మార్చిలో నెట్ ఫ్లిక్స్ ద్వారా విడుదలైన వెబ్ సిరీస్ రానా నాయుడు మీద ఎన్ని విమర్శలు వచ్చినా అది సదరు ఓటిటి ప్లాట్ ఫార్మ్ మీద వారాల తరబడి టాప్ పొజిషన్ లో ఉన్న మాట వాస్తవం. వెంకటేష్ లాంటి హోమ్లీ హీరోని ఇలాంటి బూతు కంటెంట్ లో చూడాల్సి రావడం పట్ల తెలుగు ప్రేక్షకులు అసంతృప్తిని వ్యక్తం చేసినప్పటికీ నార్త్ ఆడియన్స్ తో పాటు ఓవర్సీస్ జనాలు దీన్ని బ్రహ్మాండంగా ఆదరించారు. ఇదే ఉత్సాహంతో ఇప్పుడు సీజన్ 2 రాబోతోంది. ఈ మేరకు చిన్న టీజర్ తో కూడిన ఒక అఫీషియల్ అనౌన్స్ మెంట్ ని నెట్ ఫ్లిక్స్ ఇవాళ సోషల్ మీడియా వేదికగా ప్రకటించింది.
ఇన్ సైడ్ సోర్స్ ప్రకారం ఈసారి రానా నాయుడు 2 ఇంకాస్త ఘాటుగా ఉంటాడట. దీని షూటింగ్ మొదటి భాగంతో పాటుగా ఇంతకు ముందే తీశారట. అయితే ఈసారి రాబోయే ఎపిసోడ్లలో బూతులు, అడల్ట్ కంటెంట్ కొంచెం ఎక్కువ మోతాదులో ఉండటం వల్ల యధాతథంగా ఉంచాలా లేక ఏమైనా డోస్ తగ్గించాలా అనే విషయంలో త్వరలోనే నిర్ణయం తీసుకునే ఛాన్స్ ఉంది. మన ఫ్యామిలీ జనాలు ఇప్పటికీ రానా నాయుడుని చూడని వాళ్ళు కోట్లలో ఉన్నారు. కనీసం వాళ్ళ కోసమైనా ఈసారి ఏమైనా మారుస్తారేమో అనుకున్నారు కానీ చూస్తుంటే ఆ సూచనలేం లేనట్టే.
రానా నాయుడు సక్సెస్ తో నెట్ ఫ్లిక్స్ మరికొన్ని సిరీస్ లను దక్షిణాదిలోని బడా హీరోలతో ప్లాన్ చేస్తోంది. సినిమాలకు మించిన రెమ్యునరేషన్లు ఆఫర్ చేస్తూ డిమాండ్ చేస్తే ఇంకా ఎక్కువ ఇచ్చేందుకు కూడా సిద్ధపడుతోందట. 2023లో రాబోతున్న భారీ తెలుగు తమిళ చిత్రాల నాన్ థియేట్రికల్ హక్కులను వందల కోట్లు పోసి కొన్న ఈ సంస్థ ఇకపై అంతర్జాతీయ స్థాయిలో బోల్డ్ స్టోరీస్ ని ఎంత ఖర్చైనా సరే తీసేందుకు ప్రణాళికలు వేసుకుంటోంది. ఫస్ట్ సీజన్ ప్రమోషన్లో అన్నట్టు రానా ఈసారి కూడా పెద్దలకు మాత్రమేనని మరింత నొక్కి వక్కాణించి చెబుతాడేమో.
This post was last modified on April 19, 2023 12:31 pm
ప్రధాని మోదీ, హోం మంత్రి అమిత్ షాలు చేసింది అత్యంత అరుదైన నేరం, వారు న్యాయ ప్రక్రియ నుంచి ఎప్పటికీ…
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్రధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…