వాణిజ్య ప్రకటనల్లో స్టార్ హీరోలు నటించడం కొత్తేమీ కాదు. మహేష్ బాబు ఎన్ని బ్రాండ్లను ప్రమోట్ చేస్తున్నాడో అభిమానులే ఠక్కున చెప్పలేరు. జూనియర్ ఎన్టీఆర్ ఆ మధ్య ఆర్ఆర్ఆర్ టైంలో యాడ్స్ చేయలేదు కానీ తాజాగా మళ్ళీ మొదలుపెట్టాడు. అందులో భాగంగా నిన్న ఆన్ లైన్ సరుకులను డెలివరీ చేసే జెప్టో యాడ్ లో కనిపించాడు. డైరెక్టర్ కొంచెం ఎక్కువ క్రియేటివిటీ చూపించడంతో వీడియో వెరైటీగా అనిపించింది. అయితే అధిక శాతం మాట్లాడుకున్న అంశం జూనియర్ హెయిర్ స్టైల్, లుక్స్ గురించే. సోషల్ మీడియాలో ఎక్కువగా యాంటీ ఫ్యాన్స్ నెగటివిటీ కనిపించడం చర్చకు దారి తీసింది.
నిజానికి తారక్ ఇప్పుడు వార్ 2 చివరి దశ షూటింగ్ లో ఉన్నాడు. బయట ఎయిర్ పోర్ట్స్, ఫంక్షన్లలో కనిపించడం పక్కనపెడితే ఈ ప్యాన్ ఇండియా మూవీ కోసం ప్రత్యేకమైన లుక్స్ మైంటైన్ చేస్తున్నాడు. అవి ఎట్టి పరిస్థితుల్లో బయటికి రాకుండా జాగ్రత్త పడుతున్నాడు. ఇటీవలే హృతిక్ రోషన్ తో కలిసి పాట డాన్స్ లో పాల్గొంది కూడా దీంతోనే. ఇలాంటి టైంలో జెప్టో షూట్ రావడంతో ఏదోలా మేనేజ్ చేసుకుని కొంచెం కొత్తగా ట్రై చేద్దామని క్రాఫు మార్చిన జుత్తుతో కనిపించాడు. కానీ ఆశించినంత పాజిటివ్ గా వెళ్ళలేదు. మాములుగా ఎంత యాడ్ అయినా సరే లుక్ టెస్ట్ చేస్తారు. మరి దీని విషయంలో సీరియస్ గా చూడలేదేమో.
ఇదంతా పక్కనపెడితే కేవలం కొన్ని సెకండ్ల పాటు వచ్చే యాడ్ మీద ఇంత శల్యపరీక్ష అవసరమా అంటే లేదనే చెప్పాలి. ఆ మధ్య చిరంజీవి ఒక పాల ప్యాకెట్ల ప్రకటనలో మాస్ గా కనిపిస్తే దాని మీద కూడా కామెంట్స్ వచ్చాయి. అభిమానులు మరీ ఎక్కువ ఊహించుకోవడమో లేదా యాంటీ ఫ్యాన్స్ అవసరానికి మించి ట్రోలింగ్ కు దిగడమో చేసినప్పుడు ఇలాంటి సమస్యలు వస్తాయి. ఇప్పుడొచ్చిన జెప్టో యాడ్ ఇంకా మొదటిదేనట. రెండోది త్వరలో రిలీజ్ చేయబోతున్నారు. వార్ 2 ప్రమోషన్లు వేసవిలో మొదలుపెట్టబోతున్నారు. అప్పుడు అందరి డౌట్లు జూనియర్ తీర్చేయొచ్చు.
This post was last modified on March 8, 2025 5:28 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…