2025 సంక్రాంతి రిలీజులకు సంబంధించిన డేట్ల వ్యవహారం దాదాపు కొలిక్కి వచ్చినట్టే. థియేటర్ అగ్రిమెంట్లు ఇప్పటి నుంచే చేసుకోవాలి కాబట్టి దానికి అనుగుణంగా ముందు తేదీలు లాక్ చేసుకుంటే స్క్రీన్ల కేటాయింపుకు అనుకూలంగా ఉంటుంది. జనవరి 10 గేమ్ ఛేంజర్ నిర్ణయంలో ఎలాంటి మార్పు ఉండబోదు. ముందు వచ్చే అడ్వాంటేజ్ ని రామ్ చరణ్ పూర్తిగా వాడుకోబోతున్నాడు. నిర్మాత దిల్ రాజు కనివిని ఎరుగని రీతిలో పెద్ద సంఖ్యలో ఓపెనింగ్స్ వచ్చేందుకు ప్లాన్ వేసుకున్నారు. రెండు రోజుల స్పేస్ దొరుకుంది కనక దేవర, కల్కి 2898 ఏడి లాంటి వాటిని టార్గెట్ చేసుకునే అవకాశముంది.
జనవరి 12 బాలయ్య రావడం దాదాపు పక్కా. డాకూ మహారాజ్, సర్కార్ సీతారామ్ రెండింటిలో ఒక పేరుని ఇవాళో రేపో ఫిక్స్ చేసుకుని ప్రకటించేందుకు టీమ్ రెడీగా ఉంది. పోస్టర్లు సిద్ధంగా ఉన్నాయట. జనవరి 14 వెంకటేష్ సంక్రాంతికి వస్తున్నాం దిగుతుందట. కొంచెం ఆలస్యమని అభిమానులు ఫీలవుతున్నప్పటికీ గతంలో ఇదే తేదీకి వెంకీ బ్లాక్ బస్టర్స్ కొట్టిన సందర్భాలున్నాయి. ఫుల్ ఎంటర్ టైన్మెంట్ తో ఫ్యామిలీ ఆడియన్స్ ని టార్గెట్ చేసుకున్న ఈ సినిమా ప్రమోషన్లు ఇంకా మొదలు పెట్టలేదు. చివరిగా జనవరి 15 సందీప్ కిషన్ మజాకాని తీసుకొస్తారట. లేట్ అయినా లేటెస్ట్ గా ఉండాలని కాబోలు.
ఇప్పటిదాకా తేలిన లెక్క నాలుగు. అజిత్ గుడ్ బ్యాడ్ అగ్లీ లేదా విదాముయార్చిలలో ఒకటి పొంగల్ కే వస్తుందని చెన్నై వర్గాలు అంటున్నాయి కానీ నిర్మాణ సంస్థల నుంచి ఎలాంటి అప్డేట్ లేదు. విక్రమ్ వీర ధీర శూరన్ సైతం ఇదే పండగను టార్గెట్ చేసుకుంటోంది. ఒకవేళ ఓకే అయితే ఎంత టైట్ ఉన్నా తెలుగులో థియేటర్లు దొరకడం అనుమానమే. ఈ ఏడాది స్క్రీన్ల కొరత వల్లే శివ కార్తికేయన్ అయలన్, ధనుష్ కెప్టెన్ మిల్లర్ తమిళంతో సమాంతరంగా ఇక్కడ రిలీజ్ కాలేదు. కాబట్టి పరిణామాలు ఎలా ఉంటాయో ముందే చెప్పలేం. మొత్తానికి సంక్రాంతి పోటీ మహరంజుగా ఉండబోవడం ఖాయం.
This post was last modified on November 12, 2024 9:49 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…