సినీ ఇండస్ట్రీలో ఎటువంటి కాంట్రవర్సీలు లేని నటుడు ఎవరు అంటే టక్కున గుర్తుకు వచ్చే పేరు ప్రభాస్. అందుకే ఫాన్స్ అభిమానంగా అతనిని డార్లింగ్ అని పిలుస్తారు. ఆడియన్స్ లోనే కాక సెలబ్రిటీలలో కూడా ప్రభాస్ కి అభిమానులు ఎందరో ఉన్నారు. తాజాగా బాలీవుడ్ నటి జరీనా వహాబ్ ప్రభాస్ పై తనకున్న అభిమానాన్ని వెల్లడించడంతోపాటు కొన్ని వైరల్ స్టేట్మెంట్స్ ఇచ్చారు.
ఓ హిందీ ఛానల్ కు సంబంధించిన ఇంటర్వ్యూ పాల్గొన్న జరీనా.. ప్రభాస్ గురించి ప్రస్తావిస్తూ ఎంతో గొప్పగా మాట్లాడారు. అటువంటి మంచి వ్యక్తిని తాను ఇంతవరకు చూడలేదు అని చెప్పిన జరీనా.. ప్రభాస్ లాంటి వ్యక్తి ఎవరూ లేరు అని పొగిడారు. అంతేకాదు వచ్చే జన్మలో తనకు ఇద్దరు కొడుకులు కావాలని.. ఒకరు తన కొడుకు సురాజ్ కాగా మరొకరు ప్రభాస్ అని పేర్కొన్నారు.
ఒక తల్లి వచ్చే జన్మలో నాకు ప్రభాస్ లాంటి బిడ్డ కావాలి అనడం .. ప్రభాస్ ఎంత గొప్పవాడు అని చెప్పడానికి నిలువెత్తు నిదర్శనం. షూటింగ్ సమయంలో ప్రభాస్ ఎలా ఉంటారు అనే విషయంపై ఎందరో సెలబ్రిటీలు మాట్లాడారు. ఇక ప్రభాస్ వారికి ఇచ్చే గౌరవం, ఇంటి నుంచి తెప్పించే ప్రత్యేకమైన భోజనం గురించి ప్రతి ఒక్కరు గొప్పగా చెబుతారు.
అదేవిధంగా జరీనా కూడా షూటింగ్ సమయంలో సెట్స్ లో ఎటువంటి అహం అనేది ప్రదర్శించని నటుడిగా ప్రభాస్ ను వర్ణించారు. అంతేకాదు షూటింగ్ ప్యాకప్ అయిన తర్వాత ప్రతి ఒక్కరిని కలిసిన ప్రభాస్ వెళ్లిపోయే ముందు అందరికీ బై చెప్పి వెళ్తారట. ప్రభాస్ రోజుకి కనీసం 30- 40 మంది తినే విధంగా భోజనాలు ఇంటి నుంచి తెప్పిస్తారట. అలా చెప్పుకుంటూ పోతే ప్రభాస్ లో గొప్ప క్వాలిటీస్ ఎన్నో ఉన్నాయి.. అతని గురించి చెప్పాలి అంటే మాటలు సరిపోవు అంటున్నారు జరీనా. అతనికి మంచి ఆరోగ్యం ,నిండు జీవితం అల్లాహ్ ఇస్తాడని ఆమె పేర్కొన్నారు.
విశాఖలో పుట్టి పెరిగిన అచ్చమైన ఆంధ్ర అమ్మాయి జరీనా వహాబ్…కానీ ఎక్కువగా హిందీ సినిమాలు చేస్తూ బాలీవుడ్ లో సెటిల్ అయ్యారు. తెలుగులో పలు చిత్రాలలో నటించిన జరీనా.. తమిళ్, మలయాళం చిత్రాలలో కూడా యాక్ట్ చేశారు. తాజాగా వచ్చిన జూనియర్ ఎన్టీఆర్ దేవర చిత్రంలో పెద్ద ఎన్టీఆర్ తల్లి పాత్రను పోషించారు. ఇక ప్రభాస్ నటిస్తున్న ‘ది రాజా సాబ్’లో ఆమె ఓ ముఖ్య పాత్ర పోషిస్తున్నారు. 300 కోట్ల భారీ బడ్జెట్ తో తెరకెక్కుతున్న ఈ చిత్రం ఏప్రిల్ 10న విడుదల కాబోతోంది.
పోలీసు స్టేషన్లకు వెళ్లి ఫిర్యాదు చేయాల్సిన అవసరం లేకుండా.. ఇక నుంచి వాయిస్ మెసేజ్ల ద్వారా కూడా ఫిర్యాదులు చేసే…
ఏపీలో వైసీపీ అదికారంలో ఉన్నప్పుడు రాష్ట్రంలోని పాత జిల్లాలతో పాటుగా వైసీపీ సర్కారే కొత్తగా ఏర్పాటు చేసిన కొత్త జిల్లాల్లోనూ…
పవన్ కళ్యాణ్ భుజాల లోపల కలిగిన గాయం ఊహించిన దానికంటే తీవ్రంగా ఉన్నట్లు వైద్యులు నిర్ధారించారు. ముంబైలోని కోకిలాబెన్ ధీరూభాయ్…
ఏపీ అసెంబ్లీ డిప్యూటీ స్పీకర్ రఘురామకృష్ణరాజును వేధింపులకు గురిచేసి.. కస్టడీలో టార్చర్ చేశారన్న ఆరోపణలు ఎదుర్కొంటున్న ఐపీఎస్ సునీల్ కుమార్…
రాజకీయాలంటే చాలా మంది చెడిపోయాయని అనుకుంటారు. కానీ, రాజకీయాలు అంతగా ఏమీ చెడిపోలేదు. ఒక పార్టీ కారణంగానే ఈ పేరు…
జూనియర్ ఎన్టీఆర్, త్రివిక్రమ్ శ్రీనివాస్ కలయికలో ఫ్యాన్స్ ఎప్పటి నుంచో ఎదురు చూస్తున్న అనౌన్స్ మెంట్ ఇవాళ వచ్చేసింది. నిజానికి…