భారత క్రికెట్ జట్టును ఐసీసీ ఫైనల్కు చేర్చడం ఒక అద్భుతమైన ఘనత. కానీ అదే పని వరుసగా నాలుగుసార్లు చేయగలిగిన తొలి కెప్టెన్గా రోహిత్ శర్మ పేరు చరిత్రలో నిలిచిపోనుంది. 2023 నుంచి 2025 వరకూ భారత జట్టును ఐసీసీ టోర్నమెంట్లలో ఫైనల్కు చేర్చడం ద్వారా రోహిత్ మరోసారి తన కెప్టెన్సీ నైపుణ్యాన్ని నిరూపించుకున్నాడు. ప్రపంచ టెస్ట్ ఛాంపియన్షిప్ (2023), వన్డే వరల్డ్ కప్ (2023), టీ20 వరల్డ్ కప్ (2024), ఇప్పుడు ఛాంపియన్స్ ట్రోఫీ (2025) ఫైనల్కు భారత్ను తీసుకెళ్లాడు.
ఇందులో టెస్ట్ ఛాంపియన్షిప్, వన్డే వరల్డ్ కప్ ఫైనల్స్లో భారత్కు ఓటమి ఎదురైనప్పటికీ, టీ20 వరల్డ్ కప్ను గెలుచుకొని చరిత్ర సృష్టించాడు. ఇప్పుడు ఛాంపియన్స్ ట్రోఫీ ఫైనల్ కూడా గెలిచి మరో గొప్ప రికార్డును తన ఖాతాలో వేసుకోవాలని రోహిత్, టీమిండియా అభిమానులు ఆశిస్తున్నారు. ఈ విజయ పరంపర భారత క్రికెట్కు కొత్త ఉత్సాహాన్ని తీసుకురావడమే కాదు, రోహిత్ శర్మ కెప్టెన్సీని సుస్థిరం చేయడంలో కీలక పాత్ర పోషిస్తోంది.
ఈ ఘనత సాధించిన తొలి భారత కెప్టెన్గా రోహిత్ నిలిచాడు. గతంలో మహేంద్ర సింగ్ ధోనీ 2007 టీ20 వరల్డ్ కప్, 2011 వన్డే వరల్డ్ కప్, 2013 ఛాంపియన్స్ ట్రోఫీని గెలిపించి అత్యుత్తమ కెప్టెన్సీ ప్రతిభను ప్రదర్శించాడు. అయితే, టెస్టు ఫార్మాట్లో ప్రపంచ ఛాంపియన్షిప్ ఆ రోజుల్లో లేకపోవడం వల్ల ధోనీకి ఆ అవకాశమే రాలేదు. కానీ ఇప్పుడు రోహిత్ అన్ని ఫార్మాట్లలో భారత్ను ఫైనల్కు చేర్చిన కెప్టెన్గా నిలిచాడు.
భారత క్రికెట్ను ఈ స్థాయికి తీసుకురావడంలో రోహిత్ కృషిని గుర్తించాల్సిందే. విరాట్ కోహ్లీ సారథ్యంలో టీమిండియా 2021 ప్రపంచ టెస్ట్ ఛాంపియన్షిప్ ఫైనల్కు చేరింది. అయితే 2023లో భారత్ను మరోసారి ఫైనల్కు తీసుకెళ్లిన రోహిత్, ఆ తర్వాత వరుసగా మూడు ప్రధాన ఐసీసీ ఫైనల్స్ను అందించడంతో కెప్టెన్గా తన ప్రత్యేకతను చాటాడు. ఇప్పుడు ఛాంపియన్స్ ట్రోఫీ ఫైనల్లోనూ టీమిండియా విజయం సాధిస్తే, ఇది రోహిత్ కెప్టెన్సీ కెరీర్కు అద్భుతమైన మైలురాయిగా మారనుంది.
ఇంతవరకు భారత్ ఐసీసీ ఛాంపియన్స్ ట్రోఫీని రెండుసార్లు గెలుచుకుంది. ఒకసారి 2002లో శ్రీలంకతో టైగా ముగిసిన మ్యాచ్లో సహవిజేతగా నిలిచింది. మరోసారి 2013లో ధోనీ సారథ్యంలో టైటిల్ సాధించింది. 2025లో ఈ ట్రోఫీని మళ్లీ గెలవాలంటే రోహిత్ సేన అద్భుత ప్రదర్శన చేయాల్సి ఉంటుంది. ఇప్పుడు ఫైనల్ మూడోసారి భారత్ గెలిస్తే, రోహిత్ శర్మ మరో లెజెండరీ కెప్టెన్గా చరిత్ర సృష్టించనున్నాడు.
This post was last modified on March 5, 2025 2:58 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…