తెలంగాణలో మునుగోడు ఉప ఎన్నిక రాజకీయ వేడి పుట్టించిన సంగతి తెలిసిందే. బీజేపీ అభ్యర్థి కోమటిరెడ్డి రాజగోపాల్ రెడ్డికి మంచి పట్టున్న ఈ ప్రాంతంలో పాగా వేసేందుకు అధికార పార్టీ గట్టి ప్రయత్నాలు చేసింది. ఇక, కాంగ్రెస్ కు కంచుకోటగా ఉన్న మునుగోడులో సిట్టింగ్ స్థానం నిలబెట్టుకోవాలని ఆ పార్టీ విశ్వప్రయత్నమే చేసింది. దీంతో, మునుగోడులో త్రిముఖ పోరు చలికాలంలోనూ హీట్ పుట్టించింది.
ఇలా రాజకీయ వేడితో సెగుల పుట్టిస్తున్న మునుగోడు రాజకీయం కాస్త చల్లబడిందంటే అందుకు కారణం మాత్రం ప్రజాశాంతి పార్టీ అధ్యక్షుడు కేఏ పాల్ అని చెప్పవచ్చు. తన మార్క్ డైలాగులు…హావభావాలు…చేష్టలతో పాల్ చేసే కామెడీ జబర్దస్త్ కన్నా ఎక్కువే వినోదాన్ని పంచింది. తనదైశన శైలిలో పాల్ చేసిన ప్రచారం ఈ బైపోల్ పోరుకు కాస్త కామెడీ టచ్ ఇచ్చింది. ఈ క్రమంలోనే ఆ కామెడీని పాల్ పోలింగ్ బూత్ వరకూ కొనసాగించిన వైనం వైరల్ గా మారింది.
మునుగోడు ఉప ఎన్నికల్లో స్వతంత్ర అభ్యర్థిగా వ్యవహరిస్తున్న కేఏ పాల్ పోలింగ్ వేళ ప్రచారానికి మించిన సందడి చేస్తున్న వైనం హాట్ టాపిక్ గా మారింది. మిగిలిన అభ్యర్థులకు భిన్నంగా ఉన్న పాల్ తీరు ఇటు మీడియాలోనూ.. అటు సోషల్ మీడియాలోనూ..రచ్చ రేపుతోంది. పాల్ కు ఈసీ ఉంగరం గుర్తు కేటాయించడంతో…పది వేళ్లకు పది ఉంగరాలు పెట్టుకొని పోలింగ్ బూత్ లను సందర్శిస్తున్నారు పాల్.
ఇక, చేతికి 10 ఉంగరాలతో 100 పోలింగ్ బూత్ లను విజిట్ చేయాలని పాల్ ఫిక్స్ అయ్యారు. అందుకే, ఒక పోలింగ్ బూత్ నుంచి పరుగు పరుగున మరో పోలింగ్ బూత్ కు వెళుతున్నారు. ఈ క్రమంలోనే ఓ పోలింగ్ బూత్ నుంచి పాల్ బయటకు వస్తున్న వీడియో ఒకటి వైరల్ గా మారింది. ఆ టార్గెట్ పూర్తి చేసేందుకు తాను పరుగులు తీస్తున్నానని పరిగెడుతూ మీడియా ప్రతినిధులకు చెబుతూ వెళ్లిపోయారు పాల్.
ఇక, 10 ఉంగరాలు పెట్టుకొని పోలింగ్ బూత్ లోకి వెళ్లడం ఎన్నికల నిబంధనల్ని ఉల్లంఘించినట్లు కదా అని పాల్ ను విలేకరులు ప్రశ్నించారు. అలా అయితే, టీఆర్ఎస్ ఎన్నికల గుర్తు కారు అని, 30 వేల కార్లలో టీఆర్ఎస్ కార్యకర్తలు తిరుగుతున్నారని పాల్ చెప్పిన ఆన్సర్ కు విలేకరుల మైండ్ బ్లాక్ అయిందట. వారిని సైకిళ్ల మీద రమ్మని చెప్పలేం కదా అంటూ పాల్ ఇచ్చిన ఆన్సర్ విని వారంతా షాకయ్యారట. మరి ఇన్ని ఉంగరాలు పెట్టుకొని గింగరాలు తిరుగుతున్న పాల్ ఆఫ్ ది రింగ్స్..బైపోల్ లో కనీసం డిపాజిట్ అయినా తెచ్చుకుంటారా అన్నది మిలియన్ డాలర్ల ప్రశ్న అని సోషల్ మీడియాలో కామెంట్స్ వస్తున్నాయి.
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…
హీరోయిన్లు కెరీర్లో కొంచెం కుదురుకోగానే పెళ్లి ఎప్పుడు అనే ప్రశ్న ఎదురవుతుంది మీడియా నుంచి. ఆ తంతు పూర్తయ్యాక తల్లెప్పుడు…
సింగ్ గీతంని విష్ చేసిన జూనియర్ ఎన్టీఆర్ తన మిత్రుడు రామ్ చరణ్ పెద్దికి మాత్రం ఎలాంటి ట్వీట్ వేయకపోవడం…