Political News

ఆ ట్రబుల్ షూటర్ పైనే మరోసారి చంద్రబాబు గురి

రాజకీయ పార్టీల్లో రకరకాల రాజకీయ నాయకులుంటారు. ఇటు అధిష్టానం, అటు ప్రజలను మెప్పించడంలో ఎవరి ప్రత్యేకత వారిది. కొందరు తమ వాగ్దాటితో నెగ్గుకు వస్తుంటారు. మరికొందరికి జనంలో విపరీతమైన ఫాలోయింగ్ ఉంటుంది….మరి కొందరు తమకున్న చాణక్య నీతితో ఇటు పార్టీ అధిష్టానాన్ని అటు కేడర్ ను, ప్రజలను మెప్పిస్తుంటారు. కర్ణాటక కాంగ్రెస్ పార్టీలో శివ కుమార్ ఈ తరహా నేతగా గుర్తింపు పొంది ట్రబుల్ షూటర్ గా పేరు పొందారు.

కర్ణాటక కాంగ్రెస్ లోని నేతలు, కేడర్ మధ్య అంతర్గత కలహాలు, మధ్య చిన్న చిన్న గొడవలు సరిదిద్దదడంలో శివకుమార్ దిట్ట. అదే తరహాలో ఏపీలోని టీడీపీలో ఉంగుటూరు మాజీ ఎమ్మెల్యే గన్ని వీరాంజనేయులుకు ట్రబుల్ షూటర్ గా పేరుంది.

2014 ఎన్నికల్లో ఘన విజయం నుంచి 2019 ఎన్నికల్లో ఘోర పరాజయం వరకు టీడీపీ అధిష్టానం అప్పగించిన పనులను విజయవంతంగా పూర్తి చేయడంలో సిద్ధహస్తుడిగా గన్నికి పేరుంది. ఈ నేపథ్యంలోనే టీడీపీ ట్రబుల్ షూటర్ గన్ని వీరాంజనేయులుకు మరో కీలక బాధ్యతను అప్పగించేందుకు టీడీపీ అధినేత చంద్రబాబు రెడీ అయ్యారని టాక్ వస్తోంది.

వాస్తవానికి టీడీపీలో ప్రస్తుతం గోరంట్ల బుచ్చయ్య చౌదరి, అయ్యన్నపాత్రుడు వంటి పాతతరం నాయకులే ఎక్కువగా కనిపిస్తున్నారు. కొంతమంది కొత్తతరం నేతలు మీడియాలో కనిపించినా వారు వ్యూహకర్తలు కాదు. అయితే, వ్యూహకర్త అయి ఉండి కూడా మీడియాలో పెద్దగా వినిపించని నేత ఉంగుటూరు మాజీ ఎమ్మెల్యే గన్ని వీరాంజనేయులు.

మీడియా కంటే కూడా ప్రజలకు, పార్టీకి ఎక్కువ అందుబాటులో ఉండే నేతగా గన్నికి పేరుంది. ట్రబుల్ షూటర్ గా చంద్రబాబు నమ్మకాన్ని చూరగొన్న గన్ని….పార్టీ ఎదుగుదలకు తనవంతు ప్రయత్నం చేస్తున్నారు. అందుకే, టీడీపికి దొరికిన కొత్త ట్రబుల్ షూటర్ గన్నికి చంద్రబాబు కీలకమైన బాధ్యతలు అప్పగించేందుకు సిద్ధమయ్యారని తెలుస్తోంది.

ప‌శ్చిమ గోదావ‌రి జిల్లాలోని ఉంగుటూరు నియోజ‌క‌వ‌ర్గం నుంచి 2014లో విజ‌యం సాధించిన గ‌న్ని వీరాంజ‌నేయులుకు పార్టీలో నమ్మినబంటుగా పేరుంది. సాధారణ నేత నుంచి పార్టీలో కీలక వ్యూహ‌క‌ర్తగా ఎదిగిన వీరాంజనేయులుకు వివాదర‌హితుడిగా ముద్రపడింది. అందుకే, గన్నికి చంద్రబాబు అనేక కీలక బాధ్యతలు అప్పగించారు. నంద్యాల ఉప ఎన్నికలు, కాకినాడ కార్పొరేష‌న్ ఎన్నికలు, 2018లో తెలంగాణ‌లో జ‌రిగిన అశ్వారావు పేట అసెంబ్లీ నియోజ‌క‌వ‌ర్గ ఎన్నిక…వీటన్నింటిలోనూ గన్ని వ్యూహాలతో టీడీపీ విజయం సాధించింది.

దీంతోపాటు, ఉంగుటూరులో కేడ‌ర్‌కు ఎల్లపుడు అందుబాటులో ఉండడం గన్ని ప్రత్యేకత. ఇక, టీడీపీ కేడర్ ని వైసీపీ ఇబ్బందలుపెడుతున్నా, కేసులు పెడుతున్నా…దీటుగా ఎదుర్కొంటున్నారు గన్ని. పోల‌వ‌రం నియో‌జ‌క‌వ‌ర్గంలో, చింత‌ల‌పూడిలోనూ పార్టీలో అసంతృప్తుల‌ను చక్కదిద్ది కేడర్ ను గాడిలో పెట్టడం వంటి పనులు గన్ని అనేకం చేశారు.

ఇలా ట్రబుల్ షూటర్ గా పేరున్న గన్నికి ఏలూరు పార్లమెంటు నియోజ‌క‌వ‌ర్గం పార్టీ అధ్యక్ష బాధ్యత‌ల‌ను అప్పగించాల‌ని చంద్రబాబు భావిస్తున్నట్లు తెలుస్తోంది. కొత్త జిల్లాల విభ‌జ‌న ప్రక్రియ ఊపందుకున్న నేపథ్యంలో వైసీపీ పార్ల‌మెంట‌రీ జిల్లాల వారీగా పార్టీ క‌మిటీలు నియమిస్తోంది. దీంతో, టీడీపీ కూడా అదే బాటలో పయనించాలని భావిస్తోందట.

This post was last modified on August 29, 2020 10:52 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

1 hour ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

10 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

10 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

11 hours ago