అక్కినేని అభిమానులు ఆసక్తిగా ఎదురు చూస్తున్న సినిమా ‘మోస్ట్ ఎలిజిబుల్ బ్యాచిలర్’. తొలి మూడు సినిమాలతో చేదు అనుభవాలు ఎదుర్కొన్న అఖిల్ ఈ చిత్రంతో బౌన్స్ బ్యాక్ అవుతాడని ఆశిస్తున్నారు వాళ్లు. ఈ సినిమాతో బౌన్స్ బ్యాక్ అవ్వాల్సింది హీరో మాత్రమే కాదు.. దర్శకుడు బొమ్మరిల్లు భాస్కర్ కూడా.
తొలి సినిమా ‘బొమ్మరిల్లు’తో తిరుగులేని విజయాన్నందుకుని.. రెండో సినిమా ‘పరుగు’తోనూ సక్సెస్ చూసిన భాస్కర్ మూడో సినిమా ‘ఆరెంజ్’తో మాత్రం దారుణమైన అనుభవాన్ని ఎదుర్కొన్నాడు. ఆ సినిమా డిజాస్టర్ అయి నిర్మాత నాగబాబును ముంచేసింది. దీంతో భాస్కర్ కెరీర్ తల్లకిందులైంది. ఒంగోలు గిత్త, ‘బెంగళూరు డేస్’ తమిళ రీమేక్లతో ఇంకా గట్టి ఎదురు దెబ్బలు తిన్నాడు. ఇంత కాలానికి మళ్లీ గీతా ఆర్ట్స్ లాంటి పెద్ద బేనర్లో అఖిల్ హీరోగా సినిమా చేసే అవకాశం దక్కించుకున్నాడు.
ఇప్పటిదాకా రిలీజైన ‘మోస్ట్ ఎలిజిబుల్ బ్యాచిలర్’ ప్రోమోలు పాజిటివ్ ఫీల్నే ఇచ్చాయి. తాజాగా టీజర్ రిలీజ్ చేయగా అది కూడా బాగానే అనిపించింది. కానీ ఆ టీజర్ చూసిన జనాలకు ‘ఆరెంజ్’ గుర్తు వచ్చి ఉంటే ఆశ్చర్యమేమీ లేదు. అందులో ప్రేమ, పెళ్లి మీద చాలా పెద్ద డిస్కషనే ఉంటుంది. కానీ అది ఆశించినంత వినోదాత్మకంగా లేకపోవడం, చర్చ మరీ లోతుల్లోకి వెళ్లిపోయి విసుగు తెప్పించేయడంతో సినిమాకు దారుణమైన ఫలితం వచ్చింది.
ఇప్పుడు ‘మోస్ట్ ఎలిజిబుల్ బ్యాచిలర్’లోనూ పెళ్లి మీద పెద్ద డిస్కషనే పెట్టినట్లున్నాడు భాస్కర్. పెళ్లి మీద యువతీ యువకుల అభిప్రాయాల చుట్టూనే ఈ టీజర్ నడిచింది. హీరో హీరోయిన్లిద్దరూ విరుద్ధమైన భావాలతో కనిపించారు. టీజర్లో ఇంకేమీ చూపించకుండా ఈ అభిప్రాయాలు, భావాల చుట్టూనే తిప్పడంతో భాస్కర్ మళ్లీ లోతైన డిస్కషన్లోకి వెళ్లిపోతాడా అన్న సందేహాలు కలిగాయి. కానీ ఒకసారి దెబ్బ తిన్నాక అతను మళ్లీ ఆ తప్పు చేస్తాడని అనుకోలేం. పైగా ఇక్కడ అరవింద్ ఉన్నాడు. అందులోనూ అఖిల్ కెరీర్కు ఇది చాలా ముఖ్యమైన సినిమా. కాబట్టి ‘ఆరెంజ్’ తరహా కథనే వినోదాత్మకంగా చెప్పి మెప్పిస్తాడేమో చూడాలి భాస్కర్.
This post was last modified on October 26, 2020 5:25 pm
తెలంగాణ ప్రజల కోసం.. తెలంగాణ సమాజం కోసం అనేక మంది కష్టపడ్డారు. కష్టపడుతున్నారు. అయితే.. వారికి సరైన గుర్తింపు లేకపోవడం..…
ఐపీఎల్లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…