హనుమాన్ బ్లాక్ బస్టర్ సక్సెస్ ఏమో కానీ రాబోయే ప్యాన్ ఇండియా మూవీస్ లో ఆయన రిఫరెన్స్ ఉండటం కాకతాళీయంగా పెరుగుతోంది. నిన్న చిరంజీవి విశ్వంభరలో ఏకంగా పెద్ద అంజనీ పుత్రుడి విగ్రహాన్ని చూపించి కథలో కీలక భాగం కాబోతున్నారని చెప్పకనే చెప్పారు. స్వతహాగా ఆయనకు మెగాస్టార్ వీరభక్తుడు కావడంతో సహజంగానే ఆయా సన్నివేశాలకు ప్రాధాన్యం ఎక్కువగా ఉంటుంది. ఇప్పుడీ లిస్టులో మరో సినిమా తోడవుతోంది. నిఖిల్ హీరోగా రూపొందుతున్న స్వయంభులో తాను హనుమంతుడి భక్తుడిగా నటిస్తున్నట్టు నిఖిల్ స్వయంగా వెల్లడించడంతో ఓ ముఖ్యమైన క్లూ ఇచ్చేసినట్టే.
ఇతిహాసాల నేపథ్యంలో భరత్ కృష్ణమాచారి దర్శకత్వంలో రూపొందుతున్న ఈ ఎపిక్ డ్రామా కోసం నిఖిల్ నెలల తరబడి కత్తి యుద్దాలు, కుస్తీలు నేర్చుకున్నాడు. గుర్రపు స్వారీలు అలవాటయ్యాయి. ఆయుధాలును వాడటంలో ప్రత్యేక శిక్షణ తీసుకున్నాడు. కొంచెం లేట్ అవుతున్నా పాత్రకు తగ్గ సన్నద్ధత కోసం కష్టపడుతున్నాడు. కార్తికేయ 2 తెచ్చిన ప్యాన్ ఇండియాని పెంచుకునే క్రమంలో 18 పేజెస్ ఓ మోస్తరుగా ఆడినా స్పై నిరాశ పరిచింది. అందుకే స్పీడ్ కంటే క్వాలిటీకి ప్రాధాన్యం ఇవ్వాలని గుర్తించిన నిఖిల్ దానికి తగ్గట్టే స్వయంభు కోసం చాలా సమయం ఖర్చు చేస్తున్నాడు.
ఇది కాకుండా రామ్ చరణ్ నిర్మిస్తున్న ది ఇండియా హౌస్ మీద కూడా భారీ అంచనాలు నెలకొన్నాయి. ఈ రెండు సినిమాలతో స్టార్ లీగ్ లోకి వెళ్తాననే నమ్మకంతో నిఖిల్ ఉన్నాడు. స్వయంభు ఈ ఏడాది దసరా లేదా దీపావళికి రిలీజ్ చేసేలా ప్లాన్ చేసుకుంటున్నారు. హనుమాన్ నార్త్ ఇండియాలోనూ ఘనవిజయం సాధించడంతో బాలీవుడ్ బయ్యర్లు, నిర్మాతలు నిర్మాణంలో భారీ తెలుగు చిత్రాల మీద హక్కుల కోసం కన్నేస్తున్నారు. స్వయంభుకి బిజినెస్ ఎంక్వయిరీలు వస్తున్నాయి. కెజిఎఫ్, సలార్ ఫేమ్ రవి బస్రూర్ సంగీతం సమకూరుస్తున్న ఈ మూవీకి సంబంధించిన క్యాస్టింగ్ ని ఇంకా ప్రకటించలేదు.
This post was last modified on January 16, 2024 9:32 pm
వరద భయం లేకుండా ప్రపంచ స్థాయి ప్రమాణాలతో అమరావతి నగరాన్ని నిర్మిస్తున్నట్లు కూటమి ప్రభుత్వం హామీ ఇస్తోంది. మరోవైపు అమరావతి…
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…