సమంత రచ్చ మళ్లీ మొదలు

విడాకుల అంశంతో మొదలుపెడితే దాదాపు రెండేళ్ల పాటు సమంత ఎప్పుడూ నెగెటివ్ విషయాలతోనే వార్తల్లో నిలిచింది. ఆమె చివరి సినిమా ‘శాకుంతలం’ పెద్ద డిజాస్టర్ అయింది. తర్వాత అవకాశాలు ఆగిపోయాయి. ఇక వ్యక్తిగత జీవితంలో ఒడుదొడుకులు, అనారోగ్యం కారణంగా సమంతకు రఫ్ ప్యాచ్ నడిచింది గత రెండేళ్లు.

ఐతే ఎట్టకేలకు మళ్లీ సామ్‌ను ఒక పవర్ ఫుల్ పాత్రలో చూడడం అభిమానులకు నచ్చుతోంది. ఆమె నటించిన వెబ్ సిరీస్ ‘సిటాడెల్: హనీ బన్నీ’ నిన్న రాత్రే అమేజాన్ ప్రైమ్‌లో స్ట్రీమ్ అవడం మొదలుపెట్టింది.

ఫ్యామిలీ మ్యాన్‌ సిరీస్‌తో తిరుగులేని ఫాలోయింగ్ సంపాదించిన రాజ్-డీకే రూపొందించిన ఒరిజినల్ ఇది. హాలీవుడ్ సిరీస్‌తో ‘సిటాడెల్’తో దీనికి కనెక్షన్ ఉన్నప్పటికీ.. మన ప్రేక్షకుల అభిరుచికి తగ్గట్లుగా దీన్ని తీర్చిదిద్దే ప్రయత్నం చేసింది రాజ్-డీకే ద్వయం. ‘ఫ్యామిలీ మ్యాన్’ స్థాయిలో కాకపోయినా ప్రేక్షకులను అలరించేలాగే సిరీస్ రూపొందినట్లు టాక్ వస్తోంది.

ఐతే ‘సిటాడెల్’లో ఏముందన్నది పక్కన పెడితే.. నిన్న ఈ సిరీస్ స్ట్రీమింగ్ మొదలైన దగ్గర్నుంచి సమంత సోషల్ మీడియాలో ట్రెండ్ అవుతూ ఉంది. ఆమెకు క్లిప్స్ కొన్ని వైరల్ అవుతున్నాయి. ముఖ్యంగా ఇందులోని ఇంటిమేట్ సీన్లకు సంబంధించిన వీడియోలు సోషల్ మీడియాను ఊపేస్తున్నాయి. వరుణ్ ధావన్‌తో ఆమె చేసిన లాంగ్ లిప్ లాక్ సీన్ అయితే తెగ ట్రెండ్ అవుతోంది.

సమంత అందాలను ఎలివేట్ చేసే వేరే సన్నివేశాలకు సంబంధించిన క్లిప్స్ కూడా సోషల్ మీడియాలో బాగా తిరుగుతున్నాయి. ఈ సిరీస్ చూసిన వాళ్లంతా సమంత కోసమే దీన్ని చూడొచ్చని అంటున్నారు. సిరీస్ కొంచెం లెంగ్తీ, థ్రిల్స్ తగ్గాయి అనే కంప్లైంట్లు ఉన్నప్పటికీ.. యాక్షన్ పాత్రలో సమంత అభినయం, ఆమె చేసిన ఇంటిమేట్ సీన్లు యూత్‌ను బాగానే అట్రాక్ట్ చేస్తున్నట్లున్నాయి.