Movie News

ఎన్టీఆర్ నీల్ : గోల్డెన్ ట్రయాంగిల్ మాఫియా?

జూనియర్ ఎన్టీఆర్ అభిమానులు ఎప్పుడెప్పుడాని ఎదురు చూసిన ప్రశాంత్ నీల్ ప్యాన్ ఇండియా మూవీ షూటింగ్ నిన్న మొదలైపోయింది. మూడు వేల జూనియర్ ఆర్టిస్టులతో కీలక ఘట్టం షూట్ చేశారు. తారక్ లేకపోయినా ఒక ముఖ్యమైన ఎపిసోడ్ తాలూకు లీడ్ గా దీని గురించి చెబుతున్నారు. ఇది కాసేపు పక్కనపెడితే అసలు నీల్ ఏ బ్యాక్ డ్రాప్ తో ఈ సినిమా రూపొందిస్తున్నాడనే సస్పెన్స్ అందరిలోనూ ఉంది. దీనికి సంబంధించిన కొన్ని ఇంటరెస్టింగ్ లీక్స్ అంచనాలు ఎక్కడికో తీసుకెళ్లేలా ఉన్నాయి. ఇన్ సైడ్ టాక్ ప్రకారం కథా నేపధ్యం గోల్డెన్ ట్రయాంగిల్ అంటే స్వర్ణ త్రిభుజం చుట్టూ తిరుగుతుంది.

ఈశాన్య మయన్మార్, వాయువ్య థాయ్ లాండ్, ఉత్తర లావోస్ లను కలుపుతూ ఏర్పడిన అతి పెద్ద కొండ ప్రాంతమే గోల్డెన్ ట్రయాంగిల్. ఒకప్పుడు అంటే 1950 ప్రాంతంలో నల్ల మందు తయారీకి ప్రసిద్ధి చెందింది. ప్రపంచంలోకెల్లా అత్యధిక ఉత్పత్తి ఇక్కడే జరిగేది. ప్రమాదకరమైన డ్రగ్ హెరాయిన్ సైతం పండేది. పది పదిహేను సంవత్సరాల క్రితం వరకు మాఫియా సామ్రాజ్యాలకు ఇది అడ్డాగా నిలిచింది. ఇండియాకు సరఫరా అయ్యేది. 1970 సమయంలో ఈ దందా వందల వేల కోట్ల వ్యాపారానికి దారి తీసినప్పుడు ఏర్పడిన విపరీత పరిస్థితులను ఆధారం చేసుకుని వాటి మధ్య పుట్టిన నాయకుడిగా తారక్ పాత్రను డిజైన్ చేశారట.

అంటే కెజిఎఫ్, సలార్ లని మించి డార్క్ వరల్డ్ ని ఎన్టీఆర్ నీల్ సినిమాలో చూడబోతున్నాం. నిన్న వదిలిన ఫోటోలో పాత అంబాసడర్ కార్లు, సైకిళ్ళు పైన చెప్పిన దానికి మ్యాచ్ అవుతుండటాన్ని లింక్ చేసుకోవచ్చు. నల్లమందు, హెరాయిన్, ఓపియుమ్ ఈ మూడు మాదకద్రవ్యాల బిజినెస్ ని సమూలంగా నాశనం చేసి తనవాళ్లను కాపాడుకునే లీడర్ గా జూనియర్ విశ్వరూపం చూడొచ్చట. నిర్ధారణగా ఇదంతా చెప్పలేం కానీ లీకైన సోర్స్ ప్రకారం ఇది కేవలం శాంపిల్ మాత్రమే. ఎలివేషన్లతో గూస్ బంప్స్ తెప్పించడంలో నేర్పరి అయిన ప్రశాంత్ నీల్ ఏ స్థాయిలో యంగ్ టైగర్ ని ప్రెజెంట్ చేస్తాడో ఊహించుకోవడం కష్టమే.

This post was last modified on February 21, 2025 2:05 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

3 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

4 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

4 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

5 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

5 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

6 hours ago