Trends

బీసీసీఐ కోహ్లి అభిమానుల‌కు భ‌య‌ప‌డిందా?

కొన్ని నెల‌ల్లో భార‌త క్రికెట్లో ప‌రిణామాలు వేగంగా మారిపోయాయి. కొన్నేళ్లుగా కెప్టెన్‌గా మూడు ఫార్మాట్ల‌లో జ‌ట్టును న‌డిపిస్తున్న విరాట్ కోహ్లి.. ఒక‌దాని త‌ర్వాత ఒక‌టిగా ప‌గ్గాలు వ‌దిలేశాడు. ముందుగా త‌న‌కు తానుగా టీ20 సార‌థ్యాన్ని విడిచిపెట్ట‌గా.. బీసీసీఐ, సెల‌క్ట‌ర్లు అత‌డిని వ‌న్డే కెప్టెన్‌గా త‌ప్పించ‌డం చ‌ర్చ‌నీయాంశ‌మైంది. దీంతో హ‌ర్ట‌యిన కోహ్లి టెస్టు కెప్టెన్సీని కూడా వ‌దిలిపెట్టేశాడు. ఇది అత‌డి అభిమానుల‌కు ఏమాత్రం రుచించ‌లేదు.

కోహ్లి లాంటి దిగ్గ‌జ ఆట‌గాడికి స‌రైన స‌మాచారం ఇవ్వ‌కుండా వ‌న్డే కెప్టెన్సీ నుంచి త‌ప్పించ‌డాన్ని తీవ్రంగా త‌ప్పుబ‌ట్టారు. దీని వెనుక బీసీసీఐ అధ్య‌క్షుడు సౌర‌భ్ గంగూలీ ఉన్నాడంటూ అత‌డిపై మండిప‌డ్డారు. కోహ్లి టెస్టు సార‌థ్యాన్ని విడిచిపెట్టిన‌పుడు బీసీసీఐ, గంగూలీపై పెద్ద ఎత్తున ట్రోలింగ్ జ‌రిగింది సోష‌ల్ మీడియాలో. క‌ట్ చేస్తే ఇప్పుడు విరాట్ కోహ్లి వందో టెస్టు మైలురాయి ముంగిట నిలిచాడు. శుక్ర‌వార‌మే ఈ ప్ర‌త్యేక మ్యాచ్ మొహాలిలో ఆరంభం కాబోతోంది. శ్రీలంక‌తో జ‌ర‌గ‌బోయే ఈ మ్యాచ్‌కు అభిమానులను అనుమ‌తించ‌కూడ‌ద‌ని బీసీసీఐ నిర్ణ‌యించ‌డం దుమారం రేపింది.

బెంగ‌ళూరులో జ‌రిగే రెండో టెస్టుకు మాత్రం అభిమానుల‌ను అనుమ‌తించి, దీనికి ముందు కోల్‌క‌తాలో జ‌రిగిన టీ20 సిరీస్‌కు కూడా ప్రేక్ష‌కుల‌కు ప‌చ్చ జెండా ఊపి కేవ‌లం కోహ్లి వందో టెస్టుకు మాత్రం అభిమానుల‌ను దూరం పెట్ట‌డంపై తీవ్ర విమ‌ర్శ‌లు వ్య‌క్త‌మ‌య్యాయి సోష‌ల్ మీడియాలో. ఒక రోజంతా దీనిపై ట్విట్ట‌ర్లో చ‌ర్చ జ‌రిగింది. బీసీసీఐని, గంగూలీని తీవ్ర స్థాయిలో విమ‌ర్శించారు కోహ్లి అభిమానులు.

ఈ ట్రోలింగ్ అంతా చూశాక బీసీసీఐ జ‌డుసుకున్న‌ట్లే ఉంది. కోహ్లి వందో టెస్టుకు అభిమానుల‌ను అనుమ‌తిస్తామ‌ని ప్ర‌క‌టించారు. 50 శాతం ఆక్యుపెన్సీ మ‌ధ్య ఈ మ్యాచ్ జ‌ర‌గ‌నుంది. ప్రేక్ష‌కులుంటే మ‌రింత ఉత్సాహంగా ఆడే కోహ్లికి ఇది సానుకూల విష‌య‌మే. మ‌రి అభిమానుల మ‌ధ్య వందో టెస్టులో వంద కొట్టి రెండేళ్ల‌కు పైగా సాగుతున్న నిరీక్ష‌ణ‌కు కోహ్లి తెర‌దించుతాడేమో చూడాలి.

This post was last modified on March 3, 2022 9:49 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

1 hour ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

2 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

3 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

3 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

4 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

4 hours ago