Movie News

దిల్‌రుబా ప్లాట్ గెస్ కొట్టు.. బైక్ పట్టు

ఈ రోజుల్లో సినిమా తీయడం కంటే దాన్ని సరిగ్గా మార్కెట్ చేసి జనాల్లోకి తీసుకెళ్లడం పెద్ద సవాలుగా మారిపోయింది. థియేటర్లకు వచ్చే ప్రేక్షకుల సంఖ్య అంతకంతకూ తగ్గిపోతున్న నేపథ్యంలో పబ్లిసిటీ అన్నది చాలా కీలకం అయింది. ఈ నేపథ్యంలో ప్రేక్షకుల దృష్టిని ఆకర్షించడానికి కొత్త కొత్త ఐడియాలతో ముందుకు వెళ్తున్నారు ఫిలిం మేకర్స్. ఏదో ఒక కాంపిటీషన్ లాంటిది పెట్టి బహుమతులు ప్రకటించి ప్రేక్షకుల్లో సినిమా గురించి చర్చ జరిగేలా చేయడం అన్నది ఎప్పట్నుంచో ఉన్న స్ట్రాటజీనే.

ఇప్పటికీ దాన్ని అనుసరిస్తున్న వాళ్లు ఉన్నారు. ఈ నెలలోనే ప్రేక్షకుల ముందుకు రానున్న ‘దిల్ రుబా’ సినిమాను ప్రమోట్ చేసే క్రమంలో హీరో కిరణ్ అబ్బవరం ఇదే రూటును అనుసరిస్తున్నాడు. ‘ప్లాట్ గెస్ కొట్టు.. బైక్ పట్టు’ అంటూ అతను ఒక ఆసక్తికర ప్రమోషనల్ స్ట్రాటజీని అమలు చేస్తున్నాడు.

ఈ సినిమా కథ ఏంటన్నది ప్రమోషనల్ ఈవెంట్లు, ప్రోమోల ద్వారా తాము చెప్పకనే చెప్పేశామని.. ఈ నేపథ్యంలో ప్లాట్ పాయింట్ ఏంటన్నది ప్రేక్షకులు కని పెట్టి చెప్పాలని కిరణ్ పిలుపునిచ్చాడు. తమ క్రియేటివిటీకి ఆడియన్స్ పదును పెట్టాలని.. ఎవరు సృజనాత్మకంగా ఆలోచించి ప్లాట్ పాయింట్ చెబుతారో వారికి బైక్ గిఫ్టుగా ఇస్తామని కిరణ్ తెలిపాడు. ఐతే కిరణ్ ఇవ్వబోతున్నది మామూలు బైక్ కాదు. ఈ సినిమా కోసమే ఆర్ట్ డైరెక్టర్ ప్రత్యేకంగా డిజైన్ చేయించిన అల్ట్రా మోడర్న్ బైక్. దాన్ని వీడియోలో కిరణ్ చూపించాడు కూడా. అది చూస్తే ఎవరికైనా టెంప్టేషన్ రావడం గ్యారెంటీ.

కథ సరిగ్గా అంచనా వేసిన వారికి కేవలం ఈ బైక్ గిఫ్టుగా ఇవ్వడమే కాదు.. ఆ వ్యక్తితో కలిసి అదే బైక్ మీద ‘దిల్ రుబా’ థియేటర్‌కు వెళ్లి వారితో కలిసి సినిమా కూడా చూస్తానని కిరణ్ హామీ ఇచ్చాడు. విశ్వకరుణ్ అనే కొత్త దర్శకుడు రూపొందించిన ‘దిల్ రుబా’లో కిరణ్ సరసన రుక్సర్ థిల్లాన్ కథానాయికగా నటించింది. ఈ చిత్రం మార్చి 14న ప్రేక్షకుల ముందుకు రాబోతోంది.

This post was last modified on March 2, 2025 1:19 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago