Political News

ఫైర్ బ్రాండ్లు.. సైలెంట్‌.. టీడీపీలోనే ఎందుకిలా?

రాజ‌కీయాల‌న్నాక‌.. వివాదాల‌కు దూరంగా.. నిర్మాణాత్మ‌కంగా ఉండే రోజులు పోయాయి. ఇప్పుడంతా.. నువ్వు ఒక‌టంటే.. నేరెండెంటా? అనే నాయ‌కులు పెరిగిపోయారు. ప్ర‌జ‌ల్లో చాలా మంది కూడా ఇదే త‌ర‌హా రాజ‌కీయాల‌కు అల‌వాటు ప‌డ్డారు. ఫైర్ బ్రాండ్లు చేసే వ్యాఖ్య‌ల‌కు, వేసే కౌంట‌ర్ల‌కు సాధార‌ణ ప్ర‌జ‌ల నుంచి రాజ‌కీయ ప‌రిశీల‌కుల వ‌ర‌కు కూడా ఫాలోయింగ్ ఎక్కువ‌. ఆన్‌లైన్‌, యూట్యూబ్‌, సోష‌ల్ మీడియాల్లోనూ వీరికి రేటింగ్ ఎక్కువ‌. అందుకే.. ఎప్పుడు ఏ పార్టీలో అయినా ఫైర్ బ్రాండ్ మీడియా ముందుకు వ‌స్తే.. అన్ని పార్టీల్లోనూ ఆస‌క్తి ఉంటుంది.

వైసీపీని తీసుకుంటే.. కొడాలి నాని, రోజా, చెవిరెడ్డి భాస్క‌ర‌రెడ్డి, వంగా గీత‌, వైవీ సుబ్బారెడ్డి, ఆమంచి కృష్ణ‌మోహ‌న్.. ఇలా చాలా మంది ఉన్నారు. వీరు ఎప్పుడు మీడియా ముందుకు వ‌చ్చినా.. పెద్ద సంచ‌ల‌నం. వారు ఏ కామెంట్ చేసినా.. వ్యూస్ అదిరిపోతుంటాయి. ఇలానే.. టీడీపీలోనూ కొంద‌రు ఫైర్ బ్రాండ్లు ఉన్నారు. ప‌శ్చిమ గోదావ‌రి జిల్లా దెందులూరు నియోజ‌క‌వ‌ర్గం మాజీ ఎమ్మెల్యే చింత‌మ‌నేని ప్ర‌భాక‌ర్‌, వెల‌గ‌పూడి రామ‌కృష్ణ‌, పంచుమ‌ర్తి అనురాధ‌, స‌బ్బం హ‌రి, గంటా శ్రీనివాస‌రావు, విజ‌య‌వాడ సెంట్ర‌ల్ మాజీ ఎమ్మెల్యే బొండా ఉమా.., బోడే ప్ర‌సాద్‌, కేశినేని నాని, బీటెక్ ర‌వి, బుద్దా వెంక‌న్న‌.. ఇలా చాలా మంది ఉన్నారు.

వీరంతా టీడీపీ అంటే చెవులు, ముక్కు కూడా కోసేసుకుంటారు. ఇక‌, చంద్ర‌బాబుపై చిన్న‌పాటి మ‌చ్చ కూడా ప‌డ‌నివ్వ‌రు. అదేస‌మ‌యంలో ప్ర‌ధాన ప్ర‌తిప‌క్షం వైసీపీపై విమ‌ర్శ‌లు చేయ‌డంలోను ముందున్నారు. జ‌గ‌న్‌పై తీవ్ర‌స్థాయిలో విరుచుకుప‌డ‌డంలోనూ ఒక‌రిపై ఒక‌రు పోటీ ప‌డుతున్నారు. అయితే, ఇప్పుడు వీరికి చంద్ర‌బాబు ప్రాధాన్యం ఇవ్వ‌లేద‌నే టాక్ వినిపిస్తుండ‌డం గ‌మ‌నార్హం. పార్టీ పార్ల‌మెంట‌రీ నియోజ‌క‌వ‌ర్గాల్లో ఇంచార్జ్‌ల‌ను నియ‌మించినా.. మ‌హిళా నేత‌ల‌కు అవ‌కాశం ఇచ్చినా.. ఫైర్ బ్రాండ్ నేత‌ల‌కు మాత్రం అవ‌కాశం ఇవ్వ‌క‌పోవడం గ‌మ‌నార్హం.

దీంతో అస‌లు పార్టీలో ఏమైంది? ఫైర్ బ్రాండ్ల‌తో ఇక‌, ప‌డ‌లేక వీరిని దూరం పెట్టారా? లేక‌.. వివాదాలు కొని తెచ్చుకోవ‌డం ఎందుక‌ని భావిస్తున్నారా? అనే కోణంలో త‌మ్ముళ్ల మ‌ధ్య చ‌ర్చ జ‌రుగుతుండడం గ‌మ‌నార్హం. మ‌రి బాబు వ్యూహం ఏంటో చూడాలి. ఏదేమైనా.. ఒకింత దూకుడు కూడా పార్టీకి అవ‌స‌ర‌మ‌నే వ్యాఖ్య‌లు వినిపిస్తున్నాయి. మ‌రి ఏం చేస్తారో చంద్ర‌బాబు.

This post was last modified on October 5, 2020 1:47 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

6 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

6 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

16 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

27 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

55 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago