పైరసీ రోజు రోజుకూ ఎంత ప్రమాదకరంగా మారుతోందో ఇటీవలి పరిణామాలు ఉదాహరణగా నిలుస్తున్నాయి. రిలీజ్ రోజే మంచి క్వాలిటీతో హెచ్డీ ప్రింట్లు బయటికి వస్తుండడంతో నిర్మాతలు తలలు పట్టుకుంటున్నారు. సంక్రాంతి సినిమా ‘గేమ్ చేంజర్’కు పైరసీ వల్ల గట్టి దెబ్బే పడింది. తాజాగా ‘తండేల్’ సినిమాకు ప్రేక్షకుల నుంచి వస్తున్న స్పందన విషయంలో చాలా సంతోషంగా ఉన్న చిత్ర బృందానికి పైరసీ భూతం తీవ్ర ఆవేదన కలిగిస్తోంది.
ఈ సినిమాకు సంబంధించి కూడా క్వాలిటీ పైరసీ ప్రింట్ తొలి రోజే ఆన్ లైన్లోకి వచ్చేసింది. దారుణమైన విషయం ఏంటంటే.. ఏపీలో ఒక చోట ఆర్టీసీ బస్సులో ‘తండేల్’ పైరసీ వెర్షన్ను ప్రదర్శించారు. ఈ విషయం ‘తండేల్’ నిర్మాతల దృష్టికి కూడా వచ్చింది. ఒక న్యూస్ పోర్టల్లో దీనికి సంబంధించిన న్యూస్ చూసిన నిర్మాత బన్నీ వాసు.. ఏపీఎస్ ఆర్టీసీ ఛైర్మన్ కొనకల్ల నారాయణరావుకు ఫిర్యాదు చేశారు.
సర్వీస్ సనంబర్ 3066 బస్సులో తండేల్ పైరసీ వెర్షన్ను ప్రదర్శించినట్లు తమ దృష్టికి వచ్చిందని.. ఇది దారుణమని.. దీనికి సంబంధించి కఠిన చర్యలు చేపట్టాలని ఏపీఎస్ ఆర్టీసీ ఛైర్మన్కు బన్నీ వాసు ఫిర్యాదు చేశారు. ఆర్టీసీ బస్సుల్లో పైరసీ వెర్షన్లు ప్రదర్శించడం కొత్తేమీ కాదు. అధికారుల పర్యవేక్షణ లేకపోవడంతో బస్సు సిబ్బంది యథేచ్ఛగా పైరసీ వెర్షన్లను వేసేస్తున్నారు.
మరీ రిలీజై రెండు మూడు రోజులు కాకముందే ఇలా ఆర్టీసీ బస్సులో పైరసీ వెర్షన్ వేయడం అన్నది దారుణం. ఈ పరిణామంతో మొత్తంగా ఆర్టీసీలో కదలిక వస్తుందని భావిస్తున్నారు. ఇదిలా ఉంటే.. విజయవాడలో జరిగిన సక్సెస్ టూర్లో భాగంగా పైరసీ చేసిన వాళ్లకు, చూసే వాళ్లకు బన్నీ వాసు గట్టి వార్నింగ్ ఇచ్చాడు. కొందరు పైరసీలో సినిమా చూద్దామని వెయిట్ చేస్తున్నారని.. వాళ్లు ఆ ప్రయత్నాలు మానుకోవాలని వాసు అన్నాడు.
ఇంతకుముందు ‘గీత గోవిందం’ సినిమాను పైరసీ చేసిన వాళ్లు ఇప్పటికీ కేసులతో ఇబ్బంది పడుతున్నారని.. ‘తండేల్’ మూవీని పైరసీ చేసిన వాళ్లు, డౌన్ లోడ్ చేసిన చూసిన వాళ్లు ఎవ్వరినీ తాను వదిలిపెట్టనని.. ప్రస్తుతం రిలీజ్, ప్రమోషన్ల హడావుడిలో ఉన్నామని.. ఇలా చేసిన ప్రతి ఒక్కరి మీదా కేసులు పెడతామని వాసు హెచ్చరించాడు.
This post was last modified on February 10, 2025 3:51 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…