Gulte Telugu Telugu Political and Movie News Updates
పవన్ కళ్యాణ్ చేస్తున్న వకీల్ సాబ్ కంటే, ఆల్రెడీ షూటింగ్ మొదలైన క్రిష్ సినిమా కంటే గబ్బర్ సింగ్ దర్శకుడు హరీష్ శంకర్ తో చేసే సినిమా విషయంలోనే ఫాన్స్ ఎక్కువ ఎక్సయిటెడ్ గా ఉన్నారు. మీడియా ఈ సంగతి గుర్తించి ఈ సినిమా గురించి పుకార్లు ప్రచారం చేయడం మొదలు పెట్టింది. ఈ సినిమాకు సంబంధించి కథ సిద్ధం చేసినా ఇంకా పవన్ కి హరీష్ అది వినిపించలేదు.
కాన్సెప్ట్ పోస్టర్ అంటూ పవన్ బర్త్ డేకి విడుదల చేసిన పోస్టర్ గురించి కూడా పవన్ స్పందించలేదు. ఆ పోస్టర్ ద్వారా ఇది కమర్షియల్ సినిమానే కానీ సోషల్ మెసేజ్ ఉంటుందని హరీష్ తెలియజేసాడు. అంతకు మించి ఆ సినిమా గురించి ఇప్పుడే మాట్లాడడం కరెక్ట్ కాదని వెయిట్ చేస్తున్నాడు. అయితే ఈ సినిమాలో పవన్ పోలీస్ క్యారెక్టర్ చేస్తున్నాడని, గబ్బర్ సింగ్ మాదిరిగానే పవన్ ని పోలీస్ పాత్రలో విలక్షణంగా చూపించడానికి హరీష్ ప్లాన్ చేస్తున్నాడని కొందరు రాస్తున్నారు.
మరి కొందరు ఈ చిత్రం హరీష్ తీసిన మిరపకాయ్ 2 లా ఉంటుందని అంటున్నారు. అన్నట్టు అందులో కూడా హీరో పోలీసేనండోయ్. మిరపకాయ్ కథ అప్పట్లో పవన్ కోసమే రాసిన హరీష్ ఇప్పుడా కథని మరోలా మార్చి పవన్ ని అభిమానులు మెచ్చేలా చూపించే ప్రయత్నం చేస్తున్నాడని ప్రచారం చేస్తున్నారు. ఈ సినిమా గురించి మాట్లాడుకోడానికి చాలా సమయం ఉంది కనుక అందాక ఈ గాసిప్స్ ఫాన్స్ ని ఖుషీ చేస్తాయి.
