాలంటే ముందు ‘సికందర్’ బాగా ఆడాలి. మురుగదాస్ ట్రాక్ రికార్డు ఇప్పటికే బాగా దెబ్బ తినేసింది. ‘సికందర్’ కూడా ఆడకపోతే.. అసలే ‘లాల్ సింగ్ చడ్డా’తో గట్టి ఎదురు దెబ్బ తిన్న ఆమిర్, మురుగదాస్తో సినిమా చేసే సాహసం చేయకపోవచ్చు.
ఇండస్ట్రీలో హీరోయిన్ల కెరీర్ కు ఒక ఎక్స్ పైరీ డేట్ ఉంటుందనేది ఎప్పటినుంచో వినిపించే మాటే. పాతికేళ్ల నుంచి ముప్పై…
మహారాష్ట్ర ముఖ్యమంత్రి, బీజేపీ సీనియర్ నాయకుడు దేవేంద్ర ఫడణవీస్తో ఏపీ మంత్రి, టీడీపీ జాతీయ వర్కింగ్ ప్రెసిడెంట్ నారా లోకేష్…
విజయవాడ పెద్ది ప్రీ రిలీజ్ ఈవెంట్ ఘనంగా ముగిసింది. ఏర్పాట్ల దగ్గరి నుంచి అయిపోయే దాకా ఎక్కడా అపశ్రుతి లేకుండా…
తెలంగాణ నాయకురాలు, తెలంగాణ రక్షణ సేన(టీఆర్ఎస్) పార్టీ అధ్యక్షురాలు కవిత తాజాగా చేసిన వ్యాఖ్యలపై సోషల్ మీడియాలో పెద్ద ఎత్తున…
పెద్ది నుంచి ఏదైనా బ్యాంగర్ లాంటి కంటెంట్ కావాలని ఎదురు చూస్తున్న అభిమానులకు అది మస్సా మస్సా వీడియో సాంగ్…
ఏపీ సీఎం చంద్రబాబు.. తాజాగా కల్లు రుచి చూశారు. వాస్తవానికి ఆయన ఇలాంటి వాటికి కడు దూరంగా ఉంటారు. అయితే..…