మెగా హీరోలతో కాదు.. అఖిల్ తో??

మెగా హీరోలతో కాదు.. అఖిల్ తో??

ఇప్పుడు కొంతమంది దర్శకులు తమ తదుపరి సినిమాలను ఎవరితో చేస్తారనేది పెద్ద చర్చగానే మారింది. ఎందుకంటే అసలు మన స్టార్ హీరోలు ఎప్పుడు ఏ నిర్ణయం తీసుకుంటున్నారో తెలియట్లేదు. ఒక ప్రక్కన మహేష్‌ బాబుతో 'భరత్ అను నేను' సినిమాను చేస్తున్న డైరక్టర్ కొరటాల శివ ఉన్నాడు చూడండి.. మనోడు ఇప్పుడు తదుపరి సినిమా ఎవరితో చేస్తాడు అనేదే పెద్ద ప్రశ్నగా మారింది.

నిజానికి ప్లాన్ ప్రకారం చూసుకుంటే.. కొరటాల శివ తన ప్రస్తుత సినిమా పూర్తవ్వగానే.. మెగా హీరో రామ్ చరణ్‌ తో సినిమాను చేయాలి. అయితే ఇప్పుడు బోయపాటి శ్రీను సినిమాను కమిట్ అయిన చరణ్‌.. తదుపరి రాజమౌళి డైరక్షన్లో సినిమాను చేస్తున్నట్లు తెలిసిందే. అయితే ఇప్పుడు కొరటాల ఎవరితో చేసినా చేస్తాడు మరి? అనగానే మొన్నామధ్యన అల్లు అర్జున్ తో సినిమా చేస్తున్నాడు అన్నారు. కాని ఆ ప్రాజెక్టు పట్టాలెక్కక మునుపే.. అసలు టాక్స్ సక్సెస్ అవ్వలేదని తెలుస్తోంది. అందుకే ఇప్పుడు కొరటాల తన తదుపరి సినిమాను అఖిల్ తో చేస్తున్నాడట.

ఆల్రెడీ అఖిల్ కు కథ చెప్పిన కొరటాల.. ఆ కథతో నాగార్జునను కూడా ఇంప్రెస్ చేశాడట. అందుకే తన ప్రస్తుత సినిమ అయిపోగానే.. అఖిల్ ఆ సినిమాను చేస్తాడని కొంతమంది సన్నిహితులు చెబుతున్నారు.

 

రాజకీయ వార్తలు

 

సినిమా వార్తలు