గీత రచయిత కులశేఖర్ ఇవాళ అనారోగ్యంతో హైదరాబాద్ లో కన్ను మూశారు. సినిమా పాటల సాహిత్య ప్రియులకు ఈయన పరిచయం అక్కర్లేదు. దర్శకుడు తేజతో కలిసి పని చేసిన తక్కువ కాలంలోనే ఎక్కువ గుర్తింపు తెచ్చుకున్న కులశేఖర్ కెరీర్ ప్రారంభంలో ఈనాడులో పని చేశారు. భాస్కరభట్ల రవికుమార్ ఈయన సహోద్యోగి. పుట్టిపెరిగిన ఊరు సింహాచలం. సిరివెన్నెల సీతారామశాస్త్రి గారి దగ్గర కొంత కాలం శిష్యరికం చేశాక పాటల రచన కోసం ప్రయత్నాలు మొదలుపెట్టారు. ఉషాకిరణ్ సంస్థలో ఉన్నప్పుడే తేజతో ఏర్పడిన పరిచయం ఉదయ్ కిరణ్ చిత్రం ద్వారా తొలి ఛాన్స్ వచ్చేలా చేసింది.
డెబ్యూతోనే అదిరిపోయే ఆల్బమ్ పడటంతో కులశేఖర్ కొంతకాలం వెనుదిరిగి చూడాల్సిన అవసరం పడలేదు. ఆర్పి పట్నాయక్ ప్రోత్సాహం ఎక్కువగా ఉండేది. దాని వల్లే మణిశర్మ చిరంజీవి మృగరాజు లాంటి అవకాశాలు ఇచ్చారు. వెంకటేష్ ఘర్షణ – వసంతంలో మంచి పాటలు పడ్డాయి. జూనియర్ ఎన్టీఆర్ సుబ్బుకి రాశారు. సుమారు వంద సినిమాలకు కులశేఖర్ పని చేశారు. కెరీర్ మసకబారుతున్న టైంలో హఠాత్తుగా మాయమైన కులశేఖర్ 2013లో ఒక గుడిలో దొంగతనం నేరం మీద జైలుకు వెళ్లి వచ్చారు. అంతకు ముందే 2008లో జ్ఞాపకశక్తి పోయిందని స్నేహితులు అంటుండేవారు.
ఇద్దరు పిల్లలు సంతానం కలిగిన కులశేఖర్ కొన్నేళ్లుగా ఒంటరిగానే ఉంటున్నాడు. కొంచెం కుదుటపడ్డాక కొన్ని యూట్యూబ్ ఛానల్స్ కు ఇంటర్వ్యూలు కూడా ఇచ్చాడు. మాములు మనిషి అవుతాడనుకుంటున్న టైంలో ఇలా విషాద వార్త వినాల్సి వచ్చింది. ఈయన ప్రేమలేఖ రాశా అనే సినిమాకు దర్శకత్వం వహించగా విపరీతమైన జాప్యం తర్వాత రిలీజయ్యింది. ఫ్లాప్ కావడం మానసికంగా కృంగదీసిందని సన్నిహితుల మాట. సినిమాలో చూసే డ్రామాకు ఏ మాత్రం తీసిపోని రీతిలో ముగిసిన కులశేఖర్ భౌతికంగా లేకపోయినా ఆయన రాసిన పాటల ద్వారా ఎప్పుడూ వినిపిస్తూనే ఉంటారు.
This post was last modified on November 26, 2024 4:54 pm
మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…