Movie News

అర్జున్ రెడ్డి భామకు బ్రేక్ దొరికిందా

షాలిని పాండే గుర్తుందా. విజయ్ దేవరకొండ అనే సెన్సేషన్ తో పాటు సందీప్ రెడ్డి వంగా అనే ఫైర్ బ్రాండ్ దర్శకుడిని పరిశ్రమకు ఇచ్చిన బ్లాక్ బస్టర్ అర్జున్ రెడ్డి హీరోయిన్. డెబ్యూతోనే ఇంత పెద్ద హిట్టు సాధించినప్పుడు సహజంగా ఆఫర్లు వెల్లువెత్తుతాయి. కానీ ఈ జబల్ పూర్ బ్యూటీకి అలా జరగలేదు. స్టార్ హీరోల నుంచి పిలుపు రాకపోవడంతో అవకాశాలు పెద్దగా తలుపు తట్టలేదు. ఇదంతా 2017 నాటి ముచ్చట. మధ్యలో రాజ్ తరుణ్, బాలకృష్ణ, కళ్యాణ్ రామ్, జివి ప్రకాష్ లాంటి అగ్ర, మీడియం రేంజ్ హీరోల సినిమాల్లో ఫుల్ లెన్త్, క్యామియోలు చేసింది కానీ అవేవి ఆశించిన ఫలితం ఇవ్వలేదు.

అమీర్ ఖాన్ కొడుకు జునైద్ ఖాన్ మహారాజ్ లోనూ ఛాన్స్ దక్కించుకుంది కానీ అదేమో డిజాస్టరయ్యింది. తాజాగా డబ్బా కార్టెల్ వెబ్ సిరీస్ తో ఇటీవలే ప్రేక్షకులను పలకరించింది. ఒక రకంగా చెప్పాలంటే అర్జున్ రెడ్డి తర్వాత చెప్పుకోదగ్గ పాత్ర ఇదే. మధ్య తరగతి జీవితాన్ని నెట్టుకురాలేక భర్తతో జర్మనీలో సెటిలయ్యేందుకు కలలు కనే భార్యగా షాలినికి మంచి క్యారెక్టరే దక్కింది. ఆదాయం కోసం అత్త, మరో ముగ్గురు స్నేహితురాళ్లతో కలిసి ప్రమాదకరమైన డ్రగ్స్ వ్యాపారం చేయడమనే పాయింట్ చుట్టూ డబ్బా కార్టెల్ తిరుగుతుంది. మొత్తం ఏడు ఎపిసోడ్లతో దర్శకుడు హితేష్ భాటియా దీన్ని రూపొందించారు.

నెట్ ఫ్లిక్స్ లో స్ట్రీమింగ్ అవుతున్న డబ్బా కార్టెల్ కు స్పందన బాగానే ఉంది. కొంచెం ల్యాగ్ తో పాటు కొన్ని కంప్లయింట్స్ ఉన్నప్పటికీ ప్రేక్షకులు ఎంజాయ్ చేస్తున్నట్టు రిపోర్ట్స్ చెబుతున్నాయి. ఈ మధ్య కాలంలో కొంచెం డీసెంట్ అని చెప్పుకోదగ్గ క్రైమ్ థ్రిల్లర్ ఇదేనని రివ్యూలు పెడుతున్నారు. సూర్య భార్య జ్యోతిక కూడా ఇందులో కీలకమైన రోల్ దక్కించుకున్నారు. అయితే ముంబైలో లక్షలాది మందికి జీవనోపాధిగా నిలిచిన టిఫిన్ బాక్సుల డబ్బా వ్యాపారాన్ని ఇలా చీకటి కోణంలో చూపించడం పట్ల అభ్యంతరాలు వ్యక్తమవుతున్నాయి కానీ మేకర్స్ మాత్రం అవేం పట్టించుకోకుండా ఈ ఏడాదిలోనే సెకండ్ సీజన్ కి రెడీ అవుతున్నారు.

This post was last modified on March 15, 2025 4:30 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago