రాజకీయాల్లో కుటుంబ రాజకీయాలు ఉంటాయి. భార్యాభర్త ఒకే పార్టీలో ఉండడం సహజం. అన్నదమ్ము లు కూడా ఒకే కండువా కప్పుకోవడం తెలిసిందే. ఇక, రాజకీయ గురువులు-శిష్యులు కూడా ఒకే పార్టీలో ఉండడం తెలిసిందే. అయితే.. మారుతున్న కాలానికి అనుగుణంగా.. రాజకీయాలు కూడా మారిపోయాయి. టికెట్ దక్కితే చాలు.. అది ఎవరైనా ఫర్వాలేదనే వాదన వినిపిస్తోంది. భార్య ఒక పార్టీలో భర్త మరోపార్టీలో, అన్న ఒక పార్టీలో తమ్ముడు మరో పార్టీలో, గురువు ఒక పార్టీలో శిష్యుడు మరో పార్టీలో ఉంటున్నారు.
దీంతో రాజకీయాల స్వరూపం మారిపోతోంది. ఖైరతాబాద్ నియోజకవర్గం నుంచి అధికార పార్టీ బీఆర్ ఎస్ తరఫున బరిలో ఉన్న దానం నాగేందర్కు ఇదే సమస్య ఎదురైంది. తనకు రాజకీయ భిక్ష పెట్టి, నలుగురి లోనూ గుర్తింపు తెచ్చిన పీజేఆర్ను ఆయన గురువుగా భావిస్తారు. అయితే.. ఇప్పుడు ఆయన కుమార్తె విజయారెడ్డిపైనే దానం పోటీ చేస్తున్నారు. కాంగ్రెస్ అభ్యర్థిగా ఆమె ఇక్కడ నుంచి చావో రేవో తేల్చుకునే పనిలో ఉన్నారు.
ఈ క్రమంలో ప్రధాన పోటీ బీఆర్ ఎస్ అభ్యర్థి దానం, కాంగ్రెస్ అభ్యర్థి విజయల చుట్టూనే తిరుగుతోంది. విజయ కొంత దూకుడు చూపించి.. దానం ఇక్కడ చేసింది ఏమీ లేదని చెబుతున్నారు. మురుగు కాల్వలను చూపిస్తున్నారు. చిన్న వర్షానికే ఖైరతాబాద్ మునిగిపోతోందంటూ.. కరపత్రాలు పంపిణీ చేస్తున్నారు. ఇంటింటికీ తిరుగుతున్నారు. అంతేకాదు.. నగరంలో కీలకమైన నియోజకవర్గాన్ని దానం పక్కన పెట్టేశారని చెబుతున్నారు.
అయితే, ఇదే సమయంలో విజయను నేరుగా ఏమీ అనలేక.. దానం సతమతం అవుతున్నారు. రాజకీయా ల్లో వన్స్ పోటీ అంటూ ఏర్పడితే.. అది ఎవరైనా విమర్శలు గుప్పించుకోవాల్సిందే. కానీ, దానం నాగేందర్కు మాత్రం.. గురువు పీజేఆర్ పదే పదే గుర్తుకు వస్తున్నారు. ఇప్పటి వరకు పీజేఆర్ను కానీ, ఆయన కుటుంబాన్ని కానీ, ఆయన పన్నెత్తు మాట అనలేదు. కానీ, ఇప్పుడు ఎన్నికల్లో పోటీ రసవత్తరంగా ఉండడంతో అనలేక.. కాదనలేక ఇబ్బంది పడుతున్నారట.
ఈ క్రమంలోనే ఆయన విజయ పేరు కానీ.. పీజేఆర్ పేరు కానీ.. ఎత్తకుండా.. పార్టీలు మారేవారికి ప్రజలు ఓటేస్తారా? అని ప్రశ్నిస్తున్నారు. కానీ, చిత్రం ఏంటంటే.. ఈయన కూడా పార్టీ మారిపోయి.. బీఆర్ ఎస్లో చేరిన నాయకుడే. దీంతో దానం ప్రచారం కొంత నెమ్మదిగా సాగుతోందని అంటున్నారు పరిశీలకులు. మరి వచ్చే 20 రోజుల్లో దూకుడు పెంచుతారేమో చూడాలి.
కథానాయికగా పరిచయం అయింది తమిళంలోనే అయినా.. తెలుగులోనే ఎక్కువ సినిమాలు చేసి గుర్తింపు సంపాదించింది నివేథా పెతురాజ్. మెంటల్ మదిలో,…
ఒకప్పుడు అమెరికా అధ్యక్షుడు హోదాలో ఉన్న వ్యక్తి నోటి నుంచి ఒక మాట వస్తే.. అదో నిజమన్నట్లుగా ఉండేది. అలాంటి…
ఢిల్లీలో 'జాతీయ సమగ్రత కోసం సేన ప్రస్థానం' పేరుతో 3 రోజుల పాటు సభలను నిర్వహించాలని జనసేన నిర్ణయించిన సంగతి…
కాక్రోచ్ జనతా పార్టీ(సీజేపీ)గా ఏర్పడి ఉద్యమాలు చేస్తున్న ఈ పార్టీ.. దేశవ్యాప్తంగా విస్తరించే ప్రణాళికలు అమలు చేస్తోంది. కొన్ని రోజుల…
అభివృద్ధి కోసం తమ భూములను త్యాగం చేసిన రైతులకు నోయిడా అంతర్జాతీయ విమానాశ్రయం అరుదైన గౌరవం కల్పించింది. విమానాశ్రయం ప్రారంభోత్సవం…
సాప్ట్ వేర్ రంగమంతా ఇప్పుడు వీకెండ్ వచ్చిందంటే… ఫుల్ ఎంజాయ్ మెంట్ లోకి దిగిపోతోంది. శని, ఆదివారాలు రెండు రోజులూ…