తెలంగాణలో టీఆర్ఎస్ ప్రభుత్వం వరుసగా రెండోసారి అధికారంలోకి వచ్చింది. కేసీఆర్ తెలంగాణకు రెండోసారి ముఖ్యమంత్రి అయ్యి కూడా అప్పుడే రెండున్నరేళ్లు అవుతోంది. మరో రెండున్నరేళ్లు మాత్రమే ఉంది. 2023 ఎలాగూ ఎన్నికల సంవత్సరమే.. ఇక మిగిలింది ఈ యేడాదిలో 8 నెలలు.. వచ్చే యేడాది. అంటే గరిష్టంగా 20 నెలల సమయం మాత్రమే ఉంది. కేసీఆర్ తన మంత్రి వర్గాన్ని 2019 సెప్టెంబర్లో విస్తరించి ఆరుగురిని కేబినెట్లోకి కొత్తగా చేర్చుకున్నారు. ఇక కేసీఆర్ కేబినెట్లో ధిక్కార స్వరాలు పెరుగుతోన్న మాట వాస్తవం. ఈ క్రమంలోనే వీరిలో కొందరికి ఇప్పటికే వార్నింగ్లు ఇచ్చి ఇచ్చి విసిగిన కేసీఆర్ కేబినెట్లో తలనొప్పిగా మారిన వారిని నిర్దాక్షిణ్యంగా మర్చేస్తేనే బెటర్ అన్న నిర్ణయానికి వచ్చేశారు.
ముఖ్యంగా ఈటెల రాజేందర్ ఇటీవల అధిష్టానంపై రుసరుసలాడుతున్నారు. ఈటెలతో పాటు గ్రేటర్ హైదరాబాద్ పరిధిలోని ఓ మంత్రితో పాటు ఉమ్మడి నల్లగొండ, ఆదిలాబాద్, నిజామాబాద్ జిల్లాలకు చెందిన మంత్రుల విషయంలో కేసీఆర్ అసంతృప్తితో ఉన్నారన్న మాట వాస్తవం. ఈ క్రమంలోనే వీరిని తప్పించి కొత్త ముఖాలను కేబినెట్లోకి తీసుకు వస్తారని అంటున్నారు. కొత్త ముఖాల్లో శాసన మండలి ఛైర్మన్ గుత్తా సుఖేందర్ రెడ్డి, ఖమ్మం మాజీ ఎంపీ పొంగులేటి సుధాకర్ రెడ్డి, మాజీ మంత్రి, జడ్చర్ల ఎమ్మెల్యే లక్ష్మారెడ్డి, ఖనాపూర్ ఎమ్మెల్యే రేఖా నాయక్, హన్మకొండ ఎమ్మెల్యే దాస్యం వినయ్ భాస్కర్, చెన్నూర్ ఎమ్మెల్యే బాల్క సుమన్, అచ్చంపేట ఎమ్మెల్యే గువ్వల బాలరాజు పేర్లు వినిపిస్తున్నాయి.
ఈ పేర్లలో ఎవరికి కేబినెట్లో బెర్త్ దక్కుతుందో ? ఎవరు ఆ లక్కీ పర్సన్సో అన్నది చూడాలి. ఇక కేసీఆర్ తన కుమార్తె కల్వకుంట్ల కవితకు మంత్రి పదవి ఇస్తారన్నా ఇప్పటికే ఆ ఫ్యామిలీ నుంచి పలువురు మంత్రులు ఉండడంతో అది సాధ్యం కాదు. ఇక ఇటీవల ఎమ్మెల్సీగా గెలిచిన పీవీ కుమార్తె సురభి వాణి పేరు మంత్రి పదవి రేసులో ఉన్నా ఆమెను మండలి చైర్మన్ చేసే ఛాన్సులు పుష్కలంగా ఉన్నాయి. ఖమ్మంలో ప్రస్తుతం పువ్వాడ అజయ్ మంత్రిగా ఉన్నారు. ఇక మంత్రి పదవి రేసులో ఉన్న పొంగులేటి శ్రీనివాస్ రెడ్డి ఏ సభల్లోనూ సభ్యుడు కాదు.
పువ్వాడను ఉంచి పొంగులేటికి ఛాన్స్ ఇస్తారా ? లేదా ఇద్దరికి ఛాన్స్ ఉంటుందా ? అన్నది చూడాలి. పువ్వాడను తప్పిస్తే సామాజిక సమీకరణ లెక్క తప్పుతుంది. అందుకే పొంగులేటి విషయంలో సస్పెన్స్ ఉంది. గుత్తాకు లైన్ క్లీయర్ అయితే అదే వర్గం మంత్రిపై వేటు పక్కా అంటున్నారు. మరి కేసీఆర్ ఫైనల్ డెసిషన్లు ఎలా ? ఉంటాయో ? చూడాలి.
This post was last modified on April 5, 2021 3:45 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…