షాకింగ్ విషాదం చోటు చేసుకుంది. బిచ్చగాడు ఫేం.. కోలీవుడ్ తో పాటు తెలుగు ప్రేక్షకులకు సుపరిచితుడైన విజయ్ ఆంటోని ఇంట్లో అనూహ్య ఘటన చోటు చేసుకుంది. పన్నెండో తరగతి చదువుతున్న ఆయన కుమార్తె మీరా ఆంటోని ఆత్మహత్య చేసుకున్నారు. ఆమెను ఆసుపత్రికి తరలిస్తుండగానే కన్నుమూసినట్లుగా తెలుస్తోంది.
చెన్నైలోని విజయ్ ఆంటోని ఇంట్లో ఆయన కుమార్తె ఉరి వేసుకొని ఆత్మహత్య చేసుకున్నట్లుగా చెబుతున్నారు. బిచ్చగాడు సినిమా తర్వాత నుంచి ఆయనకు తెలుగులో మార్కెట్ పెరగటమే కాదు.. ఆయన నటిస్తున్న ప్రతి సినిమా విడుదల అవుతోంది. విజయ్ ఆంటోని కుమార్తె ఆత్మహత్య చేసుకున్న విషయం బయటకు వచ్చి షాకింగ్ గా మారింది. చిన్న వయసులో ఉన్న ఆమె అంతటి తీవ్ర నిర్ణయాన్ని ఎందుకు తీసుకుందన్నది ఇప్పుడు చర్చగా మారింది.
తీవ్రమైన ఒత్తిడితో ఆమె ఉన్నట్లుగా చెబుతున్నారు. మీరా మరణవార్త గురించి తెలిసినంతనే తమిళ.. తెలుగు చిత్ర పరిశ్రమకు చెందిన పలువురు విచారం వ్యక్తం చేస్తున్నారు. తమ సంతాపాన్ని తెలియజేస్తున్నారు. ఇంట్లో మీరా ఊరి వేసుకున్న విషయాన్ని గమనించిన కుటుంబ సభ్యులు ఇంటికి దగ్గర్లోని ప్రైవేటు ఆసుపత్రికి తీసుకెళ్లారు. అప్పటికే ఆమె మరణించిన విషయాన్నివైద్యులు తెలిపారు.
చెన్నై డీడీకే రోడ్ లోని విజయ్ ఆంటోని నివాసం ఉంది. ఈ తెల్లవారుజామున (మంగళవారం) మూడు గంటల వేళలో మీరా ఉరి వేసుకున్న విషయాన్ని గుర్తించి ఆసుపత్రికి తరలించారు. ఆత్మహత్యకు కారణం ఏమిటన్నది అధికారికంగా వెల్లడి కావాల్సి ఉంది. తన కుమార్తె ఆత్మహత్యపై విజయ్ ఆంటోని ఇప్పటివరకు ఎలాంటి ప్రకటన చేయలేదు. కుమార్తె ఆత్మహత్యతో తీవ్రమైన విషాదంలో మునిగిన ఆయనకు అభిమానులు ధైర్యం చెబుతున్నారు. బాధ పడకు అన్నా.. అంటూ ట్వీట్లు చేస్తున్నారు.
ఆమె ఆత్మహత్య సందర్భంగా గతంలో సూసైడ్ థాట్స్ గురించి విజయ్ ఆంటోని చెప్పిన మాటలు వైరల్ అవుతున్నాయి. ఆత్మహత్య ఎందుకు చేసుకుంటారన్న విషయంపై గతంలో విజయ్ ఆంటోని తన అభిప్రాయాల్ని పంచుకుంటూ.. ఎవరినైనా ఎక్కువగా నమ్మి మోసపోయినప్పుడు.. చెప్పినట్లుగా.. కమిట్ మెంట్ తో ఇచ్చిన పనిని చేయలేకపోయినప్పుడు.. చిన్నపిల్లలు అయితే చదువు విషయంలో వచ్చే ఒత్తిడితో ఆత్మహత్య ఆలోచనలు వస్తాయని పేర్కొన్నారు. ఆత్మహత్యలపై ఇంతటి క్లారిటీ ఉన్న ప్రముఖుడి ఇంట్లోనే ఈ విషాదం చోటు చేసుకోవటం అయ్యో అనిపించక మానదు.
ఏపీలో కూటమిగా ఏర్పడిన టిడిపి, జనసేన, బిజెపిలు అధికారంలోకి వచ్చి రెండు సంవత్సరాలు పూర్తయింది. ఈ క్రమంలో కూటమికి నేతృత్వం…
ఓ రాజకీయ పార్టీ తనను వేధించిన విషయంపై అలుపెరగని పోరాటం చేసి తీరుతుంది. అలా చేయకుంటే… అది రాజకీయ పార్టీ…
భారత దేశ ప్రధాన మంత్రి నరేంద్ర మోదీ బుధవారం ఓ అరుదైన రికార్డును సొంతం చేసుకున్నారు. దేశానికి అత్యధిక కాలం…
జనసేన అధినేత, ఏపీ డిప్యూటీ సీఎం పవన్ కల్యాణ్ మరోమారు తెలంగాణ అంశం మీద నోరు విప్పారు. భారత దేశంలో…
ఏపీ అభివృద్ధికి కేంద్రంలోని నరేంద్ర మోడీ ప్రభుత్వం అన్ని విధాలా సాయం చేస్తోందని ఏపీ డిప్యూటీ సీఎం పవన్ కల్యాణ్…
సినీ ప్రియులను అంతులేని విషాదంలో ముంచెత్తుతూ లెజెండరీ దర్శకులు భారతీరాజా కన్నుమూశారు. ఆయన జ్ఞాపకాలలో అభిమానులు గతాన్ని తలుచుకుంటున్నారు. పేరు…