చాలా ఏళ్లుగా బ్లాక్ బస్టర్ లేని కొరతను తీరుస్తూ రజనీకాంత్ కు జైలర్ ఇచ్చిన కిక్ అంతా ఇంతా కాదు. ఎప్పుడో మార్కెట్ పడిపోయిన తెలుగు రాష్ట్రాల్లో సైతం నలభై కోట్లకు పైగా గ్రాస్ వసూలు చేయడం మాటలు కాదు. తలైవర్ మ్యానరిజం, అనిరుద్ రవిచందర్ సంగీతం, సీనియర్ స్టార్ల క్యామియోలు ఒకటా రెండా ఎన్నో ఆకర్షణలు సినిమాకు రిపీట్ రన్ తీసుకొచ్చాయి. తర్వాత లాల్ సలాంతో డిజాస్టర్ అందుకున్న రజని ఇటీవలే వేట్టయన్ రూపంలో ఆశించిన ఫలితం అందుకోలేదు. అందుకే లోకేష్ కనగరాజ్ కూలి మీద భారీ అంచనాలు నెలకొన్నాయి. ఇప్పుడు మరో కిక్కిచ్చే న్యూస్ ఫ్యాన్స్ కోసం వచ్చింది.
జైలర్ 2 కోసం రంగం సిద్ధమవుతోందని చెన్నై అప్డేట్. దీనికి సంబంధించిన వీడియో ప్రోమోని డిసెంబర్ 2న షూట్ చేసి రజనీకాంత్ పుట్టినరోజు డిసెంబర్ 12 ప్రకటించేందుకు ఏర్పాట్లు చేస్తున్నట్టు సమాచారం. దానికి తగ్గట్టే సన్ నెట్ వర్క్ తమ నెట్ వర్క్ హ్యాండిల్స్ జైలర్ మొదటి భాగానికి సంబంధించిన ఫ్లాష్ బ్యాక్ మెమోరీస్ ని తవ్వి తీస్తోంది. జైలర్ 2 స్క్రిప్ట్ దర్శకుడు నెల్సన్ దిలీప్ కుమార్ ఇటీవలే పూర్తి చేశాడు. ధనుష్ కూడా ఇందులో ఉంటాడనే ప్రచారం జోరుగా ఉంది కానీ కూతురికి విడాకులు ఇచ్చిన అల్లుడితో మావయ్య నటిస్తాడా లేదా అనే దాని మీద ఇంకా సందేహాలు తొలగిపోలేదు.
ఫస్ట్ పార్ట్ లాగే జైలర్ 2 ని వేగవంతంగా పూర్తి చేయబోతున్నారు. అయితే ఇందులో ఏం చూపిస్తారనే డౌట్ రావడం సహజం. ఇన్ సైడ్ టాక్ ప్రకారం ముత్తువేల్ పాండియన్ ఫ్లాష్ బ్యాక్ ని ఎక్కువగా చూపిస్తారని తెలిసింది. జైలర్ 1లో కేవలం జైలు ఎపిసోడ్లకు పరిమితమైన యంగ్ లుక్ ని ఈసారి పూర్తి స్థాయిలో వాడబోతున్నారట. కొడుకు, విలన్ ఇద్దరూ చనిపోయారు కాబట్టి ఈసారి కొత్త ప్రతినాయకుడు కావాలి. దానికోసం క్రేజీ బాలీవుడ్ నటుడిని సెట్ చేస్తారని అంటున్నారు. అనౌన్స్ మెంట్ రాకుండానే జైలర్ 2 మీద ఇంత ఆసక్తి రేగుతోందంటే సెట్స్ పైకి వెళ్లి అప్డేట్స్ వచ్చాక ఇంకెంత రచ్చ జరుగుతుందో.
This post was last modified on November 28, 2024 5:23 pm
భారతీయ జనతా పార్టీ, కాక్రోచ్ జనతా పార్టీ మధ్య విదేశీ నిధుల వివాదం దుమారం రేపుతూనే వుంది. నీట్ పేపర్…
ఒకే రోజు... వెంటవెంటనే రెండు యాక్సిడెంట్లు. లక్కీగా ఆ ఎమ్మెల్యే బయటపడ్డారు. తెలంగాణాలో ఈ ఘటన కలకలం సృష్టించింది. అయితే…
కొన్ని నెలల ముందు చెన్నైలో జరిగిన ఒక వివాహ వేడుకకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి హాజరు…
ఒకప్పుడు చదువు పూర్తవగానే మంచి ఉద్యోగం సంపాదించడం, సొంత ఇల్లు కొనుక్కోవడం, పెళ్లి చేసుకోవడం, పిల్లలతో స్థిరపడటం.. ఇవే జీవితంలో…
తెలంగాణ‌లో కొత్తగా ఇళ్లు నిర్మించుకోవాలంటే సామాన్యులు, మ‌ధ్య‌త‌ర‌గ‌తిప్ర‌జ‌లు భ‌య‌ప‌డే ప‌రిస్థితి వ‌చ్చింద‌ని మాజీ మంత్రి బీఆర్ ఎస్ వ‌ర్కింగ్ ప్రెసిడెంట్…
అనంత‌పురం జిల్లాకు చెందిన ఫైర్ బ్రాండ్ నాయ‌కుడు.. జేసీ ప్ర‌భాక‌ర్ రెడ్డి తాజాగా సంచ‌ల‌న వ్యాఖ్య‌లు చేశారు. వైసీపీ, టీడీపీ…