Political News

రేవంత్‌కు ప‌గ్గాలు.. కోమ‌టి రెడ్డి తీవ్ర వ్యాఖ్య‌లు

రేవంత్ రెడ్డికి తెలంగాణ పీసీసీ ప‌గ్గాలు అప్ప‌గించడం కాంగ్రెస్ పార్టీలో పెద్ద చిచ్చే రేపేలా ఉంది. రాజ‌కీయాల్లోకి వ‌చ్చిన‌ప్ప‌టి నుంచి కాంగ్రెస్ పార్టీలోనే ఉన్న నేత‌ల్ని కాద‌ని.. మొద‌ట్నుంచి తెలుగుదేశం పార్టీలో ఉండి కొన్నేళ్ల కింద‌టే కాంగ్రెస్‌లోకి వ‌చ్చిన రేవంత్‌ను టీపీసీసీ ప్రెసిడెంట్‌ను చేయ‌డం ఏంటంటూ పార్టీలో అసంతృప్తి స్వ‌రాలు మొద‌ల‌య్యాయి.

ఇప్ప‌టికే రేవంత్‌తో తీవ్ర విభేదాలున్న మేడ్చ‌ల్ మాజీ ఎమ్మెల్యే, సీనియ‌ర్ నేత కిచ్చ‌న్న‌గారి ల‌క్ష్మారెడ్డి కాంగ్రెస్ పార్టీకి రాజీనామా చేయ‌డం తెలిసిందే. కాగా ఇప్పుడు టీపీసీసీ అధ్య‌క్ష ప‌ద‌విపై ఎప్ప‌ట్నుంచో ఆశ‌తో ఉన్న సీనియ‌ర్ నేత కోమ‌టిరెడ్డి వెంక‌ట‌రెడ్డి లైన్లోకి వ‌చ్చారు. ఉత్త‌మ్‌కుమార్ రెడ్డిని అధ్య‌క్షుడిని చేసిన‌ప్ప‌టి నుంచే త‌న అసంతృప్తిని వెళ్ల‌గ‌క్కుతూ వ‌స్తున్న కోమ‌టిరెడ్డి ఇప్పుడు రేవంత్ నియామ‌కంపై తీవ్రంగానే స్పందించారు.

రేవంత్ ఓటుకు నోటు కేసులో ఆరోప‌ణ‌లు ఎదుర్కొన్న విష‌యాన్ని గుర్తు చేస్తూ.. టీపీసీసీ అధ్య‌క్ష ఎన్నిక కూడా ఓటుకు నోటు త‌ర‌హాలోనే జ‌రిగిన‌ట్లు తాను ఢిల్లీ వెళ్లాక తెలిసింద‌ని కోమ‌టిరెడ్డి అన్నారు. టీపీసీసీ కొత్త కార్య‌వ‌ర్గాన్ని అభినందిస్తూ.. వీళ్లంతా క‌లిసి హుజారాబాద్ ఉప ఎన్నిక‌లో డిపాజిట్ తెచ్చుకోవాలంటూ వ్యంగ్యాస్త్రం విసిరారు కోమ‌టిరెడ్డి. అంతే కాక‌.. రేవంత్ లాంటి వ‌ల‌స నేత‌ల రాక‌తో టీపీసీసీ కాస్తా టీటీడీపీలా త‌యార‌వ‌బోతోంద‌ని ఆయ‌న విమ‌ర్శించారు.

రేవంత్ త‌న‌ను క‌లిసేందుకు ప్ర‌య‌త్నిస్తున్నార‌ని.. ఆయ‌న‌తో పాటు త‌న‌ను ఎవ్వ‌రూ క‌ల‌వొద్ద‌ని కోమ‌టిరెడ్డి అన్నారు. నిజ‌మైన‌ కాంగ్రెస్ నాయ‌కుల‌కు, కార్య‌క‌ర్త‌ల‌కు గుర్తింపు లేద‌న్న కోమ‌టిరెడ్డి.. మొద‌ట్నుంచి పార్టీలో ఉన్న త‌న లాంటి వాళ్ల‌కు అన్యాయం జ‌రిగింది కాబ‌ట్టి త‌మ‌కూ అలాగే జ‌రుగుతుంద‌ని కార్య‌క‌ర్త‌లు ఆవేద‌న చెందుతున్న‌ట్లు చెప్పారు. ఇబ్ర‌హీంప‌ట్నం నుంచి భువ‌న‌గిరి వ‌ర‌కు సోమ‌వారం నుంచి పాద‌యాత్ర చేయ‌బోతున్న‌ట్లు కోమ‌టిరెడ్డి వెల్ల‌డించారు.

This post was last modified on June 28, 2021 7:12 am

Share
Show comments
Published by
Satya

Recent Posts

కలెక్షన్లు అంటే కామెడీ అయిపోయింది

మొన్న శుక్రవారం తమిళంతో పాటు తెలుగులో కూడా లీడర్ అనే సినిమా రిలీజయ్యింది. బైకర్, రాకాస హడావిడిలో మనోళ్లు పట్టించుకోలేదు…

20 minutes ago

రావిపుడి రామాయణం తీస్తే?

వరస బ్లాక్ బస్టర్లతో విజయాలను వదలని విక్రమార్కుడిలా దూసుకుపోతున్న దర్శకుడు అనిల్ రావిపూడి నెక్స్ట్ వెంకటేష్ - కళ్యాణ్ రామ్…

2 hours ago

`గూగుల్‌`కు కొబ్బ‌రికాయ కొట్టేస్తున్నారు!

ఏపీలో కీల‌క ఘ‌ట్టానికి కూట‌మి ప్ర‌భుత్వం తెరదీయ‌నుంది. `గూగుల్ డేటా` కేంద్రానికి కొబ్బ‌రికాయ కొట్టేందుకు సిద్ధ‌మైంది. గ‌త ఏడాది ఈ…

2 hours ago

మాస్ మసాలా వదలని నాగశౌర్య

రంగబలి తర్వాత నాగశౌర్య తెరమీద కనిపించి రెండేళ్లు దాటిపోయింది. వరస డిజాస్టర్లతో మార్కెట్ డ్యామేజ్ అయిన టైంలో సరైన కంబ్యాక్…

2 hours ago

కేంద్రంలో పవన్ పట్టు పిఠాపురానికి వరం

జనసేన అధినేత పవన్ కల్యాణ్ ను గెలిపించుకున్న పిఠాపురం ప్రజలు... ఇప్పుడు అభివృద్ధి పథంలో దూసుకుపోతున్నారు. నియోజకవర్గంలోని దాదాపుగా అన్ని…

3 hours ago

జోష్ సినిమా ఆడదని ముందే తెలుసా?

టాలీవుడ్లో పెద్ద కుటుంబాల నుంచి వచ్చిన యువ కథానాయకుల్లో అత్యంత ఆడంబరంగా జరిగిన అరంగేట్రం అక్కినేని నాగచైతన్యదే అని చెప్పొచ్చు. టాలీవుడ్లో నంబర్…

3 hours ago