కొమ‌రం భీమ్ ట్రీట్.. గెట్ రెడీ

అంతా అనుకున్న ప్ర‌కారం జ‌రిగితే మే 20న జూనియ‌ర్ ఎన్టీఆర్ పుట్టిన రోజు సంద‌ర్భంగా అత‌డి అభిమానుల‌కు ఆర్ఆర్ఆర్ టీం నుంచి అదిరిపోయే ట్రీట్ అంది ఉండాల్సింది. అందుకోసం ప‌క్కాగా ప్ర‌ణాళిక‌లు వేసుకున్న‌ప్ప‌టికీ క‌రోనా వ‌చ్చి అన్నింటినీ చెడ‌గొట్టేసింది. ఆ రోజు క‌నీసం ఒక ఫ‌స్ట్ లుక్ కానుక కూడా లేక తీవ్ర నిరాశ‌కు గుర‌య్యారు తార‌క్ అభిమానులు.

ప‌రిస్థితులు మామూలయ్యాక టీజ‌ర్ కంటెంట్ కోసం తార‌క్ మీద కొన్ని స‌న్నివేశాలు చిత్రీక‌రించి సాధ్య‌మైనంత త్వ‌ర‌గా అభిమానుల‌కు ట్రీట్ ఇవ్వాల‌ని చూస్తున్నాడు రాజ‌మౌళి. ఈ ఎదురుచూపుల‌తోనే నెల‌లు నెలలు గ‌డిచిపోయాయి. ఆర్ఆర్ఆర్ షూటింగ్ పునఃప్రారంభం ఇదిగో అదిగో అన్నారు కానీ.. ఎంత‌కీ ఆ రోజు రాలేదు.

ఐతే ఎట్ట‌కేల‌కు ఆర్ఆర్ఆర్ టీం చిత్రీక‌ర‌ణ‌కు సిద్ధ‌మైన‌ట్లు స‌మాచారం. . ముందుగా మూణ్నాలుగు రోజులు ట్ర‌య‌ల్ షూట్ చేసి.. ఆ త‌ర్వాత తార‌క్ మీద కీల‌క స‌న్నివేశాల చిత్రీక‌ర‌ణ మొద‌లుపెడ‌తార‌ట‌. రామ్ చ‌ర‌ణ్ ఈ నెలంతా ఆర్ఆర్ఆర్ షూటింగ్‌కు హాజ‌రు కాడు. ఆచార్య కోసం అత‌ను కొన్ని కాల్ షీట్లు ఇచ్చిన సంగ‌తి తెలిసిందే.

ఈ నేప‌థ్యంలో తార‌క్ మీద వ‌రుస‌బెట్టి స‌న్నివేశాలు చిత్రీక‌రించి ముందుగా టీజ‌ర్ వ‌దిలేసి.. ఆ త‌ర్వాత మిగ‌తా ప‌ని చూస్తార‌ట‌. ఇంత‌కుముందు రామ‌రాజు టీజ‌ర్‌కు తార‌క్ వాయిస్ ఇచ్చిన‌ట్లే దీనికి చర‌ణ్ త‌న గాత్రాన్ని అందిస్తార‌ని స‌మాచారం.