పునర్ణ‌వి పెళ్ల‌ట‌.. మ‌రి వ‌‌రుడెవ‌రు?

పున‌ర్ణ‌వి.. స్వ‌త‌హాగా సినీ న‌టి అయినా.. ఆమెకు ఎక్కువ పాపులారిటీ వ‌చ్చింది బిగ్ బాస్ షోతోనే. ఉయ్యాల జంపాల సినిమాలో ప్ర‌త్యేక పాత్ర‌తో తొలిసారి ప్రేక్ష‌కుల క‌ళ్ల‌ల్లో ప‌డ్డ పునర్ణ‌వి ఆ త‌ర్వాత పిట్ట‌గోడ అనే సినిమాలో క‌థానాయిక‌గా కూడా న‌టించింది. ఆ త‌ర్వాత కొన్ని సినిమాల్లో త‌ళుక్కుమంది. ఐతే ఈ సినిమాలను మించి బిగ్ బాస్ షో ఆమెకు గుర్తింపు తెచ్చిపెట్టింది.

ఆ షో త‌ర్వాత కూడా అడ‌పాద‌డ‌పా తెర‌పై త‌ళుక్కుమంటున్న పున‌ర్ణ‌వి.. ఇప్పుడు పెళ్లి వార్త‌తో త‌న ఫాలోవ‌ర్ల‌ను ప‌ల‌క‌రించింది. ఈ రోజు ట్విట్ట‌ర్లో త‌న ఎంగేజ్మెంట్ రింగ్‌ను చూపిస్తూ ఫొటోల‌కు పోజులిచ్చింది. కానీ వ‌రుడెవ‌ర‌న్న‌ది మాత్రం వెల్లడించ‌లేదు. అవ‌త‌ల ఆమె చేతిని అందుకున్న మ‌రో చేయి క‌నిపిస్తోంది. అది వ‌రుడిదేనా కాదా అన్న‌ది తెలియ‌డం లేదు. అది వ‌రుడి చేయే అయితే.. అక్క‌డున్న‌ది రాహుల్ సిప్లిగంజ్ మాత్రం కాద‌న్న‌ది స్ప‌ష్టం. అది అత‌డి చేయిలాగా అయితే లేదు.

బిగ్ బాస్ షోలో రాహుల్-పున‌ర్ణ‌విల సాన్నిహిత్యం ఎంత‌గా చ‌ర్చ‌నీయాంశం అయిందో అంద‌రికీ తెలిసిందే. వాళ్లిద్ద‌రూ ప్రేమలో ఉన్నార‌న్న బ‌ల‌మైన అభిప్రాయాలు జ‌నాల‌కు క‌లిగాయి. షో ముగిశాక కూడా వీళ్లిద్ద‌రి సాన్నిహిత్యం కొన‌సాగింది. క‌లిసి కొన్ని షోల్లో కూడా పాల్గొన్నారు. ఐతే పున‌ర్ణ‌వితో తాను రిలేష‌న్‌షిప్‌లో లేన‌ని, ఆమె జీవితంలో వేరే వ్య‌క్తి ఉన్నాడ‌ని రాహుల్ గ‌తంలో క్లారిటీ ఇచ్చాడు.

పున‌ర్ణ‌వి కూడా ఇదే సంకేతాలు ఇచ్చింది. అయినా స‌రే వారి బంధం గురించి పుకార్లు కొన‌సాగుతూనే ఉన్నాయి. ఇప్పుడేమో త‌న నిశ్చితార్థం గురించి పున‌ర్ణ‌వి అప్ డేట్ ఇచ్చింది. ఇంత‌కీ ఆమెకు కాబోయే వ‌రుడెవ‌రో.. దీనికి సంబంధించిన స‌స్పెన్స్ ఎప్పుడు వీడుతుందో చూడాలి మ‌రి.