Movie News

అమరన్ హిట్టయితే అక్షయ్ మీద ట్రోలింగ్

అదేదో సామెత చెప్పినట్టు అత్త తిట్టినందుకు కాదు తోడి కోడలు నవ్వినందుకులా అయ్యింది అక్షయ్ కుమార్ పరిస్థితి. ఇప్పుడీ ప్రస్తావన ఎందుకంటే ఇటీవలే విడుదలైన బ్లాక్ బస్టర్ అమరన్ శివ కార్తికేయన్ కెరీర్ లోనే బిగ్గెస్ట్ హిట్ గా నిలుస్తోంది.

కేవలం మూడు రోజులకే వంద కోట్ల మైలురాయిని దాటడం చూసి ట్రేడ్ ఆశ్చర్యపోతోంది. తమిళంలో అంటే ఏమో అనుకోవచ్చు కానీ ఇంత తీవ్రమైన పోటీ మధ్య ఏపీ తెలంగాణ లాంటి పక్క రాష్ట్రాల్లో డబ్బింగ్ వెర్షన్ సైతం అదే స్థాయిలో ఆడటం చూసి అందరూ షాకవుతున్నారు. సాయిపల్లవి, జివి ప్రకాష్ సంగీతం, ఎమోషనల్ కంటెంట్ జనాన్ని కట్టిపడేస్తున్నాయి.

దీంతో ఇప్పుడీ అమరన్ ని కూడా అక్షయ్ కుమార్ వదలడని యాంటీ ఫ్యాన్స్ ట్రోలింగ్ మొదలుపెట్టారు. ఎందుకంటే రీమేకులు చేయడంలో ఈయనకీయనే సాటి కాబట్టి. సూర్య ఆకాశం నీ హద్దురాని అదే దర్శకురాలితో కోరిమరీ సర్ఫిరాగా తీయించుకున్నాడు.

తీరా చూస్తే అదేమో పబ్లిసిటీ ఖర్చులు కూడా వెనక్కు తేలేనంత దారుణంగా డిజాస్టరయ్యింది. గతంలో లారెన్స్ కాంచనని అతనితోనే హిందీలో చేశాడు. డైరెక్ట్ ఓటిటి రిలీజైనా సరే బొమ్మ అడ్డంగా తిరగబడింది. ఇవే కాదు గద్దలకొండ గణేష్, రాక్షసుడు వగైరాలను వదల్లేదు. అంతకు ముందు రీమేక్ హిట్లున్నాయి కానీ గత కొన్నేళ్లలో తగ్గిపోయాయి.

మనమేదో తమాషాకు అనుకుంటున్నా అక్షయ్ కుమార్ నిజంగా అమరన్ ని హిందీలో తీసినా ఆశ్చర్యపోనక్కర్లేదు. ఎలాగూ అక్కడి ఆడియన్స్ కి ఒరిజినల్ వెర్షన్ రీచ్ కాలేదు కాబట్టి ఒక ప్రయత్నం చేయొచ్చు.

వేగంగా సినిమాలు చేయడం తప్ప కంటెంట్ గురించి అస్సలు పట్టించుకోడనే విమర్శలు మూటగట్టుకున్న అక్షయ్ కుమార్ ఇటీవలే ఖేల్ ఖేల్ మే, బడే మియా చోటే మియాతో పలకరించాడు కానీ రెండూ తుస్సుమన్నాయి. క్యామియో చేసిన సింగం అగైన్ కు సైతం రివ్యూలు పాజిటివ్ గా లేవు. అన్నట్టు మంచు విష్ణు కన్నప్పలో శివుడిగా నటించి టాలీవుడ్ డెబ్యూ చేయబోతున్న సంగతి తెలిసిందే. 

This post was last modified on November 3, 2024 4:12 pm

Share

Recent Posts

`క‌రువు`లో ఉన్నాం.. 30 వేల కోట్లివ్వండి

తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేప‌థ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…

1 hour ago

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

2 hours ago

వైసీపీ ట్రాప్‌.. చిక్కుకుపోయిన టీడీపీ..?

రాష్ట్ర వ్యాప్తంగా కాదుకానీ.. ప్ర‌స్తుతం జ‌రుగుతున్న గ్రామ పంచాయ‌తీ ఎన్నిక‌ల విష‌యంలో వైసీపీ స్థానిక నేత‌లు ప‌న్నిన వ్యూహానికి టీడీపీ…

5 hours ago

అస‌దుద్దీన్ నేతృత్వంలో కొత్త `కూట‌మి`

దేశంలో ప్ర‌స్తుతం జాతీయ స్థాయిలో రెండు కూట‌ములు కొన‌సాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూట‌ములు ఉన్నాయి.…

7 hours ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

9 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

10 hours ago