ఎదురీదుతున్న సత్యదేవ్ సినిమా!

ఎదురీదుతున్న సత్యదేవ్ సినిమా‘పుష్ప-2’ రావడానికి ముందు టాలీవుడ్లో చిన్న సినిమాల జాతర కొనసాగుతోంది. ఈ శుక్రవారం అరడజనుకు పైగా సినిమాలు రిలీజయ్యాయి. వాటిలో చెప్పుకోదగ్గ సినిమాలంటే.. మెకానిక్ రాకీ, జీబ్రా, దేవకీ నందన వాసుదేవనే. ఐతే ఈ మూడు చిత్రాల్లో దేనికీ పాజిటివ్ టాక్ రాలేదు. ఉన్నంతలో ‘మెకానిక్ రాకీ’ టాక్ మెరుగ్గా కనిపించింది. దానికి ముందు నుంచే బజ్ కనిపించింది. పెయిడ్ ప్రిమియర్స్‌కు చాలా మంచి రెస్పాన్స్ వచ్చింది. షోలన్నీ సోల్డ్ ఔట్ అయిపోయాయి. ఐతే ప్రథమార్ధం మరీ రొటీన్‌గా ఉండడం సినిమాకు మైనస్ అయింది. సెకండాఫ్ బెటర్‌గా ఉన్నా.. ఓవరాల్ సినిమా ఎంపాక్ట్ మెరుగుపడలేదు.

శుక్రవారం ఫస్ట్ ఛాయిస్ ఈ సినిమానే కానీ.. తర్వాత వసూళ్లు తగ్గుతూ వచ్చాయి. శనివారం ‘మెకానిక్ రాకీ’ ఓ మోస్తరుగా ఆడిందంతే. విశేషం ఏంటంటే.. దీంతో పోలిస్తే ఎక్కువ నెగెటివ్ టాక్ తెచ్చుకున్న ‘జీబ్రా’ సినిమాకు వసూళ్లు పర్వాలేదనిపించేలా ఉన్నాయి.‘జీబ్రా’కు ‘మెకానిక్ రాకీ’ కంటే తక్కువ రేటింగ్స్ పడ్డాయి. టాక్ కూడా నెగెటివ్‌గానే వచ్చింది. కానీ శనివారం మల్టీప్లెక్సుల్లో ఈ చిత్రానికి మంచి ఆక్యుపెన్సీలు కనిపించాయి. కొన్ని చోట్ల హౌస్ ఫుల్స్ కూడా పడ్డాయి. కొంచెం డిఫరెంట్ అటెంప్ట్ కావడం దీనికి కలిసొచ్చిన అంశంలా కనిపిస్తోంది. కన్నడ, తమిళ భాషల్లో కూడా ‘జీబ్రా’కు స్పందన పర్వాలేదు. ఆదివారం ‘మెకానిక్ రాకీ’ మీద ‘జీబ్రా’ ఆధిపత్యం చలాయించే అవకాశాలు కనిపిస్తున్నాయి.

మరోవైపు మహేష్ బాబు మేనల్లుడు అశోక్ గల్లా రెండో చిత్రం ‘దేవకీ నందన వాసుదేవ’ పరిస్థితి దయనీయంగా ఉంది. రిలీజ్ ముందు ఈ సినిమాకు బజ్ లేదు. పైగా టాక్ మరీ బ్యాడ్‌గా ఉంది. ‘హనుమాన్’ దర్శకుడు ప్రశాంత్ వర్మ అందించిన కథ గురించి హడావుడి చేశారు కానీ.. అందులో అంత విశేషమేమీ కనిపించలేదు. అసలే బజ్ లేదు, పైగా బ్యాడ్ టాక్.. దీంతో బాక్సాఫీస్ దగ్గర ఈ సినిమా వాషౌట్ అయినట్లే కనిపిస్తోంది.