టాక్‍ ఫ్లాపే కానీ బొమ్మ హిట్టు!

ఓటిటి ప్లాట్‍ఫామ్‍ ద్వారా విడుదలయ్యే సినిమాకి టాక్‍ బ్యాడ్‍గా వచ్చినా కానీ సబ్‍స్క్రయిబర్లు ఏదో ఒక సమయంలో సినిమా చూసేస్తారు. నిశ్శబ్దం విషయంలో అదే రుజువయింది. ఈ చిత్రానికి చాలా బ్యాడ్‍ టాక్‍ వచ్చినప్పటికీ స్ట్రీమింగ్‍ అవర్స్ పరంగా రికార్డు సృష్టించింది. అనుష్క కథానాయిక కావడం ఈ చిత్రానికి పెద్ద ప్లస్‍ అయింది. బాహుబలి వల్ల అనుష్కకి దేశవ్యాప్తంగా గుర్తింపు వుంది. దీంతో ఈ చిత్రానికి నాన్‍ తెలుగు స్టేట్స్ నుంచి కూడా వ్యూస్‍ భారీ స్థాయిలో వచ్చాయి.

మాధవన్‍ కూడా తమిళనాడుతో పాటు హిందీ మార్కెట్లలో బాగా తెలిసిన నటుడు కావడం ఈ చిత్రానికి మరింత హెల్ప్ అయింది. థియేటర్లలో విడుదలై వుంటే ఈ చిత్రానికి వసూళ్లు రావడం చాలా కష్టమయ్యేది. కానీ ఓటిటి రిలీజ్‍ వల్ల ఈ చిత్రం రీచ్‍ బాగా పెరిగింది. ఈ చిత్రంపై భారీ పెట్టుబడి పెట్టిన అమెజాన్‍ ప్రైమ్‍ వీడియో వాళ్లకి టాక్‍ చూసి గుబులు పుట్టినా కానీ లాంగ్‍ రన్‍లో బ్రేక్‍ ఈవెన్‍ అయిపోతుంది కనుక ఇప్పుడు బెంగ ఏమీ లేదట.

కాకపోతే ఈ సినిమా వల్ల తమకు మరిన్ని సబ్‍స్క్రిప్షన్లు వస్తాయని భావిస్తే ఆ విధంగా ఈ చిత్రం ప్లస్‍ కాలేకపోయింది. నాని ‘వి’ సినిమాకి కూడా తెలుగు రాష్ట్రాల నుంచి వ్యూస్‍ వచ్చినా కానీ యూజర్‍ డేటాబేస్‍ పెంచడంలో ఆ చిత్రం ఏమంత దోహద పడలేకపోయింది.