Movie News

‘డాకు’ టీంకు ప్రశంసలు, తిట్లు : ఎందుకంటే…!

నందమూరి బాలకృష్ణ కొత్త చిత్రం ‘డాకు మహారాజ్’ రెండు రోజుల కిందటే డిజిటల్‌ స్ట్రీమింగ్‌కు వచ్చింది. స్ట్రీమింగ్ జెయింట్ నెట్ ఫ్లిక్స్ ఈ చిత్రాన్ని స్ట్రీమ్ చేస్తోంది. ఈ సినిమా నెట్ ఫ్లిక్స్‌లో రిలీజైన దగ్గర్నుంచి ఇండియా మొత్తంలో నంబర్ వన్ ప్లేసులో ట్రెండ్ అవుతుండడం విశేషం. తెలుగు వాళ్లే కాక ఇతర భాషల వాళ్లు కూడా ఈ సినిమాను ఎగబడి చూస్తున్నారు. ఎక్స్‌లో అయితే డాకు గురించి బోలెడు పోస్టులు కనిపిస్తున్నాయి. ఈ చిత్రంలోని కొన్ని మాస్ సీన్ల గురించి.. అలాగే బాలయ్య పెర్ఫామెన్స్, తమన్ బ్యాగ్రౌండ్ స్కోర్, బాబీ టేకింగ్ గురించి అందరూ గొప్పగా మాట్లాడుతున్నారు.

అదే సమయంలో చిత్ర బృందం మీద విమర్శలు గుప్పిస్తున్న వాళ్లు కూడా ఉన్నారు. కానీ ఆ విమర్శల్లో ద్వేషం లేదు. ప్రేమ మాత్రమే ఉంది. ‘డాకు మహారాజ్’లో ఉన్న కంటెంట్‌కు ఆ సినిమా ఇంకా పెద్ద హిట్ కావాల్సిందన్నది చాలామంది వ్యక్తం చేస్తున్న అభిప్రాయం. బాలయ్య ఇప్పటిదాకా చేయని మాస్ కాదు కానీ.. ఇందులో స్టైలిష్‌గా మాస్ సన్నివేశాలను ప్రెజెంట్ చేసిన తీరుకు, ఎలివేషన్లకు నెటిజన్లు ఫిదా అవుతున్నారు. బాలయ్య సినిమా అంటే ఊర మాస్ అనే అనుకుంటారు కానీ.. ఇందులో మాస్‌ సన్నివేశాలను కూడా చాలా స్టైలిష్‌గా తీశాడు బాబీ. బాలయ్య స్క్రీన్ ప్రెజెన్స్, తమన్ బ్యాగ్రౌండ్ స్కోర్ కూడా పీక్స్ అనిపిస్తాయి.

బాలయ్య చిత్రాల్లో ఎన్నడూ చూడని విజువల్ అప్పీల్ ఈ సినిమాను ప్రత్యేకంగా నిలబెట్టింది. ఐతే రిలీజ్ ముంగిట సినిమాను సరిగా ప్రమోట్ చేయకపోవడం, సరైన ప్రమోషనల్ కంటెంట్ ఇవ్వకపోవడం వల్ల హైప్ క్రియేట్ కాలేదని.. రిలీజ్ తర్వాత కూడా హిట్ టాక్ వచ్చింది కదా అని టీం రిలాక్స్ అయిపోయిందని.. ‘సంక్రాంతికి వస్తున్నాం’ ముప్పును తక్కువ అంచనా వేసిందని.. అందుకే సినిమా ఎబోవ్ యావరేజ్ ఫలితంతో సరిపెట్టుకోవాల్సి వచ్చిందని బాలయ్య ఫ్యాన్స్ ఫీలవుతున్నారు.

‘దబిడి దిబిడి’ పాటకు సోషల్ మీడియాలో కొంచెం ఎక్కువ హైప్ ఇవ్వడం వల్ల ఫ్యామిలీ ఆడియన్స్ ఈ చిత్రాన్ని పక్కన పెట్టి ‘సంక్రాంతికి వస్తున్నాం’ వైపు వెళ్లిపోయారని.. సినిమాలోని పాప సెంటిమెంట్, ఫ్యామిలీ ఎమోషన్లను హైలైట్ చేసి ఉంటే కథ వేరుగా ఉండేదని కూడా అంటున్నారు. ఈ సినిమాను రెండోసారి చూస్తున్నవాళ్లు, తొలిసారి వీక్షిస్తున్న వాళ్లు ముక్తకంఠంతో చెబుతున్న మాటేంటంటే.. ‘డాకు..’లో ఉన్న కంటెంట్‌కు అది ఇంకా పెద్ద హిట్ కావాల్సిందని.

This post was last modified on February 23, 2025 11:40 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

49 minutes ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

8 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

9 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

10 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago