తండేల్ విడుదలకు ఇంకో నలభై మూడు రోజులు మాత్రమే ఉంది. ఇప్పటికే కొంత ఆలస్యం తర్వాత పలు డేట్లు మార్చుకుంటూ ఆఖరికి ఫిబ్రవరి 7 లాక్ చేసుకున్న ఈ ప్యాన్ ఇండియా మూవీ పట్ల ఫ్యాన్స్ టెన్షన్ పడుతున్నారు. అయితే అది కంటెంట్ గురించి కాదులెండి. ప్రమోషన్ల విషయంలో వారి ఆందోళన సబబే. సంధ్య థియేటర్ దుర్ఘటన తర్వాత అల్లు అర్జున్ అరెస్ట్, తర్వాతి పరిణామాలు, ప్రెస్ మీట్లు, లీగల్ వ్యవహారాలు తదితర పనుల్లో అల్లు అరవింద్ చాలా బిజీగా ఉన్నారు. ఒకరకంగా చెప్పాలంటే మానసికంగా ఆయన మీద ఒత్తిడి తీవ్రంగా ఉంది. బన్నీకి క్లీన్ చిట్ రావాలని ఆయన ఆకాంక్ష.
ఇంకోవైపు అల్లు కుటుంబానికి అత్యంత ఆప్తుడు బన్నీ వాస్ సైతం కేసు పనుల్లోనే ఉన్నాడు. ఎక్కువ సమయం అల్లు అర్జున్ తోనే ఉంటూ స్నేహితుడి బాధ్యతను నెరవేరుస్తున్నారు. ఇలాంటి క్లిష్ట పరిస్థితుల్లో తండేల్ ప్రమోషన్లు ఎలా చేయాలనే ఆలోచన చేయడం కష్టం. అల్లు అరవింద్, బన్నీ వాస్ ఇద్దరూ కంటెంట్ మీద నమ్మకంతో భారీ బడ్జెట్ పెట్టేశారు. ఆ నమ్మకంతోనే ఆలస్యమైనా సరే పర్ఫెక్ట్ డేట్ సెట్ చేసుకుని నాగచైతన్యకు బాక్సాఫీస్ బ్లాక్ బస్టర్ ఇవ్వాలని డిసైడయ్యారు. కానీ పుష్ప 2 విడుదల నుంచి సీన్ ఒక్కసారిగా మారిపోయింది. గీతా కాంపౌండ్ లో తండేల్ మాట వినిపించడం తగ్గింది.
అయితే టెన్షన్ పడాల్సిన పనేం లేదనేది ప్రాక్టికల్ గా ఆలోచించాల్సిన విషయం. ఎంధుకంటే బన్నీ కేసు ఎంత తీవ్రంగా ఉన్నా త్వరలోనే ఒక కొలిక్కి రావొచ్చని లాయర్ వర్గాల అంచనా. సాక్ష్యాలు ఎంత బలంగా ఉన్నా సరే అల్లు అర్జున్ నేరుగా నేరస్థుడు కాదు కాబట్టి కోర్టు ఆ కోణంలో చూస్తే సానుకూల ఫలితం రావొచ్చని అంటున్నారు. అక్కినేని ఫ్యాన్స్ మాత్రం తండేల్ కి గ్రాండ్ రిలీజ్, నెవర్ బిఫోర్ పబ్లిసిటీ కోరుకుంటున్నారు. సాయి పల్లవీ హీరోయిన్ గా నటించిన తండేల్ లో దేవిశ్రీ ప్రసాద్ పాటలు మెయిన్ హైలైట్ గా నిలుస్తున్నాయి. ప్రీ రిలీజ్ ఈవెంట్ జనవరి చివరిలో ప్లాన్ చేసుకున్నారని సమాచారం.
This post was last modified on December 24, 2024 4:53 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…