Political News

య‌న‌మ‌ల ఇలాకాలో ఘోర ప‌రాజ‌యం..

టీడీపీలో సుదీర్ఘ రాజ‌కీయ చ‌రిత్ర‌ను సొంతం చేసుకున్న నాయ‌కుడు, చంద్ర‌బాబు త‌ర్వాత‌.. నెంబ‌ర్ 2గా వ్య‌వ‌హ‌రించే నేత‌.. మాజీ మంత్రి య‌న‌మ‌ల రామ‌కృష్ణుడు. వ్యూహాలు.. ఎత్తుల‌కు పై ఎత్తులు వేయ‌డంలో ఆయ‌న‌ను మించిన నాయ‌కుడు లేర‌ని ఒక ప్పుడు టాక్‌. అయితే.. ఆయ‌న కొన్నేళ్లుగా వైట్ ఎలిఫెంట్‌గా మారిపోయార‌నే టాక్ వినిపిస్తుండ‌డం గ‌మ‌నార్హం. తూర్పుగోదావ‌రి జిల్లాలోని తుని నియోజ‌క‌వ‌ర్గం నుంచి అన్న‌గారు ఎన్టీఆర్ హ‌యాంలోనే టీడీపీ లోకి వ‌చ్చిన య‌న‌మ‌ల‌.. స్పీక‌ర్‌గా, మంత్రిగా.. పార్టీలో అనేక ప‌దవులు వ్య‌వ‌హ‌రించారు.

తుని నుంచి ప‌లుమార్లు విజ‌యం సాధించి.. టీడీపీకి ఒక‌ప్పుడు కంచుకోట‌గా మ‌లిచారు. పార్టీ ఆవిర్భావం త‌ర్వాత‌ 1983 ఎన్నిక‌ల నుంచి 2004 వ‌ర‌కు కూడా వ‌రుస విజ‌యాలు సాధించారు. తిరుగేలేని నేత‌గా ఆయ‌న వ్య‌వ‌హ‌రించారు. అయితే.. 2009లో మాత్రం త్రిముఖ పోటీ.. వైఎస్ హ‌వాతో య‌న‌మ‌ల తొలిసారి ఓడిపోయారు. ఈ క్ర‌మంలోనే ఆయ‌న‌కు చంద్ర‌బాబు ఎమ్మెల్సీ ఇచ్చారు. ఇక‌, ఆ త‌ర్వాత 2014 ఎన్నిక‌ల నాటికి ఆయ‌న త‌ప్పుకొని ఆయ‌న సొద‌రుడుకు ఇక్క‌డ టికెట్ ఇప్పించుకున్నారు. ఇక‌, ఈయ‌న కూడా వ‌రుస ప‌రాజ‌యాలు చ‌విచూశారు. అయిన‌ప్ప‌టికీ.. తునిలో య‌న‌మ‌ల సోద‌రులు హ‌వా చ‌లాయిస్తూనే ఉన్నారు. త‌మ వ్యాపారాలు.. వ్య‌వ‌హారాల‌ను చ‌క్క‌బెట్టుకుంటూనే ఉన్నారు.

అయితే.. తాజాగా జ‌రిగిన ఎన్నిక‌ల్లో మాత్రం టీడీపీని గ‌ట్టెక్కించ‌లేక పోయారు. క‌నీసం.. గౌర‌వ ప్ర‌ద‌మైన స్థానాల‌ను కైవ‌సం చేసుకోవ‌డం మాట అటుంచితే.. పార్టీకి ఉనికి కూడా లేకుండా పోయేలా వ్య‌వ‌హ‌రించార‌నే కామెంట్లు వినిపిస్తున్నాయి. ఇక్క‌డ తుని మునిసిపాలిటీలో 30 వార్డులు ఉన్నాయి. వీటిలో ఏ ఒక్క దానిలోనూ టీడీపీ విజ‌యం సాధించ‌లేదు. మొత్తం గుండుగుత్తుగా వైసీపీ త‌న ఖాతాలో వేసుకుని.. సంచ‌ల‌న విజ‌యం న‌మోదు చేయ‌డం గ‌మ‌నార్హం.

అయితే.. టీడీపీ విజ‌యం సాధించ‌లేక‌పోవ‌డానికి య‌న‌మ‌ల సోద‌రులు అనుస‌రించిన వైఖ‌రే కార‌ణ‌మ‌ని టీడీపీలో నేత‌లు బ‌హిరంగ వ్యాఖ్య‌లే చేస్తున్నారు. త‌మ‌ను ప‌ట్టించుకోలేద‌ని.. వారు అంటున్నారు. అదేస‌మ‌యంలో పార్టీ అధిష్టానం ముందు.. అన్నీ తాను చూసుకుంటున్నాన‌ని చెప్ప‌న య‌న‌మ‌ల త‌ర్వాత చేతులు ఎత్తేశార‌ని.. కూడా ఇక్క‌డి అభ్య‌ర్థులు వాపోతున్నారు. మొత్తంగా చూస్తే.. య‌న‌మ‌ల సోద‌రులు తునిని తునాతున‌క‌లు చేశార‌నే కామెంట్లు వినిపిస్తుండ‌డం గ‌మ‌నార్హం.

This post was last modified on March 15, 2021 10:18 pm

Share

Recent Posts

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

26 minutes ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

37 minutes ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

10 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

11 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

11 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

11 hours ago