Political News

బాబు పవన్ భేటీ… స్థానిక ముడి పడినట్టేనా?

రాష్ట్రంలో స్థానిక సంస్థల ఎన్నికలకు సన్నాహాలు ఊపందుకుంటున్న నేపథ్యంలో కూటమి నేతలు ఎన్నికల వ్యూహంపై దృష్టి సారించారు. ఈ క్రమంలో ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్‌కల్యాణ్‌ ఉండవల్లి క్యాంపు కార్యాలయంలో సమావేశమయ్యారు. సుమారు రెండు గంటలపాటు జరిగిన భేటీలో స్థానిక ఎన్నికల నిర్వహణ, కూటమి పార్టీల మధ్య సమన్వయం, సీట్ల సర్దుబాటు తదితర అంశాలపై చర్చించినట్లు సమాచారం.

స్థానిక ఎన్నికల్లో కూటమిలోని ఏ పార్టీ ఏ ప్రాంతంలో పోటీ చేయాలనే అంశంపైనే ప్రధానంగా చర్చ జరిగినట్లు తెలుస్తోంది. గ్రామ, మండల, జిల్లా స్థాయిలో టీడీపీ, జనసేన, బీజేపీల బలాబలాలను పరిగణనలోకి తీసుకుని స్థానాల పంపకం చేపట్టాలని నేతలు భావిస్తున్నట్లు సమాచారం. అభ్యర్థుల ఎంపికలోనూ మూడు పార్టీల మధ్య సమన్వయం ఉండేలా కార్యాచరణ రూపొందించడంపై దృష్టి సారించినట్లు తెలుస్తోంది. స్థానిక ఎన్నికల్లో కూటమి పార్టీలు కలిసికట్టుగా పనిచేసి మెరుగైన ఫలితాలు సాధించాలనే లక్ష్యంతో ముందుకు సాగుతున్నట్లు సమాచారం. బీసీ రిజర్వేషన్ల అంశం సుప్రీంకోర్టు పరిధిలో ఉన్న నేపథ్యంలో తదుపరి కార్యాచరణపైనా చంద్రబాబు, పవన్‌ చర్చించినట్లు తెలుస్తోంది.

ఇప్పటికే మూడు పార్టీలకు చెందిన నేతలు ఆరేడు దఫాలుగా సమావేశమై కూటమి సమన్వయం, స్థానిక ఎన్నికల సన్నద్ధతపై చర్చించారు. క్షేత్రస్థాయిలోనూ ఆయా పార్టీల నేతల మధ్య సమావేశాలు కొనసాగుతున్నాయి. ఈ నేపథ్యంలో చంద్రబాబు, పవన్‌కల్యాణ్‌ విడిగా భేటీ కావడం ప్రాధాన్యం సంతరించుకుంది. సమావేశం అనంతరం చంద్రబాబుతో కలిసి పవన్‌ అల్పాహార విందులో పాల్గొన్నారు.

బీజేపీ రాష్ట్ర అధ్యక్షుడు పీవీఎన్‌ మాధవ్‌ ఈ సమావేశానికి హాజరు కాలేదు. విశాఖపట్నంలో రక్షణ మంత్రి రాజ్‌నాథ్‌సింగ్‌ కార్యక్రమంలో పాల్గొనాల్సి ఉండటంతో ఆయన అందుబాటులో లేరని సమాచారం. స్థానిక సంస్థల ఎన్నికల షెడ్యూల్‌ వెలువడకముందే కూటమి పార్టీల బలాబలాలు, స్థానాల పంపకం, అభ్యర్థుల ఎంపిక, సమన్వయ వ్యవస్థను ఒక కొలిక్కి తీసుకురావడంపై తాజా భేటీలో కీలకంగా చర్చించినట్లు రాజకీయ వర్గాలు భావిస్తున్నాయి.

This post was last modified on October 6, 2026 2:00 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

23 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

23 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

33 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

44 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

1 hour ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago