Political News

కొండా మేడమ్ తో పాటు ఇంకా చాలామంది క్షమాపణ చెప్పాలి

బీఆర్ఎస్ వర్కింగ్ ప్రెసిడెంట్ కేటీఆర్ పై మాజీ మంత్రి, కాంగ్రెస్ ఎమ్మెల్యే కొండా సురేఖ రెండేళ్ల క్రితం సంచలన ఆరోపణలు చేసిన వైనం పెను దుమారం రేపిన సంగతి తెలిసిందే. ఆ క్రమంలోనే సురేఖపై కేటీఆర్ పరువు నష్టం దావా వేశారు. మరోవైపు, ఇటీవల మంత్రి పదవి పోగొట్టుకున్న సురేఖ పక్క పార్టీల వైపు చూస్తున్నట్లు ప్రచారం జరుగుతోంది.

బీజేపీలో సురేఖకు తలుపులు మూసుకుపోవడంతో ఆమె బీఆర్ఎస్ వైపే అడుగులు వేసే అవకాశం ఉందని రాజకీయ విశ్లేషకులు అభిప్రాయపడుతున్నారు. ఈ నేపథ్యంలోనే కేటీఆర్ పై అనుచిత వ్యాఖ్యలు చేసిన రెండేళ్ల తర్వాత కేటీఆర్ కు సురేఖ క్షమాపణలు చెప్పడం, తన వ్యాఖ్యలపై పశ్చాత్తాపం వ్యక్తం చేయడం ప్రాధాన్యతను సంతరించుకుంది.

ఈ రోజు కేటీఆర్ ఏర్పాటు చేసిన మీడియా సమావేశం సందర్భంగా కేటీఆర్ కు కొండా సురేఖ క్షమాపణలు చెప్పిన విషయం గురించి కేటీఆర్ ను మీడియా ప్రతినిధులు ప్రశ్నించారు. ఈ నేపథ్యంలోనే సురేఖ వ్యాఖ్యలపై కేటీఆర్ స్పందించారు. మొన్న ఒక పేపర్ క్షమాపణలు చెప్పిందని, ఈ రోజు ఈ మేడం క్షమాపణలు చెప్పారని అన్నారు.

వీళ్లే కాదని, వరుసలో చాలామంది ఉన్నారని, ఇంకా చాలామంది భవిష్యత్తులో తనకు క్షమాపణలు చెబుతారని ధీమా వ్యక్తం చేశారు. ఫార్ములా ఈ రేస్ తో పాటు పలు విషయాల్లో తనపై కొందరు తీవ్ర ఆరోపణలు చేశారని, వారంతా కూడా పశ్చాత్తాప పడి క్షమాపణలు చెబుతారని అన్నారు.

నిజం ఎప్పటికైనా నిలకడ మీద తెలుస్తుందని కేటీఆర్ చెప్పారు. అయితే, తాను మీడియా సమావేశానికి వచ్చిన తర్వాత ఈ క్షమాపణల గురించి తెలిసిందని, కొండా సురేఖ ఏం ట్వీట్‌ చేశారో ఇంకా చూడలేదని వ్యాఖ్యానించారు. మరి, ఎక్స్ లో చాలా యాక్టివ్ గా ఉండే కేటీఆర్…కొండా సురేఖ ట్వీట్ పై ఏ విధంగా స్పందిస్తారు అన్నది ఆసక్తికరంగా మారింది.

This post was last modified on October 29, 2026 7:11 pm

Share

Recent Posts

లక్కీగా రేవంత్ సీఎం అయ్యారు: రాజగోపాల్ రెడ్డి

తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…

18 minutes ago

ఈ విష‌యంలో మోడీని మెచ్చేసుకున్నారు!

అన్ని విష‌యాల్లోనూ కాక‌పోయినా.. కొన్ని కొన్నివిష‌యాల్లో ప్ర‌ధాని న‌రేంద్ర మోడీ చూపే చొర‌వ ప్ర‌శంస‌లు అందుకుంటోంది. తాజాగా ఫిలిప్పీన్స్ రాజ‌ధాని…

35 minutes ago

‘వాళ్లంతా మూర్ఖులు.. వారికి సైన్స్ తెలీదు’

కేర‌ళ రాష్ట్రానికి చెందిన న‌టుడు, ప్ర‌స్తుతం కేంద్ర మంత్రిగా ఉన్న సురేష్ గోపి త‌న నోటికి ప‌ని చెప్పారు. బీజేపీ…

59 minutes ago

సూర్యకు విలన్‌గా గోపీచంద్?

సీనియర్ హీరో గోపీచంద్ మొదట ‘తొలి వలపు’ సినిమాతో కథానాయకుడిగానే ప్రయాణం మొదలుపెట్టాడు కానీ.. అతడికి నటుడిగా మంచి పేరొచ్చింది…

1 hour ago

బిచ్చగాడు హీరో ఎందుకు చెప్పులు వేసుకోడు

సంగీత దర్శకుడిగా ప్రయాణం మొదలుపెట్టి.. నటుడిగా ఫుల్ బిజీ అయిపోయాడు విజయ్ ఆంటోనీ. ‘బిచ్చగాడు’ చిత్రంతో అతను తెలుగులోనూ మంచి…

1 hour ago

టెక్కీలకు నైట్‌మేర్‌గా మారుతున్న నవంబర్

నవంబర్ నెల టెక్ ప్రపంచానికి ఊహించని షాక్‌లను ఇస్తోంది. ప్రపంచవ్యాప్తంగా ప్రముఖ టెక్నాలజీ సంస్థలు, బ్యాంకులు, విమానయాన సంస్థల డిజిటల్…

1 hour ago