బాహుబలి, సాహో, రాధే శ్యామ్ కోసం ఏళ్లకేళ్లు ఖర్చు పెట్టేసిన ప్రభాస్ ఇప్పుడు ఏకంగా నాలుగైదు సినిమాలు ఒకేసారి లైన్ లో పెట్టేసి ఏ స్టార్ హీరో లేనంత బిజీగా షూటింగులలో తలమునకలై ఉన్నాడు. బాలీవుడ్ దర్శకుడు సిద్దార్థ్ ఆనంద్ తో ఎప్పటి నుంచో ఒక ప్రాజెక్టు ప్లానింగ్ లో ఉన్న సంగతి తెలిసిందే. మైత్రి మూవీ మేకర్స్ దీని కోసం ప్రణాళికల్లో ఉంది. ఒక వేళ మిస్ అయితే యష్ రాజ్ బ్యానర్ కు వెళ్లే అవకాశముంది. అయితే కేవలం ఓవర్ ది టాప్ యాక్షన్ ఎపిసోడ్స్ తప్ప కథా కథనాల మీద అంత దృష్టి పెట్టడనే కంప్లయింట్ సిద్దార్థ్ ఆనంద్ మీద ఉంది. బ్యాంగ్ బ్యాంగ్, వార్ దానికి ఉదాహరణలు.
తాజాగా పఠాన్ వచ్చింది. ఈ మూడూ కమర్షియల్ స్కేల్ లో చాలా పెద్ద విజయాలు నమోదు చేసుకున్నాయి. స్టార్ పవర్ ని సరిగ్గా వాడుకుని ఎలివేషన్లతో డ్రామాను పండించే తీరు సిద్దార్థ్ ఆనంద్ కి అవకాశాలు తెచ్చి పెడుతోంది. ఇతని నెక్స్ట్ మూవీ హృతిక్ రోషన్ తో జరుగుతోంది. టైటిల్ ఫైటర్. ఈ ఏడాది లోపు షూటింగ్ పూర్తి చేసేలా ప్లానింగ్ చేసుకున్నారు. ఇదయ్యాక ప్రభాస్ తో సినిమా చేయాలనేది సిద్దార్థ్ ఆనంద్ ఆలోచన. ముందైతే హృతిక్ ప్రభాస్ లను కలిపి వార్ 2 తీయాలనుకున్నాడు కానీ ఆ ఇద్దరి డేట్లు కథకు సంబంధించిన చిక్కుల వల్ల కాంబో సాధ్యపడలేదు. దీంతో ఫైటర్ సోలో అయ్యాడు.
ఇప్పుడీ ఫలితాలన్నీ చూసిన తర్వాత ఫ్యాన్స్ లో నమ్మకం పెరిగింది. కానీ సాహో తాలూకు అనుభవాలు ఇంకా మర్చిపోలేదు. అదిరిపోయే యాక్షన్ విజువల్స్, బోలెడంత కథ ఉన్నా ప్రేక్షకులను మెప్పించడంలో ఫెయిల్ అయ్యింది. దాన్ని హ్యాండిల్ చేయడంలో సుజిత్ పడ్డ తడబాటు వల్ల రిజల్ట్ తేడా కొట్టింది. కానీ సిద్దార్థ్ ఆనంద్ కి ఆ ఇబ్బంది లేదు. ఇలాంటివి డీల్ చేయడంలో తన నైపుణ్యం మూడు సార్లు ఋజువు చేసుకున్నాడు కాబట్టి ప్రభాస్ నిశ్చితంగా అతన్ని నమ్మేయొచ్చు. ఆది పురుష్, సలార్, మారుతి సినిమా, ప్రాజెక్ట్ కె, స్పిరిట్ ఇవన్నీ పూర్తయ్యాకే ఈ ప్యాన్ ఇండియా మూవీ పట్టాలెక్కొచ్చు.
This post was last modified on January 26, 2023 6:09 am
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…