Movie News

ఫ్లాపయిన గాయం కన్నా వివాదాల బాధే ఎక్కువ

స్త్రీ 2 స్థాయిలో బ్లాక్ బస్టర్ అవుతుందని ఎంతో నమ్మకం పెట్టుకున్న జిగ్రా చివరికి అత్తెసరు వసూళ్లతో సరిపెట్టుకుని బాక్సాఫీస్ ఫైనల్ రన్ కు దగ్గరలో ఉంది. నార్త్ లో ఓ మోస్తరు కలెక్షన్లు వస్తున్నప్పటికీ హిట్ అని చెప్పుకునేందుకు అవి సరిపోవడం లేదు.

బోలెడు ఆశలతో తెలుగుతో సహా సౌత్ భాషల్లో డబ్బింగ్ చేస్తే కనీసం ఈవెంట్ ఖర్చులు రాలేదు. సమంతా, త్రివిక్రమ్, రానాలు అలియా భట్ కోసం అండగా నిలబడి ప్రమోషన్లో భాగమైనా లాభం లేకపోయింది. సరే ఏ ఆర్టిస్టుకైనా ఫ్లాపులు సహజం కానీ జిగ్రాకు మాత్రం కొన్ని వివాదాలు, గాయాలు కొంత కాలం వెంటాడేలా ఉన్నాయి.

మొదటిది కొన్ని నెలల క్రితం వచ్చిన ‘సవి’ని కాపీ కొట్టారనే కాంట్రావర్సి వాటిలో మొదటిది. కలెక్షన్ల పరంగా కూడా మాన్యుపిలేట్ చేశారనే విమర్శలు బలంగా ఉన్నాయి. జనం లేకపోయినా థియేటర్లను బ్లాక్ చేసి ట్రేడ్ తో నెంబర్లు చెప్పించారనే వార్తలు గట్టిగా తిరిగాయి.

నిర్మాత కరణ్ జోహార్ వాటిని ఖండించారు. దానికి తోడు సోషల్ మీడియాలో వచ్చిన నెగటివిటీని తట్టుకోలేక దర్శకుడు వాసన్ బాలా ఏకంగా తన ట్విట్టర్ అకౌంట్ ని తాత్కాలికంగా డిలీట్ చేసుకున్నారు. ఇన్స్ టాలో యాక్టివ్ గా ఉన్నప్పటికీ ఎక్స్ ప్లాట్ ఫార్మ్ లో ఫ్యాన్స్ నుంచి ఏ రేంజులో తిట్ల దండకం వచ్చి ఉంటుందో అర్థం చేసుకోవచ్చు.

ఇదంతా ఎలా ఉన్నా అలియా భట్ కు జిగ్రా ఫలితం తీవ్రంగా నిరాశ పరిచింది. శ్రద్ధా కపూర్ లాగా సోలో బ్లాక్ బస్టర్ అందుకుందామంటే ఆ కోరిక నెరవేరలేదు. అయినా తన మార్కెట్, అవకాశాలకు వచ్చిన ఇబ్బందేమీ లేదు. యష్ రాజ్ ఫిలింస్ నిర్మిస్తున్న లేడీ స్పై థ్రిల్లర్ అల్ఫాలో టైటిల్ రోల్ పోషిస్తోంది. బ్రహ్మాస్త్ర పార్ట్ 2లో కొనసాగనుంది. ఈ రెండు మళ్ళీ పెద్ద బ్రేక్ ఇస్తాయని నమ్మకంగా ఉంది.

అయినా దెయ్యాల ట్రెండ్ నడుస్తున్న బాలీవుడ్ లో ఇప్పుడు రొటీన్ యాక్షన్ రివెంజ్ డ్రామాలతో పనవ్వదు. జవాన్, పఠాన్ లాగా పవర్ ఫుల్ గా ఉంటే తప్ప ఆషామాషీ జిగ్రాలకు భంగపాటు తప్పడం లేదు.

This post was last modified on October 20, 2024 6:43 pm

Share

Recent Posts

‘తల్లిని చెల్లిని అగౌరవపరచడం జగన్ కే చెల్లు’

వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…

4 hours ago

గేమింగ్ పిచ్చి పీక్స్.. GTA 6 ఆడేందుకు పెళ్ళాంతోనే డీల్

వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…

5 hours ago

ఛార్జిషీట్ నంబర్ పదికి చేరింది జగన్

వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…

5 hours ago

రామాయణ మేనియా.. థియేటర్లలో నాన్‌వెజ్‌కు బ్రేక్

బాలీవుడ్ స్టార్ హీరో రణ్‌బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…

7 hours ago

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

7 hours ago

‘శ‌బ‌రిమ‌ల‌ను తిరుమ‌ల చేస్తా’: సీఎం ప్ర‌క‌ట‌న.. సాధ్య‌మేనా?!

కొన్ని కొన్ని ప్ర‌క‌ట‌న‌లు విని ఊరుకోవాల్సిందే!. కానీ, నాయ‌కులు మాత్రం ఊద‌ర‌గొడుతూనే ఉంటారు. తాజాగా ప్ర‌పంచ ప్ర‌ఖ్యాత శ‌బ‌రిమ‌ల ఆల‌యాన్ని…

8 hours ago