పఠాన్,జవాన్, టైగర్ 3 తర్వాత బాలీవుడ్ లో మళ్ళీ అంతే అంచనాలున్న సినిమా అనిమల్. దర్శకుడు సందీప్ రెడ్డి వంగా కావడంతో ఇతర భాషల్లోనూ దీని మీద మంచి ఆసక్తి నెలకొంది. అర్జున్ రెడ్డి, కబీర్ సింగ్ బ్రాండ్ బాగా పని చేస్తోంది. ఇటీవలే రిలీజ్ చేసిన టీజర్ చూశాక ఒక్కసారిగా బిజినెస్ వర్గాల్లో హైప్ వచ్చేసింది. ముందు సౌమ్యుడిగా ఉంటూ తర్వాత తండ్రి కోసం మరణ శాసనాలు రాసే గ్యాంగ్ స్టర్ గా మారిపోయే క్రమాన్ని సందీప్ ఇంటెన్స్ గా తెరకెక్కించాడనే టాక్ అంతర్గతంగా వినిపిస్తోంది. అయితే కొన్ని హాలీవుడ్ సినిమాల నుంచి స్ఫూర్తి తీసుకున్నారనే కామెంట్లు క్రమంగా పెరుగుతున్నాయి.
బాగా వైరలైన సీన్లలో రన్బీర్ కపూర్, రష్మిక మందన్నను ఫ్లైట్ కాక్ పిట్ లో లిప్ లాక్ కిస్ చేసుకోవడం ఒకటి. ఇది ఎప్పుడో ఎనిమిదేళ్ల క్రితం వచ్చిన ఫిఫ్టీ షేడ్స్ అఫ్ గ్రేలో హెలికాఫ్టర్ సన్నివేశం లాగే ఉందని నెటిజెన్లు ఉదాహరణగా చెబుతున్నారు. తడిసిన చొక్కాతో చేతిలో చిన్న గొడ్డలి పట్టుకుని హీరో చేసే ఊచకోత కూడా కొరియన్ మూవీ ఓల్డ్ బాయ్ నుంచి తీసుకున్నదని పోలికలు చూపిస్తున్నారు. నిజానికి ఇలాంటి మాఫియా కథలు అన్నింటికి రెఫెరెన్స్ బుక్ లాగా ఫ్రాన్సిస్ కొప్పుల గాడ్ ఫాదర్. దాన్ని స్ఫూర్తిగా తీసుకుని ఎన్ని సక్సెస్ ఫుల్ బ్లాక్ బస్టర్లు వచ్చాయో చెప్పడం కష్టం.
కాబట్టి అనిమల్ లో కేవలం కొన్ని సెకండ్ల ఫుటేజ్ చూసి వెంటనే ఒక నిర్ధారణకు రాలేం. కబీర్ సింగ్ టైంలో కేవలం సౌత్ డైరెక్టరనే ఉద్దేశంతో ఆ సినిమాని చాలా నెగటివ్ గా రివ్యూ చేసిన కొందరు ముంబై మీడియా ప్రముఖులు ఆ తర్వాత దానికి వచ్చిన రెండు వందల కోట్ల వసూళ్లు చూసి సైలెంట్ అయిపోయారు. అది చూసే టి సిరీస్ ఇంత భారీ బడ్జెట్ తో అనిమల్ తీసే ఛాన్స్ ఇచ్చింది. ఇది రిలీజ్ అయ్యాక ప్రభాస్ స్పిరిట్ తాలూకు స్క్రిప్ట్ పనులు మొదలుకాబోతున్నాయి. ఆ తర్వాత మహేష్ బాబు, చిరంజీవి, షారుఖ్ ఖాన్ లలో ఒకరితో ప్రాజెక్టు లాక్ అయ్యే ఛాన్స్ ఉందని వినికిడి.
This post was last modified on October 18, 2023 7:07 pm
ఒకప్పుడు భారత క్రికెట్‌లో లలిత్ మోదీ మాటకు ఎంతో విలువ ఉండేది. ఐపీఎల్‌ను ప్రారంభించి బీసీసీఐకి భారీ ఆదాయం వచ్చేలా…
లెజెండరీ డైరెక్టర్ కృష్ణవంశీ, సీనియర్ నటి రమ్యకృష్ణల వివాహ బంధం గురించి జనాలకు అనేక సందేహాలున్నాయి. వీళ్లిద్దరూ కలిసి జీవిస్తున్న…
క్యాన్సర్ చికిత్సలో దశాబ్దాలుగా కొనసాగుతున్న పరిశోధనలు ఇప్పుడు సరికొత్త మలుపు తిరుగుతున్నాయి. వ్యాధిని గుర్తించడం, కణితులను తొలగించడం, కీమోథెరపీ, రేడియేషన్…
మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…
ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…
ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…