స్టార్ డైరెక్టర్ల చూపు ఎప్పుడూ స్టార్ హీరోల మీదే ఉంటుంది. ఒకవేళ చిన్న, మీడియం రేంజ్ కథానాయకులతో సినిమాలు చేయాలని వాళ్లనుకున్నా అదంత సులువైన విషయం కాదు. అందుకే అనివార్యంగా పెద్ద హీరోలతో బడా ప్రాజెక్టులే చేస్తుంటారు. రాజమౌళి ‘మగధీర’ తర్వాత కొంచెం రూటు మార్చి మర్యాదరామన్న, ఈగ లాంటి చిన్న, మీడియం రేంజ్ సినిమాలు చేశాడు.
ఒక స్థాయి అందుకున్నాక పెద్ద స్టార్లతోనే సినిమాలు చేసిన త్రివిక్రమ్.. మధ్యలో కొంచెం స్లంప్లో ఉన్న టైంలో నితిన్ లాంటి మీడియం రేంజ్ హీరోతో ‘అఆ’ తీశాడు. ఇక కొన్నేళ్లుగా పెద్ద హీరోలతోనే సాగుతున్న సుకుమార్.. ‘పుష్ప’తర్వాత కొంచెం వీలు చేసుకుని విజయ్ దేవరకొండతో సినిమా చేయబోతున్నాడు. మరో అగ్ర దర్శకుడు కొరటాల శివ విషయానికి వస్తే.. తొలి సినిమా నుంచి బడా హీరోలతోనే ప్రయాణం సాగిస్తున్న ఆయన, ప్రస్తుతం మెగాస్టార్ చిరంజీవితో ‘ఆచార్య’ చేస్తున్న సంగతి తెలిసిందే.
ఆ సినిమా పనిలో ఉంటూనే ఆయన ఓ చిన్న హీరో కోసం కథ రాయడం విశేషం. ఆ హీరో యంగ్, టాలెంటెడ్ నవీన్ పొలిశెట్టి కావడం విశేషం. ఐతే అతడితో కొరటాల చేయబోయేది సినిమా కాదు.. వెబ్ సిరీస్. దీనికి స్క్రిప్టు అందిస్తున్నది కొరటాలే కానీ దర్శకత్వం మాత్రం ఆయన చేయట్లేదట. కానీ కథ అందించడంతో పాటు నిర్మాణమూ కొరటాలే చేపట్టనున్నట్లు సమాచారం. ఒక ప్రముఖ ఓటీటీ ఫ్లాట్ ఫామ్ కోసం ఇది తెరకెక్కనుందట.
టీనేజీలో అపరిపక్వమైన ప్రేమల వల్ల జీవితాలు ఎలా డిస్టర్బ్ అవుతాయనే కథాంశంతో ఈ వెబ్ సిరీస్ తెరకెక్కనున్నట్లు సమాచారం. తన అసిస్టెంటుతో ఈ వెబ్ సిరీస్ చేయిస్తున్నాడట కొరటాల. తక్కువ బడ్జెట్లో, టాలెంటెడ్ ఆర్టిస్టులు, టెక్నీషియన్లతో ఈ వెబ్ సిరీస్ను ప్లాన్ చేసినట్లు తెలుస్తోంది. ‘ఏజెంట్ సాయి శ్రీనివాస ఆత్రేయ’తో మంచి గుర్తింపు సంపాదించిన నవీన్ చేతిలో ఇప్పటికే రెండు మూడు సినిమాలున్నాయి.
This post was last modified on October 12, 2020 1:54 pm
స్టార్ డైరెక్టర్లకు శిష్యరికం చేసి గొప్ప దర్శకులుగా ఎదిగిన వాళ్ళను చూస్తూ ఉంటాం. ముఖ్యంగా రామ్ గోపాల్ వర్మ దగ్గర…
ఆంధ్రప్రదేశ్ అసెంబ్లీ ఎన్నికల్లో విజయం దిశగా ప్రచారాన్ని హోరెత్తిస్తున్న కూటమిలో మరింత జోష్ పెరగబోతోంది. ఇప్పటికే విజయం ఖాయమనే ధీమాతో…
ఆంధ్రప్రదేశ్ ఎన్నికల్లో అధికారం నిలబెట్టుకోవడం జగన్ శాయశక్తులా కృషి చేస్తున్నారు. కానీ ఎంత చేసినా వైసీపీ ప్రభుత్వంపై వ్యతిరేకత స్పష్టంగా…
ఆంధ్రప్రదేశ్ అసెంబ్లీ ఎన్నికల వేడి రోజురోజుకూ పెరుగుతోంది. పోలింగ్ తేదీ దగ్గర పడుతున్నా కొద్దీ పార్టీలన్నీ ప్రచారంలో దూసుకెళ్తున్నాయి. అభ్యర్థులు…
హోరాహోరీగా సాగుతున్న ఏపీ ఎన్నికల యుద్ధం మరో వారం రోజుల్లో ఒక కొలిక్కి రావటంతో పాటు.. ఎన్నికల్లో కీలక అంకమైన…
మాములుగా ఒక చిన్న సినిమా దర్శకుడు డీసెంట్ సక్సెస్ సాధించినప్పుడు అతనికి వెంటనే పెద్ద ఆఫర్లు రావడం అరుదు. రాజావారు…